சாப்பிடும் போதே தேங்காய் வாசம்... குயிக் லஞ்ச் ரெசிபி; சிம்பிள் ஸ்டெப்ஸ் பாருங்க!

தேங்காய் சாதம் என்பது தென்னிந்தியாவின் பாரம்பரிய சமையல் முறையில் மிகவும் எளிமையாகவும், விரைவாகவும், அதே சமயம் அதிக சுவையுடனும் தயாரிக்கப்படும் ஒரு விசேஷமான உணவு வகையாகும். இது தமிழ்நாட்டில் கோவில் பிரசாதமாகவும், பண்டிகை காலங்களிலும், விருந்து நாட்களிலும் தவறாமல் இடம்பெறும் ஒரு முக்கிய உணவாகும்.

புதிதாகத் துருவிய தேங்காய் மற்றும் தேங்காய் எண்ணெயின் லேசான நறுமணம், சாதத்திற்கு ஒரு தனித்துவமான மணத்தையும் சுவையையும் கொடுக்கிறது. தேங்காய் சாதம் குழந்தைகள் முதல் பெரியவர்கள் வரை அனைவரும் சாப்பிடுவதற்கு ஏற்ற உணவாகும். பல இடங்களில் இஸ்லாமிய திருமணங்களில் தேங்காய் சாதமும் சிக்கன் கறியும் விருந்தாக கொடுப்பார்கள்.இப்படி அனைவரும் விரும்பும் தேங்காய் சாதத்தை எப்படி குயிக்காக செய்யலாம் என்று இந்த தொகுப்பில் பார்க்கலாம்.

தேவையன பொருட்கள்

அரிசி - 1 கப்

தண்ணீர் -1 கப்

தேங்காய் பால் - 1 கப்

தேங்காய் எண்ணெய் - 2 ஸ்பூன்

சீரகம் - 1/2 ஸ்பூன்

கடலை பருப்பு - 1 ஸ்பூன்

உளுந்து - 1 ஸ்பூன்

வேர்க்கடலை - 2 ஸ்பூன்

முந்திரி பருப்பு - 2 ஸ்பூன்

பச்சை மிளகாய் - தேவையான அளவு

தேங்காய்  துருவல் - 1 கப்

கறிவேப்பிலை - தேவையான அளவு

செய்முறை

ஒரு கப் அரிசியை அரை மணி நேரம் ஊற வைத்து எடுத்துக் கொள்ளவும். ஒரு குக்கரில் ஊற வைத்த அரிசி, தண்ணீர், தேங்காய் பால் சேர்த்து இரண்டு விசில் விட்டு வேக வைத்து எடுத்துக் கொள்ளவும். ஒரு கடாயில் தேங்காய் எண்ணெய், சீரகம், கடலை பருப்பு, உளுந்து சேர்த்து வதக்கவும். பின்னர் வேர்க்கடலை, முந்திரி பருப்பு, பச்சை மிளகாய், கறிவேப்பிலை, தேங்காய் துருவல் சேர்த்து நன்கு வதக்கவும். 

View this post on Instagram

A post shared by Sharmila Kasim ( Coimbatore ) (@sherins_kitchen_official)

இதில் வேக வைத்த அரிசியை போட்டு நன்கு கிளறி எடுத்துக் கொள்ளவும். இப்போது அருமையான தேங்காய் சாதம் ரெடியாகிவிடும். இந்த தேங்காய் சாதத்திற்கு சிக்கன் கிரேவி, சிக்கன் குழம்பு, மட்டன் கிரேவி வைத்து சாப்பிட்டால் சுவை சூப்பராக இருக்கும்.