தேங்காய் இல்லையா? இத சேர்த்து அரையுங்க; அல்டிமேட் டேஸ்ட்!

சட்னி என்றாலே நமக்கு முதலில் நினைவுக்கு வருவது தேங்காய் சட்னி தான். ஆனால், சில சமயங்களில் தேங்காய் இல்லாத போதும், ஒரு அசத்தலான சைடிஷ்ஷை இட்லி, தோசைக்கு செய்ய வேண்டும் என்ற ஆவல் இருக்கும். அதற்கு ஒரு சரியான தீர்வுதான் இந்த முட்டை சட்னி. சமையல் நிகழ்ச்சிகளில் பிரபலமடைந்த இந்த ரெசிபி, சட்னியில் தேங்காய்க்குப் பதிலாக வேகவைத்த முட்டையைச் சேர்ப்பதால், முற்றிலும் மாறுபட்ட மற்றும் புரதச்சத்து நிறைந்த சுவையைத் தருகிறது.

இந்த சட்னி, வழக்கமான காரச் சட்னியில் தேங்காய் சேர்க்காமல், முட்டையின் வெள்ளைக்கரு அல்லது முழு முட்டையைச் சேர்த்து அரைப்பதால், அல்டிமேட் சுவையில் அட்டகாசமான சைடிஷ் ஆக அமைகிறது. இதை ஒருமுறை செய்து பார்த்தால், இதன் சுவைக்காக பட்டினி கூட இருக்கலாம் என்று சொல்லத் தோன்றும். இதனை எப்படி செய்வது என்று ஸ்வீட்பைட்ஸ் இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

வேகவைத்த முட்டை - 2
நல்லெண்ணெய்  2 தேக்கரண்டி
கடுகு - 1/2 தேக்கரண்டி
உளுத்தம் பருப்பு - 1 தேக்கரண்டி
கடலைப்பருப்பு  - 1/2 தேக்கரண்டி
கறிவேப்பிலை
பூண்டு - 5 முதல் 6 பல்
சின்ன வெங்காயம் - 1 கப்
தக்காளி - 1  
வரமிளகாய் - 2 முதல் 4 
மஞ்சள் தூள் 
உப்பு 
வேர்க்கடலை

செய்முறை:

முதலில் முட்டைகளை வேகவைத்து ஓடு நீக்கி, அவற்றைச் சிறிய துண்டுகளாக நறுக்கி வைத்துக் கொள்ளவும். சிலர் முட்டையின் மஞ்சள் கருவைப் தவிர்த்து, வெள்ளைக்கருவை மட்டுமே பயன்படுத்துவார்கள். ஒரு வாணலியில் எண்ணெய் ஊற்றி சூடானதும், கடுகு, உளுத்தம் பருப்பு, கறிவேப்பிலை, வரமிளகாய் மற்றும் கடலைப்பருப்பு (சேர்ப்பதாக இருந்தால்) சேர்த்துத் தாளிக்கவும். நறுக்கிய பூண்டு மற்றும் வெங்காயத்தைச் சேர்த்து, பொன்னிறமாகும் வரை நன்கு வதக்க வேண்டும். வெங்காயம் வதங்கிய பின், நறுக்கிய தக்காளியைச் சேர்த்து, அது குழையும் வரை வதக்கவும்.

View this post on Instagram

A post shared by Sweet Bytes (@sweetbytes1)

பிறகு மஞ்சள் தூள், உப்பு மற்றும் மிளகாய்த் தூள் (விரும்பினால்), மல்லித்தூள் சேர்த்து, மசாலா வாசனை போகும் வரை நன்கு கிளறவும். அடுப்பை அணைத்து, இந்தக் கலவையை முழுமையாக ஆறவிட வேண்டும். ஆறிய பிறகு, இந்தக் கலவையை மிக்ஸியில் போட்டு, அதனுடன் வேகவைத்து நறுக்கிய முட்டையின் வெள்ளைக்கரு அல்லது முட்டையைச் சேர்த்து, தேவையான அளவு தண்ணீர் ஊற்றி (1/4 கப்), சற்று கெட்டியான பதத்தில் மைய அரைத்து எடுக்கவும். இப்போது சுவையான மற்றும் ஆரோக்கியமான முட்டை சட்னி தயார். இதை இட்லி, தோசை, சப்பாத்தி ஆகியவற்றுடன் சேர்த்துச் சாப்பிடலாம்.