இள நரை பிரச்சனை? காரணம் பித்தம் அதிகரிப்பு; அதுக்கு இந்தக் கீரையை மட்டும் சாப்பிட்டில் சேருங்க!

இளம் வயதிலேயே முடி நரைக்கும் பிரச்சனை உள்ளதா? அப்போ நீங்கள் சாப்பிட வேண்டியது அகத்திக்கீரைதான். அகத்திக்கீரையை உணவில் சேர்ப்பதன் மூலம் பித்தத்தின் தாக்கம் குறையும், தலைசுற்றல், மயக்கம் போன்ற பிரச்சனைகள் நீங்கும், மேலும் இளநரை வருவதற்கான வாய்ப்புகளும் குறையும் என்று குறிப்பிடப்பட்டுள்ளது. காபி, டீ அதிகம் குடிப்பதால் ஏற்படும் பித்தத்தைக் குறைக்க வாரத்திற்கு ஒரு முறை அகத்திக்கீரையை உணவில் சேர்த்துக்கொள்வது சிறந்தது. இதனை எப்படி செய்வது என்று வீரன்வீடு இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

அகத்திக்கீரை 
சின்ன வெங்காயம்  
தேங்காய் துருவல் 
வரமிளகாய் 
உப்பு
எண்ணெய்  
கடுகு 
கறிவேப்பிலை 

செய்முறை:

முதலில் அகத்திக்கீரையை நன்றாக சுத்தம் செய்து, பொடியாக நறுக்கிக் கொள்ளவும். சின்ன வெங்காயத்தையும் பொடியாக நறுக்கி தனியே வைக்கவும். ஒரு கடாயை அடுப்பில் வைத்து ஒரு தேக்கரண்டி எண்ணெய் ஊற்றி சூடாக்கவும். எண்ணெய் சூடானதும், அதில் கடுகு சேர்த்து வெடிக்க விடவும். கடுகு வெடித்ததும், கறிவேப்பிலை மற்றும் வரமிளகாயைப் போட்டு தாளிக்கவும். பின்னர் பொடியாக நறுக்கி வைத்துள்ள சின்ன வெங்காயத்தைச் சேர்த்து பொன்னிறமாகும் வரை நன்றாக வதக்கவும்.

வெங்காயம் வதங்கிய பின், நறுக்கி வைத்திருக்கும் அகத்திக்கீரையைச் சேர்த்து கிளறவும். கடாயை மூடி மிதமான தீயில் வைத்து கீரையை வேக விடவும். கீரை முக்கால் பாகம் வெந்த பிறகு, தேவையான அளவு உப்பைச் சேர்க்கவும். அதனுடன் தேங்காய் துருவலையும் சேர்த்து நன்றாகக் கிளறி விடவும். கீரை முழுவதுமாக வெந்தவுடன் அடுப்பை அணைத்து, சுடச்சுட சத்தான அகத்திக்கீரை பொரியலை சாதத்துடன் அல்லது துணை உணவாகப் பரிமாறவும். சத்து நிறைந்த மற்றும் பித்தத்தை குறைக்கும் இந்த அகத்திக்கீரை பொரியல் இப்பொழுது தயார்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.