பாகற்காயை பார்த்தாலே பயந்து ஓடுறாங்களா? இந்த ஸ்டைலில் செஞ்சா இன்னும் கொஞ்சம் வைக்க சொல்லுவாங்க

பாகற்காய் உடலுக்கு மிகவும் ஆரோக்கியமானது என்றாலும், அதன் கசப்புச் சுவை காரணமாக பலரும் அதனைத் தவிர்ப்பதுண்டு. ஆனால், ஆந்திரா ஸ்டைலில் வெங்காய மசாலாவுடன் செய்யப்படும் இந்த "காக்கரகாயா உள்ளி காரம்" ரெசிபியில், புளிப்பு மற்றும் காரம் சேர்ந்து கசப்பை மறைத்து, அபாரமான சுவையைத் தருகிறது. இது சாதம், சப்பாத்தி அல்லது ரொட்டி போன்றவற்றுக்கு ஒரு அற்புதமான சைட் டிஷ். இதனை எப்படி செய்வது என்று ஆந்திரா சமையல் இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

பாகற்காய் - 2 முதல் 3 அல்லது 1/2 கிலோ
மஞ்சள் தூள் - 1/2 டீஸ்பூன்
உப்பு
எண்ணெய் 
வெங்காயம்  
பூண்டு - 10 முதல் 15 பல்
காய்ந்த மிளகாய் - 4 முதல் 15 
தனியா - 1 டீஸ்பூன்
சீரகம் - 1 டீஸ்பூன்
கடலைப்பருப்பு - 1 டேபிள்ஸ்பூன்
உளுத்தம் பருப்பு - 1 டேபிள்ஸ்பூன்
புளி 

செய்முறை;

பாகற்காயை வட்டமாகவோ அல்லது நீளமாகவோ நறுக்கி, அதன் விதைகளை நீக்கவும். நறுக்கிய பாகற்காய் துண்டுகளில் உப்பு மற்றும் மஞ்சள் தூள் தூவி, 10-15 நிமிடங்கள் வைக்கவும். பிறகு, தண்ணீரில் அலசி, நன்கு உலர்த்தி வைக்கவும். ஒரு கடாயில் சிறிது எண்ணெய் ஊற்றி, கடலைப்பருப்பு, உளுத்தம் பருப்பு, தனியா, சீரகம், காய்ந்த மிளகாய் மற்றும் பூண்டு சேர்த்து பொன்னிறமாகும் வரை வறுக்கவும். இது ஆறிய பின், புளி/புளி விழுது சேர்த்து, கொரகொரப்பான பொடியாக மிக்ஸியில் அரைக்கவும்.

ஒரு கடாயில் எண்ணெய் சூடாக்கி, பாகற்காய் துண்டுகளை சேர்த்து, பொன்னிறமாகவும் மொறுமொறுப்பாகவும் மாறும் வரை வறுத்து, தனியே எடுத்து வைக்கவும். அதே கடாயில், நறுக்கிய வெங்காயத்தை உப்பு சேர்த்து, நிறம் மாறி மென்மையாகும் வரை வதக்கவும்.

View this post on Instagram

A post shared by Andhra Samayal (@andhrasamayal)

வதக்கிய வெங்காயத்துடன் அரைத்து வைத்த மசாலா பொடியைச் சேர்த்து நன்கு கிளறவும். பிறகு வறுத்த பாகற்காய் துண்டுகளை சேர்த்து, மசாலா பாகற்காயின் மேல் ஒட்டும் வரை மெதுவாகக் கலக்கவும். குறைந்த தீயில் 5-7 நிமிடங்கள் மூடி வைத்து சமைத்தால், மசாலா சுவைகள் பாகற்காயில் ஊறி சுவையான காக்கரகாயா உள்ளி காரம் தயாராகிவிடும். சுவைக்கு ஏற்றவாறு உப்பு மற்றும் புளிப்பு சுவையை சரிபார்த்து பரிமாறலாம்.