வதக்க, பொரிக்க வேணாம்... தோசை சுடும் கேப்பில் ருசியான சட்னி: சிம்பிள் ஸ்டெப்ஸ்!

தோசை என்றாலே அதற்கு சட்னி, சாம்பார் என்று தனியாக செய்ய வேண்டும். சட்னி வைக்க வேண்டும் என்றால் தேங்காயை துருவ வேண்டும், கடுகு, மிளகாயை தாளிக்க வேண்டும். அதேபோன்று, சாம்பார் வைக்க வேண்டும் என்றால் தனியாக பருப்பு, காய்கறிகளை வேக வைத்து எடுத்து ஒரு பெரிய ப்ராசசே நடக்கும். இப்படி கால் வலிக்க நின்று வறுத்து, தாளித்து சட்னி, சாம்பார் எல்லாம் செய்ய வேண்டியது இருக்கும்.

இந்த வதக்குறது, பொரிக்கிறடு இல்லாம நொடி பொழுதில் சட்னி செய்யலாம் என்று சொன்னால் உங்களால் நம்ப முடியுமா? ஆமாம், இனிமேல் துருவவும், வேணாம் தாளிக்கவும் வேணாம். நொடி பொழுதில் வெங்காயம் பீனட் சட்னி எப்படி செய்யலாம் என்று இந்த தொகுப்பில் விரிவாக பார்க்கலாம்.

தேவையான பொருட்கள்

வெங்காயம்

வெள்ளை பூண்டு

கறிவேப்பிலை

கொத்தமல்லி இலை

சீரகம்

உப்பு

மஞ்சள் தூள் 

வேர்க்கடலை

மிளகாய் தூள்

எலுமிச்சை சாறு

வெல்லம்

செய்முறை

ஒரு மிக்ஸி ஜாரில் பெரிய வெங்காயம், கறிவேப்பிலை, பூண்டு, கொத்தமல்லி இலை, சீரகம், உப்பு, மஞ்சள் தூள், வேர்க்கடலை, மிளகா தூள் ஆகியவற்றை சேர்த்து கொரகொரப்பாக அரைத்து எடுத்துக் கொள்ளவும். இதில் அரை எலுமிச்சை சாறு பிழிந்து ஊற்றி சிறிது வெல்லம் சேர்த்து நன்கு கலக்க வேண்டும். பின்னர் சிறிது நல்லெண்ணெயை நன்கு சூடாக்கி இந்த சட்னியில் ஊற்றி கலந்து சாப்பிட்டால் சுவை சும்மா சூப்பராக இருக்கும். இந்த சட்னியை இட்லி, தோசை என எல்லாவற்றுக்கும் காம்பினேஷனாக வைத்து சாப்பிடலாம்.

வேர்க்கடலையில்  மிக அதிக அளவிலான ஊட்டச்சத்துக்கள் நிறைந்துள்ளன. இதை 'ஏழைகளின் பாதாம்' என்றும் சொல்வதுண்டு. வேர்க்கடலை புரதத்தின் மிகச்சிறந்த தாவர அடிப்படையிலான ஆதாரங்களில் ஒன்றாகும். இது தசை வளர்ச்சிக்கு மிகவும் அவசியம். இதில் மோனோ அன்சாச்சுரேட்டட் மற்றும் பாலி அன்சாச்சுரேட்டட் கொழுப்புகள் நிறைந்துள்ளன. 

View this post on Instagram

A post shared by Prema Kanagaraj (@newfangled_with_prem)

இவை இதய ஆரோக்கியத்திற்கு நன்மை பயக்கும் நல்ல கொழுப்புகள் ஆகும். வேர்க்கடலையில் செரிமானத்திற்கு உதவும் சத்துக்கள் உள்ளது. மேலும் வைட்டமின் பி3 இருப்பதால் உடலுக்கு பல நன்மைகளை கொடுக்கிறது. அதேபோன்று இந்த சட்னியில் சேர்க்கப்படும் நல்லெண்ணெய் உடலுக்கு குளிர்ச்சியை கொடுக்கும். மேலும், சீரகம் செரிமானத்தை மேம்படுத்தும்.