முறுக்கு சாப்பிடுற ஃபீலே இருக்காது... பட்டர் சேர்த்த இப்படி பிழிஞ்சா செம்ம சாஃப்ட்!

தொடர் பண்டிகைகள் வருவதால் வீட்டில் அம்மாக்கள் பலகாரங்கள் செய்ய ஆரம்பித்திருப்பார்கள். முறுக்கு, லட்டு, வடை என்று விதவிதமான பலகாரங்களை அம்மாக்கள் நம் வீடுகளில் செய்வார்கள். பலகாரங்கள் என்றதும் நமக்கு முதலில் நியாபகம் வருவது முறுக்கு தான். முறுக்குகளிலேயே பல வகைகள் உண்டு, கை சுத்து முறுக்கு, முள் முறுக்கு, அச்சு முறுகு, தேன் குழல் முறுக்கு, சாதாரண முறுக்கு என பலவகைகள் உண்டு.

இதில், சில முறுக்குகள் மிகவும் சாஃப்ட்டாக இருக்கும். மழை நேரம் நல்ல சூடான டீயும் முறுக்கும் சாப்பிடுவதற்கு அவ்வளவு அருமையாக இருக்கும். அதுக்கு மட்டுமல்லமால் முறுக்கு பல உணவு பொருட்களுக்கும் கூட காம்பினேஷனாக இருக்கிறது. அதிலும், இந்த முள் முறுக்கு சாப்பிடுவதற்கு மிகவும் சுவையாக இருக்கும். இப்படி தென் மாவட்டத்தில் முறுக்கு ஃபேமஸாக உள்ளது. தற்போது தீபாவளிக்கு பட்டர் முறுக்கு ரெண்டாகி உள்ளது. அந்த பட்டர் முறுக்கை வீட்டிலேயே எப்படி ஈஸியா செய்யலாம் என்று இந்த தொகுப்பில் பார்க்கலாம்.

தேவையான பொருட்கள்

அரிசி மாவு

பொட்டுக்கடலை மாவு’

பட்டர்

சீரகம்

பெருங்காயம்

உப்பு

செய்முறை 

பச்சரிசி மாவில் பொட்டு கடலை சேர்த்து நன்றாக கலக்க வேண்டும். இதில், சீரகம், பெருங்காயம், பட்டர், உப்பு சேர்த்து நன்கு பிசைந்து எடுக்க வேண்டும். மாவு கொழுக்கட்டை பிடிக்கும் பதத்திற்கு வந்ததும் கொஞ்சம் கொஞ்சமாக தண்ணீர் ஊற்றி முறுக்கு மாவு பதத்திற்கு பிசைந்து எடுத்துக் கொள்ளவும்.
முறுக்கு பிழியும் அச்சில் சிறிது எண்ணெய் தேய்த்து. 

View this post on Instagram

A post shared by FoodieTamizha (@foodietamizha)

சூடான எண்ணெய்யில் பிழிந்துவிடுங்கள். நன்கு இரண்டு பக்கமும் முறுக்கு  வெந்ததும் ஒரு பாத்திரத்தில் எடுத்துப்போடவும். இந்த முறுக்கு வெள்ளை நிறத்தில் தான் இருக்கும். இதனை பெரியவர்கள் முதல் சிறியவர்கள் வரை அனைவரும் விரும்பு சாப்பிடுவார்கள். முறுக்கு பிழியும் பொழுது அடுப்பை மிதமான சூட்டில் வைத்து முறுக்கை பிழிந்து எடுக்கவும். இல்லையென்றால் முறுக்கு கருகிவிடும். சிலர் முறுக்குகளில் ஓமம், கருஞ்சீரகம் போன்ற பொருட்களையும் சேர்ப்பார்கள். இனி பண்டிகை காலங்களில் இந்த மாதிரியான முறுக்கு செய்து ருசித்து சாப்பிடுங்கள்.