குக்கரில் மட்டன் குழம்பு... கறி புசுபுசுன்னு வேக இப்படி ரெடி பண்ணுங்க!

மட்டன் குழம்பு என்பது தமிழ்நாட்டு சமையலில் தனித்துவமான இடத்தைப் பிடித்துள்ள, அசைவ உணவுகளில் முதன்மையான மற்றும் மிகவும் விருப்பமான ஒரு உணவு வகையாகும். ஞாயிற்றுக் கிழமை ஆனால் போதும் குடுகுடுவென பையை எடுத்துக் கொண்டு கறிக்கடைக்கு மட்டன் வாங்க சென்றுவிடுவோம். பெரும்பாலான வீடுகளில் ஞாயிற்றுக் கிழமை அசைவம் இல்லாமல் சாப்பாடே இறங்காது.

காலை, மதியம், இரவு என மூன்று நேரமும் அசைவமாக தான் இருக்கும். அப்படி நாம் மட்டன் வாங்கி குழம்பு வைக்கும் பொழுது சில நேரம் மட்டன் நன்றாக வெந்து குழைந்துவிடும். இல்லையென்றால் டேஸ்ட் இருக்காது. இதனாலேயே பலரும் மட்டன் குழம்பு வைக்க தயக்குவார்கள். ஆனால் குக்கரில் மிக ஈஸியா மட்டன் குழம்பு வைக்கலாம். குக்கரில் வைக்கும் ஆட்டு கறி புசுபுசுன்னு வேக என்ன பண்ணலாம் என்று இந்த தொகுப்பில் பார்க்கலாம்.

தேவையான பொருட்கள்

மட்டன்

கடலை எண்ணெய்

பட்டை 

கிராம்பு

சோம்பு 

நட்சத்திர பூ

கசகசா

வெங்காயம்

கறிவேப்பிலை

உப்பு 

மஞ்சள் பொடி

மிளகாய் பொடி

மல்லிபொடி

மட்டன் மசாலா

இஞ்சி

பூண்டு 

தக்காளி 

தேங்கா

கொத்தமல்லி

புதினா

செய்முறை

ஒரு குக்கரில் தேவையான அளவு எண்ணெய் ஊற்றி பட்டை, கிராம்பு, சோம்பு, நட்சத்திர பூ, கசகசா ஆகியவற்றை போட்டு நன்கு வதக்கவும். இதனுடன் வெங்காயம் மற்றும் கறிவேப்பிலை போட்டு நன்கு வதக்கவும். இதனுடன் மட்டன் போட்டு நன்றாக வதக்க வேண்டும். மட்டனில் தண்ணீர் பிரிந்து வரும் வரை வதக்க வேண்டும். தண்ணீர் பிரிந்து வந்ததும் உப்பு, மஞ்சள் பொடி, மிளகாய் பொடி, மல்லிப்பொடி, மட்டன் மசாலா சேர்த்து மசாலா நன்கு வேகும் வரை வதக்கிவிடவும். 

View this post on Instagram

A post shared by Kaathuvaakula_samayal (@kaathuvaakulasamayal)

ஒரு மிக்ஸி ஜாரில் இஞ்சி, பூண்டு, தக்காளி, தேங்காய் சேர்த்து நன்கு அரைத்து எடுத்துக் கொள்ளவும். இந்த கலவையை மட்டனில் சேர்த்து நன்கு கொதிக்கவிடவும். இதனுடன் கொத்தமல்லி இலை, புதினா இலை சேர்த்து கொதிக்கவிடவும். பின்னர் தேவையான அளவு தண்ணீர் சேர்த்து மிதமான தீயில் மூன்று முதல் ஐந்து விசில் விட்டு இறங்கினால் சுவையான மட்டன் குழம்பு ரெடியாகிவிடும். இந்த மட்டன் குழம்பை நீங்கள் இட்லி, தோசை, சாதம் என அனைத்திற்கும் வைத்து சாப்பிடலாம். சுவை சும்மா அல்டிமேட்டாக இருக்கும்.