இது புதுசா இருக்கே... பீட்ரூட் வச்சு டேஸ்டி ரசம்; இப்படி செஞ்சு அசத்துங்க!

வழக்கமான ரசத்திற்கு ஒரு ஆரோக்கியமான ட்விஸ்ட்டாக இந்த பீட்ரூட் ரசம் அமைகிறது. இரத்த அழுத்தம், ஹீமோகுளோபின் குறைபாடு போன்ற பிரச்சனைகளுக்கு பீட்ரூட் ஒரு மிகச் சிறந்த தீர்வாகும். இதன் சுவையும் சத்துக்களும் நிறைந்த இந்த ரசம், சூடான சாதத்துடன் சேர்த்து சாப்பிட மிகவும் ருசியாக இருக்கும். ஆரோக்கியத்தை அதிகரிக்கும் இந்த ரசம் எப்படி செய்வது என்று ஹவுஸ் குக் இன்ஸ்டா பக்கத்தில் கூறியிருப்பது பற்றி பார்ப்போம்.

தேவையான பொருட்கள்:

பீட்ரூட் - 1
தக்காளி - 1
பச்சை மிளகாய் - 1
புளி 
உப்பு 
மஞ்சள் தூள் 
பெருங்காயத் தூள் 
தண்ணீர் 
சீரகம் 
மிளகு  
பூண்டு  
கடுகு
சின்ன வெங்காயம் 
கருவேப்பிலை
சிகப்பு மிளகாய்

செய்முறை:

ஒரு பீட்ரூட், ஒரு தக்காளி மற்றும் ஒரு பச்சை மிளகாயை தேவையான அளவு தண்ணீர் சேர்த்து குக்கரில் விசில் விட்டு வேக வைத்து எடுத்துக்கொள்ளவும். வெந்த பீட்ரூட் மற்றும் தக்காளியை எடுத்து மிக்ஸியில் அரைத்து, ஒரு கடாயில் சேர்க்கவும். அதனுடன் இன்னும் கொஞ்சம் தண்ணீர் சேர்த்துக்கொள்ளவும்.

இப்போது, ஒரு மிக்ஸி ஜாரில் சீரகம், மிளகு, பூண்டு ஆகியவற்றை சேர்த்து கொரகொரப்பாக அரைத்து ரசம் மசாலாவை தயார் செய்யவும். கடாயில் உள்ள அரைத்த கலவையுடன், கரைத்து வைத்த புளி தண்ணீர், தேவையான அளவு உப்பு, அரைத்து வைத்த ரசம் மசாலா, சிறிது மஞ்சள் தூள் மற்றும் பெருங்காயத் தூள் சேர்த்து நன்றாக கலந்து விடவும்.

View this post on Instagram

A post shared by Aishwarya (@houze_cook)

ரசம் நுரைத்து வரும் போது, தனியாக ஒரு சிறு கடாயில் எண்ணெய் ஊற்றி கடுகு, சின்ன வெங்காயம், கருவேப்பிலை, சிகப்பு மிளகாய் சேர்த்து தாளித்து, அதை ரசத்தில் கொட்டவும். அருமையான பீட்ரூட் ரசம் இப்போது சூப்பராக தயாராகிவிட்டது. சூடான சாதத்துடன் பரிமாறவும். குழந்தைகளுக்கு குழைய சாதம் செய்து அதில் இந்த ரசத்தை ஊற்றி பிசைந்து கொடுக்கலாம்.  சில பிள்ளைகளுக்கு பீட்ரூட் பொறியல் பிடிக்காது அப்படி இருக்கும் பிள்ளைகள் இந்த ரசத்தை விரும்பி சாப்பிடவார்கள்.