ஹார்மோன், பி.சி.ஓ.டி பிரச்சனையால் முடி உதிர்வு... அதிகாலை இந்த ஜூஸ் குடிங்க: டாக்டர் ஜெயரூபா

ஹார்மோன் சமநிலையின்மை, பி.சி.ஓ.டி (PCOD), தைராய்டு பிரச்சனைகள் மற்றும் அதிக மன அழுத்தம் (ஸ்ட்ரெஸ்) போன்ற உள் காரணங்களால் ஏற்படும் முடி உதிர்வுப் பிரச்சனைக்கு நிவாரணம் அளிக்க டாக்டர் ஜெயரூபா இந்த எளிய இயற்கை ஜூஸை பரிந்துரைக்கிறார். இந்த ஜூஸ் தேங்காய் மற்றும் கருவேப்பிலை ஆகிய இரண்டு பொருட்களை மட்டுமே கொண்டு தயாரிக்கப்படுகிறது. இது உள் உறுப்புகளின் ஆரோக்கியத்தை மேம்படுத்துவதன் மூலம், ஹார்மோன் சம்பந்தமான முடி உதிர்வுக்கு நல்ல நிவாரணமாக இருக்கும். நல்ல பலன் பெற இதைத் தொடர்ந்து காலையில் வெறும் வயிற்றில் எடுத்துக்கொள்வது அவசியம். இதனை எப்படி செய்வது என்று வீரன்வீடு இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

தேங்காய்: ஒரு கைப்பிடி அளவு துருவிய தேங்காய்  
கருவேப்பிலை: 10 நல்ல, சுத்தமான கருவேப்பிலை இலைகள் 
நீர்

செய்முறை:

இந்த ஆரோக்கியமான ஜூஸை தயாரிப்பதற்கான செய்முறை மிகவும் எளிது. ஒரு மிக்ஸர் ஜாரில் ஒரு கைப்பிடி அளவு துருவிய தேங்காய் மற்றும் சுமார் 10 கருவேப்பிலை இலைகளை எடுத்துக் கொள்ளவும். அரைப்பதற்குத் தேவையான அளவு சுத்தமான தண்ணீர் சேர்த்து, இவை நன்கு கூழாகும் வரை (விழுதாகும் வரை) நன்றாக அரைக்கவும்.

அரைத்த விழுதை ஒரு மெல்லிய துணி அல்லது வடிகட்டி பயன்படுத்தி நன்கு வடிகட்டி, தேங்காய் மற்றும் கருவேப்பிலையின் சாற்றை (ஜூஸை) தனியாகப் பிரித்தெடுக்கவும். இந்த வடிகட்டிய ஜூஸை சர்க்கரை அல்லது வேறு எந்த சுவையூட்டிகளும் சேர்க்காமல், தயாரித்த உடன் காலையில் வெறும் வயிற்றில் குடிப்பது மிகவும் நல்லது. இது உடலுக்கு வலு சேர்ப்பதோடு முடி வளர்ச்சிக்கு உதவும் ஒரு ஜூஸ் ஆகும். 

View this post on Instagram

A post shared by Veeran veedu (@veeran_veedu)

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.