எலும்பு கடிக்கும் நாள் வந்தாச்சு... கம்மி பொருள் போதும்; 10 நிமிசத்துல கிரேவி ரெடி!

சிக்கனில் எந்த உணவு செய்தாலும் எல்லோருக்கும் பிடிக்கும். அது பிரியாணியாக இருந்தாலும் சரி கிரேவியாக இருந்தாலும் சரி ஒரு கட்டு கட்டிவிடுவார்கள். சிக்கனில் ப்ரோட்டீன் சத்து அதிகம் இருப்பதால் பலரும் சிக்கனை விரும்பி உண்பார்கள். கடும் உடற்பயிற்சி செய்பவர்கள் கூட தங்கள் சாப்பாட்டில் சிக்கனை முக்கிய உணவாக எடுத்துக் கொள்வார்கள். ஆனால், சிக்கன் வைத்து உணவுகளை தயார் செய்யும் பொழுது சமைப்பதற்கு சிறிது நேரம் எடுக்கும். 

சிக்கனை சுத்தம் செய்து வேக வைப்பதற்கே அரை மணிநேரம் ஆகிவிடும். அந்த நேரத்தில் திடீரென உங்கள் வீட்டிற்கு விருந்தாளிகள் வந்தால் அவ்வளவு தான்.
ஆனால், இனிமேல் சிக்கனை வைத்து உணவு சமைக்க பல மணிநேரம் ஆகாது. கம்மி பொருட்களை வைத்து 10 நிமிடத்தில் எப்படி ஒரு சுவையான சிக்கன் கிரேவி செய்யலாம் என்று இந்த தொகுப்பில் விரிவாக பார்க்கலாம்.

தேவையான பொருட்கள்

சிக்கன்

எண்ணெய்

இஞ்சி பூண்டு பேஸ்ட்

கறிவேப்பிலை

மஞ்சள் பொடி

உப்பு

மிளகாய் தூள்

மல்லி தூள்

கரம் மசாலா

தக்காளி

சோம்பு

பட்டை

கிராம்பு

தேங்காய்

பொட்டுகடலை

செய்முறை

ஒரு கடாயில் தேவையான அளவு எண்ணெய் ஊற்றி இரண்டு ஸ்பூன் இஞ்சி பூண்டு விழுது சேர்த்து வதக்கவும். இதில் கறிவேப்பிலை மற்றும் சுத்தம் செய்த சிக்கனை போட்டு வதக்கவும். இதில் மிளகாய் தூள், மல்லித்தூள், கரம் மசாலா, உப்பு ஆகியவற்றை சேர்த்து நன்கு கொதிக்கவிடவும். பின்னர் இந்த கலவையில் தக்காளியை அரைத்து ஊற்றவும். ஒரு ஜாரில் சோம்பு, பட்டை, கிராம்பு, தேங்காய், பொட்டுக்கடலை ஆகியவற்றைச் சேர்ந்து நன்கு அரைத்து கொதிக்கும் குழம்பில் சேர்த்து மீண்டும் நன்கு கொதிக்கவிடவும். 

View this post on Instagram

A post shared by Gayathri Jeevitha (@vlogs_with_jeevi)

கடைசியாக மல்லி இலையை தூவி இறக்கினால் சுவையான சிக்கன் கிரேவி ரெடியாகிவிடும். இந்த கிரேவியை இட்லி, தோசை, சப்பாத்தி, சாதம் என அனைத்திற்கும் காம்பினேஷனாக வைத்து சாப்பிடலாம். உங்கள் வீட்டிற்கு விருந்தாளிகள் வந்தால் இனி நீங்கள் கவலைப்படாமல் சமைக்கலாம். அவர்களுக்கு 10 நிமிடத்தில் இந்த சிக்கன் கிரேவிய செஞ்சு கொடுத்து அசத்துங்கள்.