புரட்டாசி மாதம்... ஆனாலும் பிரியாணி சாப்பிடலாம்; இப்படி செஞ்சு அசத்துங்க!

புரட்டாசி மாதம் என்றாலே பெரும்பாலும் பல இடங்களில் அசைவ உணவிற்கு நோ தான் சொல்லுவாங்க. சில சைவ உணவு பிரியர்கள் வெளியில் சென்று உணவு உண்டு வருவார்கள். அப்படி எப்படா இந்த புரட்டாசி மாதம் முடியும் சைவ உணவை ஒரு வெட்டு வெட்டலாம் என்று பலர் காத்திருக்கின்றனர்.

ஆனால், புரட்டாசி மாதத்திலையும் வீட்டிலேயே பிரியாணி செஞ்சு சாப்பிடலாம் என்றால் எவ்வளவு குஷியாக இருக்கும். அப்படி ஒரு ரெசிபிய தான் இந்த தொகுப்பில் பார்க்கப் போகிறோம்.

தேவையான பொருட்கள்

ஏலக்காய் - 3 

கிராம்பு - 3 

பட்டை - 2 துண்டுகள்

அன்னாச்சி பூ - 1

பிரிஞ்சி இலை - 1

எண்ணெய் - தேவையான அளவு

பெரிய வெங்காயம் - 2

புதினா - தேவையான அளவு

மல்லி இலை - தேவையான அளவு

இஞ்சி பூண்டு விழுது - 2 1/2 ஸ்பூன்

மல்லி தூள் - 1 ஸ்பூன்

மிளகாய் தூள் - 1/2 ஸ்பூன்

கரம் மசாலா - 1/3 ஸ்பூன்

தயிர் - 2 ஸ்பூன்

பச்சை மிளகாய் -3 

தக்காளி - 3

காரட் - சிறிதளவு

பீன்ஸ் - சிறிதளவு

சோயா பீன்ஸ் - சிறிதளவு

பச்சை பட்டாணி - சிறிதளவு

எலுமிச்சை பழம் - 1/2

செய்முறை

ஒரு குக்கரில் சிறிதளவு எண்ணெய் ஊற்றி ஏலக்காய், பட்டை, கிராம்பு, அன்னாச்சி பூ, பிரிஞ்சி இலை ஆகியவற்றை போட்டு வதக்க வேண்டும். பின்னர் வெங்காயம், புதினா, மல்லி இலை ஆகியவற்றை போட்டு வதக்க வேண்டும். 

இதனுடன் இஞ்சி பூண்டு விழுது சேர்த்து பச்சை மணம் போகும் வரை வதக்க வேண்டும். அடுத்ததாக மல்லி தூள், மிளகாய் தூள், கரம் மசாலா சேர்த்து நன்கு வதக்க வேண்டும்.  இதனுடன் தயிர், பச்சை மிளகாய், நறுக்கிய தக்காளி, காரட், பீன்ஸ், சோயா பீன்ஸ், பச்சை பட்டாணி சேர்த்து வேக வைக்க வேண்டும். 

View this post on Instagram

A post shared by Sharmila Kasim ( Coimbatore ) (@sherins_kitchen_official)

இதில் ஊற வைத்த அரசி சேர்த்து ஒரு கப் அரிசிக்கு ஒன்றரை கப் தண்ணீர் என்ற விகிதத்தில் தண்ணீர் சேர்த்து கிளறி விட வேண்டும். இதனுடன் எலுமிச்சை சாறு சேர்த்து மூடிபோட்டு வேக வைத்து எடுத்தால் சுவையான வெஜ் பிரியாணி ரெடி.

இந்த ரெசிபியை லஞ்ச் பாக்ஸ் ரெசிபியாகவும் செய்யலாம். புரட்டாசி மாதத்தில் பிரியாணி சாப்பிட்டது போலவும் இருக்கும் லஞ்ச் பாக்ஸ் ரெசிபியை சீக்கிரம் முடித்த மாதிரியும் இருக்கும்.