உடைச்சு வாயில போட்டா அப்படியே கரையும்... ஸ்வீட் கடைக்கு டஃப் கொடுக்க இப்படி செய்யுங்க!

பண்டிகை என்றாலே பலகாரங்களும் இனிப்புகளும் தான் நினைவிற்கு வரும். அப்படி நாம் வீட்டில் செய்யும் இனிப்புகளில் லட்டுவும் ஒன்று. பொதுவாக நிறைய நெய் ஊற்றி கடையில் கிடைக்கும் லட்டு எல்லோருக்கும் பிடிக்கும். அந்த லட்டுவை பற்றி நினைத்தாலே நாக்கில் எச்சி ஊறும். அப்படிப்பட்ட லட்டுவை ஸ்வீட் கடைக்கே டஃப் கொடுக்கும் வகையில் வீட்டில் எப்படி செய்யலாம் என்று இந்த தொகுப்பில் பார்க்கலாம்.

தேவையான பொருட்கள்

கடலை மாவு - 2 கப்

கேசரி பொடி - தேவையான அளவு

உப்பு - ஒரு சிட்டிகை

சர்க்கரை - ஒரு கப்

செய்முறை

ஒரு பவுலில் கடலை மாவை நன்கு சலித்து எடுத்துக் கொள்ளவும். இதனுடன் தண்ணீர், புட் கலர் மற்றும் உப்பு சேர்த்து நன்கு கலக்கவும். மாவு சலித்து சேர்ப்பதால் கட்டி இல்லாமல் இருக்கும். எண்ணெயில் அழகாக பொறிந்து வரும். இட்லி மாவு பதத்திற்கு மாவை கலக்கி எடுத்துக் கொள்ளவும். அடுத்ததாக ஒரு கடாயில் தேவையான அளவு எண்ணெய் ஊற்றி நன்கு சூடாக்கிக் கொள்ளவும். 

எண்ணெய் சூடானதும் பூந்தி கரண்டியில் மாவை ஊற்றி பொறித்து எடுக்கவும். பூந்தி கரண்டி இல்லை என்றால் சாதாரண கரண்டி மற்றும் பால் பாக்கெட்டில் கூட மாவை ஊற்றி பூந்தி செய்து எடுத்துக் கொள்ளலாம். பூந்தியை நல்ல மொறு மொறுவென்று வேகவிடாமல். இரண்டு பக்கமும் வெந்ததும் எடுத்துவிட வேண்டும்.

இந்த பூந்தியை ஒரு மிக்ஸி ஜாரில் போட்டு கொரகொரப்பாக அரைத்து எடுத்துக் கொள்ளவும். இப்படி இருக்கும் பொழுது லட்டு செய்தால் லட்டு ரொம்ப மிருதுவாக இருக்கும். லட்டிற்கு தேவையான சர்க்கரை பாகு செய்வதற்கு ஒரு கடாயில் சர்க்கரை, தண்ணீர் மற்றும் புட் கலர் சேர்த்து நன்கு கொதிக்க விடவும். சிறிது நேரம் கொதித்த பின்னர் சர்க்கரை பாகில் பிசுபிசுப்பு தன்மை வரும். அப்பொழுது வாசனைக்காக சிறிது ஏலக்காய் தூள் மற்றும் நாம் அரைத்து எடுத்த பூந்தியை போட்டு நன்கு கலக்க வேண்டும்.

View this post on Instagram

A post shared by Saira Ashiq🦋 (@sairashiq_asktamil)

அதை அப்படியே வைத்து விட்டு சிறிது நேரத்திற்கு பிறகு பார்த்தால் பூந்தி சர்க்கரை பாகு எல்லாவற்றையும் உறிந்து எடுத்திருக்கும். இந்த நேரத்தில் உங்களுக்கு தேவையான முந்திரி பருப்பு போன்றவற்றை பூந்தியில் சேர்த்து நன்கு கலக்கவும். இப்போது ஒரு கரண்டி வைத்து பூந்தியை எடுத்து லட்டு பிடித்தால் சுவையான லட்டு ரெடியாகிவிடும். கரண்டி மூலம் பூந்தியை எடுத்து லட்டு பிடிக்கும் பொழுது லட்டு எல்லாம் ஒரே அளவில் வரும்.