முட்டை கறி தின்ன ஆப்கான் வரை போக வேணாம்... நம்ம வீட்டிலே ரெடி செய்யலாம்!

ஆப்கானிஸ்தானின் புகழ்பெற்ற ஆப்கானி முட்டை கறி அதிக மசாலாவோ அல்லது காரமோ இல்லாமல், மிதமான மசாலாக்களுடன், மென்மையான, கிரீமியான கிரேவியில் இருக்கும். இதனை மிக எளிமையான முறையில் எப்படி செய்வது என்று முத்தையா கார்த்திகேயன் இன்ஸ்டா பக்கத்தில் செய்து காட்டியிருப்பது பற்றி பார்ப்போம். இந்த டிஷ் நீங்கள் எப்போதும்போல முட்டை கறி செய்வது போல் இல்லாமல் வேறு ஒரு சுவையில் நன்றாக இருக்கும். மதியம் லஞ்ச்க்கு இதை ட்ரை பண்ணலாம்.

தேவையான பொருட்கள்:

வேகவைத்த முட்டைகள்
வெங்காயம்
தக்காளி
இஞ்சி-பூண்டு விழுது
மஞ்சள் தூள் 
மிளகாய்த் தூள்
மல்லித்தூள்
சீரகத் தூள்
கரம் மசாலா 
எண்ணெய்
உப்பு 
கறிவேப்பிலை, கொத்தமல்லி

செய்முறை:

ஒரு கடாயில் சிறிது எண்ணெய் ஊற்றி, மஞ்சள் தூள் மற்றும் மிளகாய்த் தூள் சேர்த்து, கீறிய முட்டைகளை லேசாகப் பொன்னிறமாகும் வரை வறுத்து தனியே எடுத்து வைக்கவும். அதே கடாயில் மேலும் எண்ணெய் சேர்த்து, கறிவேப்பிலை போட்டு தாளிக்கவும். பிறகு நறுக்கிய வெங்காயத்தைச் சேர்த்து பொன்னிறமாகும் வரை வதக்கவும். இஞ்சி-பூண்டு விழுது சேர்த்து பச்சை வாசனை போகும் வரை வதக்கிய பின், அரைத்த தக்காளியைச் சேர்க்கவும். தக்காளி நன்கு சுருங்கி எண்ணெய் பிரியும் வரை கிளறவும்.

View this post on Instagram

A post shared by Muthiah Karthikeyan (@muthiah_karthikeyan)

அடுப்பை மிதமாக வைத்து, மஞ்சள் தூள், மிளகாய்த் தூள், மல்லித்தூள், சீரகத் தூள் மற்றும் உப்பு சேர்த்து நன்கு கிளறவும். ஒரு நிமிடம் வதக்கவும்.  இதில் சுமார் 1 முதல் 1.5 கப் தண்ணீர் ஊற்றி, கிரேவியை கொதிக்க விடவும். கிரேவி சிறிது கெட்டியானதும், வறுத்து வைத்த முட்டைகளைச் சேர்க்கவும். கடைசியாக கரம் மசாலா தூவி, கொத்தமல்லி இலையால் அலங்கரித்து, 2 நிமிடங்கள் மிதமான தீயில் வைத்து இறக்கவும். சூடான சாதம், ரொட்டி அல்லது நான் உடன் சுடச்சுட பரிமாறவும். இந்த ஆப்கான் சுவை உங்கள் வீட்டில் நிச்சயம் அனைவரையும் கவர்ந்திழுக்கும்.