கர்ப்பிணிப் பெண்களின் வாந்தி, குமட்டலுக்குச் சிறந்த தீர்வு; இஞ்சி வைத்து இப்படி செய்து கொடுங்க

கர்ப்பிணிகளுக்கு ஏற்படும் காலை சிம்டம்ஸ், குமட்டல், வாந்தி போன்ற உணர்வுகளைக் கட்டுப்படுத்துவதில் இஞ்சித் துவையல் ஒரு சிறந்த இயற்கை மருந்தாகப் பயன்படுகிறது. வாந்தி, குமட்டல் போன்ற பிரச்சனைகளுக்கு இஞ்சி ஒரு நல்ல மருந்தாக அமையும். பயணத்தின்போது ஏற்படும் மோஷன் சிக்னெஸ் மற்றும் கர்ப்பிணிப் பெண்களுக்கு ஏற்படும் வாந்தி உணர்வுக்கும் இஞ்சி சிறந்த நிவாரணம் அளிக்கிறது. இவ்வளவு நன்மைகள் கொண்ட இஞ்சியில் எப்படி துவையல் செய்வது என்று பார்ப்போம். இந்த துவையல் இட்லி, தோசைக்கு கூட யார் வேண்டுமானாலும் வைத்து சாப்பிடலாம்.

தேவையான பொருட்கள்:

இஞ்சி 
உளுத்தம்பருப்பு    
காய்ந்த மிளகாய்
புளி
வெல்லம்/சர்க்கரை    
நல்லெண்ணெய்
உப்பு

செய்முறை:

ஒரு கடாயில் நல்லெண்ணெய் ஊற்றிச் சூடேற்றவும். அதில் உளுத்தம்பருப்பு சேர்த்து, பொன்னிறமாகும் வரை வறுக்கவும். பின்னர் காய்ந்த மிளகாயைச் சேர்த்து, இறுதியாகச் சுத்தம் செய்த இஞ்சியைச் சேர்த்துப் பாதி அளவு நன்கு வதக்க வேண்டும். (இஞ்சியின் காரத்தன்மை குறையும் வரை வதக்குவது அவசியம்). வறுத்த உளுத்தம்பருப்பு, மிளகாய் மற்றும் வதக்கிய இஞ்சியைத் தனியாக எடுத்து ஆற வைக்கவும்.

ஆறிய பொருட்கள், புளி, மற்றும் தேவையான அளவு உப்பு ஆகியவற்றை மிக்ஸியில் சேர்க்கவும். துவையலை முதலில் தண்ணீர் சேர்க்காமல் ஒரு சுற்று அரைத்த பிறகு, தேவையானால் சிறிது வெல்லம் அல்லது சர்க்கரை சேர்த்து மீண்டும் ஒரு சுற்று அரைக்கலாம். இந்தத் துவையலை இட்லி, தோசை, சாதம் ஆகியவற்றுடன் சேர்த்துப் பரிமாறலாம்.

அளவுக்கு அதிகமாக இஞ்சி எடுத்துக்கொண்டால் நெஞ்செரிச்சல் மற்றும் இதயப் பாதிப்புகள் ஏற்பட வாய்ப்புள்ளது. மேலும், இது இரத்தப்போக்கு அபாயத்தை அதிகரிக்கலாம் அல்லது ஹார்மோன் மாற்றங்களையும் ஏற்படுத்தலாம். ஆனால் மற்றவர்கள் சாப்பிடலாம். இட்லி, தோசைக்கு சைடிஷ் ஆக இதை கொஞ்சமாக எடுத்துக் கொள்ளலாம்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.