ஈவ்னிங் ஸ்நாக்ஸ் ரெசிபி: 4 வடை சாப்பிட்டாலேபோதும்... வயிறு நிறைஞ்சிடும்

வழக்கமான வடை வகைகளிலிருந்து மாறுபட்டு, மிகவும் சுவையான மற்றும் மொறுமொறுப்பான மாலை நேரச் சிற்றுண்டியை நீங்கள் விரும்பினால், இந்த வித்தியாசமான ஜவ்வரிசி வடை ஒரு சிறந்த தேர்வாகும். இதைச் செய்வதற்கு மிகக் குறைந்த நேரமே போதுமானது. எளிமையான செய்முறையில் இந்த ‘கிரிஸ்பியான’ வடையை எப்படித் தயாரிப்பது என்று பார்க்கலாம். இது தேநீர் நேரத்திற்கான ஒரு அருமையான சிற்றுண்டியாகும். இதனை எப்படி செய்வது என்று ஹோம் குக்கிங் தமிழ் யூடியூப் பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

ஜவ்வரிசி 1 கப்    
வறுத்த வேர்க்கடலை ½ கப்    
உருளைக்கிழங்கு 3     
பச்சை மிளகாய் 
எலுமிச்சை சாறு 
சீரகம் 
உப்பு 
கொத்தமல்லி     
எண்ணெய்     

செய்முறை:

முதலில், ஒரு கப் ஜவ்வரிசியை எடுத்து, அதை நன்றாகக் கழுவ வேண்டும். பின்னர், தேவையான அளவு தண்ணீர் ஊற்றி, ஜவ்வரிசி மென்மையாகும் வரை சுமார் இரண்டு முதல் மூன்று மணி நேரம் ஊற வைக்கவும். ஜவ்வரிசி சாஃப்டாக ஊறுவது இந்த ரெசிபிக்கு மிகவும் முக்கியம். அடுத்து, அரை கப் வறுத்த வேர்க்கடலையை மிக்ஸி ஜாரில் சேர்த்து, நைசாக இல்லாமல் சற்று கொரகொரப்பான பொடியாக அரைத்து எடுத்துக்கொள்ளவும்.

இப்போது வடைக்கான மாவைத் தயார் செய்யலாம். ஒரு பெரிய பாத்திரத்தில், மூன்று உருளைக்கிழங்குகளை வேகவைத்து, நன்றாக மசித்துச் சேர்த்துக்கொள்ளவும். அதனுடன் ஊறவைத்த ஜவ்வரிசி, நறுக்கிய பச்சை மிளகாய், பாதி எலுமிச்சை சாறு, சீரகம், தேவையான அளவு உப்பு, அரைத்து வைத்த வேர்க்கடலை பொடி மற்றும் நறுக்கிய கொத்தமல்லி ஆகியவற்றைச் சேர்க்கவும். இந்தக் கலவை அனைத்தையும் சேர்த்து, ஒன்றாக நன்கு பிசைந்து வடை மாவு பதத்திற்குக் கொண்டு வரவும்.

உங்கள் கையை லேசாக எண்ணெயில் நனைத்துக்கொண்டு, பிசைந்த மாவிலிருந்து சிறு சிறு உருண்டைகளை எடுத்து, அதை வடை வடிவத்தில் தட்டி ஒரு தட்டில் அடுக்கி வைக்கவும். பிறகு, ஒரு கடாயில் எண்ணெயைச் சூடாக்கி, அதில் இந்த வடை உருண்டைகளை மெதுவாகப் போடவும். வடை, இரண்டு பக்கமும் பொன்னிறமாக மற்றும் மொறுமொறுப்பாக மாறும் வரை நன்கு பொரித்தெடுக்கவும். பொன்னிறமாக வந்ததும் எண்ணெயில் இருந்து எடுத்துவிடலாம். சூடான மற்றும் கிரிஸ்பியான ஜவ்வரிசி வடையை, புதினா சட்னி அல்லது தேங்காய் சட்னியுடன் சேர்த்து ரசித்து ருசித்துச் சாப்பிடலாம்.