எப்ப பார்த்தாலும் சட்னி, சாம்பார்... இட்லி, தோசைக்கு இந்த குழம்பு ட்ரை பண்ணுங்க; கணக்கே இல்லாமல் சாப்பிடுவீங்க!

இட்லி, தோசை என்றாலே நம் நினைவிற்கு முதலில் வருவது சட்னி அல்லது சாம்பார் தான். காலங்காலமாக இதே குழம்பை வைத்துதான் நாம் இந்த உணவுகளை உண்டு வருகிறோம். சிலருக்கு இட்லி, தோசைக்கு சட்னி, சாம்பார தவிர வேறு குழம்பே இல்லையா என்று தோன்றும். சிலருக்கு சட்னி, சாம்பார் மீதுள்ள வெறுப்பால் இட்லி, தோசையும் பிடிக்காமல் போய்விடும்.

என்ன சொன்னாலும், இட்லி - தோசைக்கு சட்னி - சாம்பார் தானே காம்பினேஷனா இருக்கும் என்று பலர் விவாதித்தாலும் ஒரு கட்டத்திற்கு மேல் ஒரு குழம்பை வைத்து சாப்பிடுவதற்கு சலித்துதான் போகும். இனிமேல் உங்களுக்கு இந்த கவலை இல்லை. இட்லி - தோசையை வெறுக்காத அளவுக்கு ஒரு சூப்பரான பொட்டு கடலை குழம்பு பற்றி இந்த தொகுப்பில் பார்க்கலாம்.

தேவையான பொருட்கள்

பொட்டுக் கடலை

எண்ணெய்

சீரகம்

காய்ந்த மிளகாய்

வெங்காயம்

பச்சை மிளகாய்

தக்காளி

சாம்பார் பொடி

கரம் மசாலா பொடி

கறிவேப்பிலை

மஞ்சள் தூள்

செய்முறை 

பொட்டுக் கடலையை நன்றாக வறுத்து பொடியாக்கி எடுத்துக் கொள்ளவும். ஒரு கடாயில் சிறிது எண்ணெய் ஊற்றி சீரகம், காய்ந்த மிளகாய், வெங்காயம், பச்சை மிளகாய், கறிவேப்பிலை ஆகியவற்றை சேர்த்து நன்றாக வதக்கி எடுத்துக் கொள்ளவும். இதனுடன் தக்காளி சேர்த்து நன்றாக வதக்கி எடுத்துக் கொள்ளவும்.
இந்த கலவையுடன் சாம்பார் பொடி, கரம் மசாலா பொடி, மஞ்சள் தூள் மற்றும் தேவையான அளவு உப்பு சேர்த்து தண்ணீர் ஊற்றி நன்றாக கொதிக்கவிடவும். 

View this post on Instagram

A post shared by Ushafood Spot (@ushafoodspot)

தண்ணீர் கொதிக்கும் பொழுது நாம் அரைத்து வைத்த பொட்டு கடலை பொடிய சேர்த்து நன்றாக கொதிக்கவிடவும். குழம்பை அடுப்பில் இருந்து இறக்குவதற்கு முன் சிறிது பெருங்காயம் சேர்த்து இறக்கினால் பொட்டு கடலை குழம்பு ரெடி. இந்த குழம்பை தோசை அல்லது இட்லிக்கு சேர்த்து சாப்பிடும் போது எக்ஸ்ட்ரா இரண்டு இட்லியோ, தோசையோ கேட்டு வாங்கி சாப்பிடுவீர்கள்.