பெண்களுக்கு இருக்கும் 2 முக்கிய பிரச்சனை... இட்லி, தோசை கூட இந்த பொடி சாப்பிட்டால் பறந்து போகும்!

முடி உதிர்வு மற்றும் எலும்பு வலிமைக் குறைபாடு போன்ற பிரச்சனைகளால் பாதிக்கப்படுபவர்களுக்கு, கறிவேப்பிலை மற்றும் உளுந்து ஒரு இயற்கையான தீர்வாக அமைகிறது. இந்த இரண்டு பொருட்களையும் பயன்படுத்தி சுவையான மற்றும் சத்தான இட்லி, தோசை பொடியை வீட்டிலேயே தயார் செய்யலாம். இதனை எப்படி செய்வது என்று சவுத் இந்தியன் இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

கறிவேப்பிலை (புதிதாக ஆய்ந்தது)
உளுந்து (கருப்பு உளுந்து)
மிளகு
மல்லி
சீரகம்
வெள்ளை எள்
உப்பு கல்
வறுத்த பூண்டு
மாங்காய் பொடி
பெருங்காயம்

செய்முறை:

முதலில், ஒரு கடாயில் கருப்பு உளுந்தை போட்டு, வாசனை வரும் வரை வறுத்து எடுக்கவும். அடுத்து, மிளகு, மல்லி, சீரகம், வெள்ளை எள் சேர்த்து வறுக்கவும். அதனுடன் உப்பு கல் மற்றும் வறுத்த பூண்டு சேர்த்து, லேசாக வறுத்து எடுக்கவும். புதினா மற்றும் கறிவேப்பிலையை (புதிதாக ஆய்ந்தது) எண்ணெய் சேர்க்காமல் கடாயில் போட்டு, ஈரம் இல்லாமல் வறுத்து எடுக்கவும்.

மிக்சியில் வறுத்த புதினா, கறிவேப்பிலையை போட்டு ஒரு ஓட்டு ஓட்டி, பின்னர் வறுத்த மிளகு, உப்பு கல்லை சேர்த்து அரைக்கவும். மாங்காய் பொடி, பெருங்காயம், உப்பு சேர்த்து இட்லி பொடி பதத்திற்கு நைஸாக அரைத்துக்கொள்ளவும். இந்த பொடியை ஒரு பவுலில் சேர்த்து, வறுத்த உளுந்தையும் மிக்சியில் போட்டு அரைத்து, இரண்டையும் ஒன்றாக கலந்துவிட்டால் சத்தான கறிவேப்பிலை பொடி தயார். 

View this post on Instagram

A post shared by Praveen (@southindianasmr2.0)

கறிவேப்பிலை முடி வளர்ச்சிக்கு மிகவும் சிறந்தது. இதில் உள்ள வைட்டமின்கள் மற்றும் புரதங்கள் முடி உதிர்வதைத் தடுப்பதோடு, முடியின் வேர்களை வலுப்படுத்தி, ஆரோக்கியமான முடி வளர்ச்சிக்கு உதவுகிறது. உளுந்தும் முடிக்கு தேவையான ஊட்டச்சத்துக்களை வழங்குகிறது. உளுந்தில் கால்சியம் சத்து நிறைந்துள்ளது, இது எலும்புகளை வலுப்படுத்தவும், எலும்பு அடர்த்தியைப் பராமரிக்கவும் உதவுகிறது.

கறிவேப்பிலையும் எலும்புகளின் ஆரோக்கியத்திற்கு பங்களிக்கிறது. கறிவேப்பிலை செரிமானத்திற்கு உதவும் பண்புகளைக் கொண்டுள்ளது. இது வயிற்று உபாதைகளை நீக்கி, குடல் இயக்கத்தை சீராக்க உதவுகிறது. கறிவேப்பிலையில் உள்ள ஆக்ஸிஜனேற்றிகள் உடலின் நோய் எதிர்ப்பு சக்தியை அதிகரிக்க உதவுகிறது.