சாஃப்ட் சப்பாத்தி, பரோட்டாவுக்கு பிங்க் கலர் சால்னா... இந்த ஒரு காய் மட்டும் சேர்த்துப் பாருங்க!

சப்பாத்தியுடன் எத்தனை நாட்களுக்கு தான் குருமா வைத்து சாப்பிடுவது. ஒரு வித்தியாசமாக பிங்க் கலர் சால்னா வைத்து சாப்பிட்டால் எப்படி இருக்கும். பிங்க் கலர் சால்னாவா? அது எப்படி இருக்கும் என்று உங்களுக்கு தோன்றும். அது ஒன்றும் இல்லை உங்கள் சால்னாவில் பீட்ரூட் சேர்த்தால் அது பிங்க் கலர் சால்னாவாக மாறிவிடும்.

பொதுவாக காய்கறிகளை வைத்து சால்னா செய்யப்பட்டு வரும் நிலையில் தற்போது இந்த பீட்ரூட் சால்னா ட்ரெண்டாகி வருகிறது. பொதுவாக, பீட்ரூட்டில் ரத்த அழுத்தத்தைக் கட்டுப்படுத்தும் நைட்ரிக் ஆக்சைடு, அத்துடன் அத்தியாவசிய வைட்டமின்கள் மற்றும் தாதுக்கள் நிறைந்துள்ளன. இதனை சால்னாவாக செய்து உட்கொள்வது, உடலுக்குத் தேவையான ஊட்டச்சத்துக்களை சுவையான முறையில் பெற உதவுகிறது. 

குறிப்பாக, இரும்புச்சத்து குறைபாடு உள்ளவர்கள் இதனை தங்கள் உணவில் சேர்ப்பது நன்மை பயக்கும் என உணவு நிபுணர்கள் பரிந்துரைத்துள்ளதாக கூறப்படுகிறது. இப்படி பல நன்மைகள் உள்ள பிங்க் நிற பீட்ரூட் சால்னாவை எப்படி செய்யலாம் என்று இந்த தொகுப்பில் பார்க்கலாம்.

தேவையான பொருட்கள்

பட்டை 

கிராம்பு

ஏலக்காய்

பிரிஞ்சு இலை

வெங்காயம்

பச்சை மிளகாய்

இஞ்சி பூண்டு பேஸ்ட்

புதினா

தக்காளி

பீட்ரூட்

மல்லித்தூள்

கரம் மசாலா

மஞ்சள் பொடி

மிளகாய் பொடி

தேங்காய்

சோம்பு 

கசகசா

முந்திரி பருப்பு

செய்முறை

ஒரு கடாயில் தேவையான அளவு எண்ணெய் ஊற்றி பட்டை, கிராம்பு, ஏலக்காய், பிரிஞ்சு இல்லை ஆகியவற்றை சேர்த்து வதக்கவும். இதனுடன் நறுக்கிய வெங்காயத்தை சேர்த்து வதக்கவும். பின்னர் தேவையான அளவு இஞ்சி பூண்டு பேஸ்ட், புதினா மற்றும் தேவையான அளவு உப்பு சேர்த்து நன்கு கிளறி விடவும்.

இதனுடன், தக்காளி, பீட்ரூ, சேர்த்து நன்கு மசியும் அளவிற்கு வேக வைக்கவும். பின்னர், மஞ்சள் தூள், மல்லித்தூள், மிளகாய் தூள், கரம் மசாலா ஆகியவற்றை சேர்த்து நன்றாக கொதிக்க விடவும். ஒரு ஜாரில் சிறிது சின்ன வெங்காயம், கிராம்பு, பட்டை, ஏலக்காய், தேங்காய், சோம்பு, கசகசா, முந்திரி பருப்பு ஆகியவற்றை சேர்த்து விழுதாக அரைத்து எடுத்துக் கொள்ளவும்.

View this post on Instagram

A post shared by Sakarasaathamum_vadakarium 😉 (@sakarasaathamum_vadakarium)

இந்த விழுதை வெங்காயம், தக்காளி கலவையில் சேர்த்து நன்கு கொதிக்கவிட்டு இறக்கினால் பிங்க்  நிற சால்னா ரெடியாகிவிடும். இந்த சால்னாவை நீங்கள் சப்பாத்தி, பூரி, பரோட்டா போன்ற உணவுகளுடன் வைத்து சாப்பிட்டால் ருசி அல்டிமேட்டாக இருக்கும். புதிதாக எதாவது ட்ரை பண்ணனும்னு நினைப்பவர்கள் இதனை ட்ரை செய்து உங்கள் வீட்டில் இருப்பவர்கள் அசத்துங்கள்.