மொறு மொறு உளுந்த வடை... மாவு அரைக்கும் போது இந்த ஒரு பொருள் சேருங்க போதும்!

தென்னிந்தியாவின் பாரம்பரிய சிற்றுண்டிகளில் உளுந்த வடை  தனக்கென ஒரு தனி இடத்தைப் பிடித்துள்ளது  இது தமிழ்நாட்டில் 'உளுந்த வடை’ அல்லது ’மெது வடை' என்றும், தெலுங்கு மற்றும் கன்னடப் பகுதிகளில்  'காரெலு' மற்றும் 'உத்தீன வடே' என்றும் அழைக்கப்படுகிறது. நம் வீட்டு விஷேசங்கள் அனைத்திலும் உளுந்த வடை இடம்பெறுவது வழக்கம். திருமணங்கள், பெயர் சூட்டும் விழா, கோவில் நிகழ்வுகள் என அனைத்து நிகழ்வுகளிலும் உளுந்த வடைக்கு என்று தனி இடம் உண்டு.

பெரும்பாலான கோவில்களில் சாமிக்கும் உளுந்த வடை தான் படைப்பார்கள். பாரம்பரிய ஆயுர்வேதத்தின்படி, உளுந்த வடைக்கு சில மருத்துவக் குணங்களும் இருப்பதாகக் கூறப்படுகிறது. உளுந்தில் புரதம் மற்றும் வைட்டமின் பி சத்துக்கள் நிறைந்துள்ளன. மேலும், இதில் சேர்க்கப்படும் மிளகு, இஞ்சி போன்ற மசாலாப் பொருட்கள் செரிமானத்திற்கு உதவுவதாக தகவல் வெளியாகியுள்ளது.

குறிப்பாக, மாலை நேரங்களில் இதனைச் சாப்பிடுவது உடலுக்கு நல்ல பலனைத் தரும் என்றும், இது வாதத்தைக் குறைக்க உதவும் என்றும் நம்பப்படுகிறது. நல்ல சூடான தேநீருடன் மொறுமொறு உளுந்த வடை வைத்து சாப்பிடும் பொழுது தேவாமிர்தமாக இருக்கும். அதேபோன்று உளுந்த வடை - சாம்பார், பொங்கல் - உளுந்த வடை என பல உணவுகளுக்கு உளுந்த வடை காம்பினேஷனாக உள்ளது. இப்படிப்பட்ட உளுந்த வடை செய்யும் பொழுது சில சமயங்களில் அவை மொறு மொறு என்று வருவதில்லை.

இதனால், உளுந்தை வடை விரும்பிகள் பலரும் அந்த வடையை தொட்டு கூட பார்க்கமாட்டார்கள். நீங்கள் சுடும் உளுந்த வடை நல்ல மொறு மொறுவென்று வருவதற்கு மாவு அரைக்கும் போது இந்த ஒரு பொருள் மட்டும் சேர்த்த போதும் அது என்ன என்பதை இந்த தொகுப்பில் விரிவாக பார்க்கலாம்.

View this post on Instagram

A post shared by Afiq Mom's Kitchen (@afiqmomskitchen)

சிம்பிள் டிப்ஸ்

சாதாரணமாக நாம் உளுந்த வடைக்கு மாவு அரைக்கும் பொழுது தண்ணீரை மட்டும் சேர்த்து மாவு அரைத்து எடுத்துக் கொள்வோம். இனிமேல் அப்படி செய்யாதீர்கள், உளுந்த வடைக்கு மாவு அரைக்கும் பொழுது அதில் கொஞ்சம் பச்சரிசி சேர்த்து அரைத்தால் வடை நல்ல மொறு மொறு என்று இருக்கும். நீங்கள் சுட்டு வைத்த ஐந்து நிமிடத்தில் வடை காலியாகி விடும். இனிமேல் வடைக்கு மாவு அரைக்கும் போது இந்த டிப்ஸ் யூஸ் பண்ணி மாவு அரைங்க. வடை சும்மா சூப்பரா வரும்.