காரசாரமான நல்லம்பட்டி சிக்கன்... மிளகு, மல்லி தூக்கலா போட்டு இப்படி பிரட்டி எடுங்க!

நல்லாம்பட்டி சிக்கன் வறுவல் என்றாலே அதன் தனித்துவமான காரமும், கமகமக்கும் மணமும் தான் நினைவுக்கு வரும். மற்ற சிக்கன் ரெசிபிகளை விட, இதில் சேர்க்கப்படும் மிளகு மற்றும் மல்லியின் வாசம் தூக்கலாக இருக்கும். இந்த ரெசிபியின் சிறப்பு என்னவென்றால், இதில் மசாலாக்களை நாமே வறுத்து அரைத்துப் பயன்படுத்துவதுதான். ரெசிப்பீஸ் டென் இன்ஸ்டா பக்கத்தில் செய்து காட்டியிருப்பது பற்றி  வீட்டிலேயே ஒரு கறி விருந்துக்கு ஏற்ற சுவையான மற்றும் காரசாரமான நல்லம்பட்டி சிக்கன் வறுவலை மிக விரைவாகச் செய்து அசத்தலாம்.

தேவையான பொருட்கள்:

தனியா  
மிளகு
சீரகம் 
சோம்பு
பட்டை
லவங்கம்
கருவேப்பிலை
சிக்கன் 
நல்லெண்ணெய்
சோம்பு
பூண்டு
வரமிளகாய்
சின்ன வெங்காயம்
தக்காளி
இஞ்சி பூண்டு பேஸ்ட்
மஞ்சள் தூள்
மிளகாய்த்தூள்
உப்பு
தண்ணீர் 

செய்முறை:

ஒரு வாணலியில் இரண்டு ஸ்பூன் தனியா, ஒரு ஸ்பூன் மிளகு, அரை ஸ்பூன் சீரகம், அரை ஸ்பூன் சோம்பு, இரண்டு பட்டை, மூன்று லவங்கம் மற்றும் ஒரு கொத்து கருவேப்பிலை சேர்த்து நல்லா 'ட்ரை ரோஸ்ட்' (எண்ணெய் இல்லாமல் வறுத்து) செய்யவும். ஆறிய பின், இந்தக் கலவையை மிக்ஸி ஜாரில் சேர்த்து நைஸாக அரைத்துத் தனியாக எடுத்து வைக்கவும்.

ஒரு கடாயில் நல்லெண்ணெய் சேர்த்து, ஒரு ஸ்பூன் சோம்பு மற்றும் ஐந்து இடித்த பூண்டு சேர்த்து வதக்கவும். ஐந்து விதை நீக்கிய வரமிளகாய், பத்து சின்ன வெங்காயம், மற்றும் ஒரு கொத்து கருவேப்பிலை சேர்த்து வதக்கவும். பிறகு, இரண்டு பழுத்த தக்காளிப் பழம் மற்றும் இரண்டு ஸ்பூன் இஞ்சி பூண்டு பேஸ்ட் சேர்த்து, பச்சை வாசனை போக நன்கு வதக்கவும்.

View this post on Instagram

A post shared by Recipes_Den (@recipes_den)

அரை ஸ்பூன் மஞ்சள் தூள் மற்றும் சுத்தம் செய்து வைத்திருந்த அரை கிலோ சிக்கனைச் சேர்க்கவும். கூடவே ஒரு ஸ்பூன் மிளகாய்த்தூள், தேவையான அளவு உப்பு மற்றும் நாம் அரைத்து வைத்திருந்த மசாலாப் பொடியையும் சேர்த்து நன்கு பிரட்டி விடவும். சிக்கன் மூழ்கும் வரை தண்ணீர் சேர்த்து, மூடி போட்டு (லிட் க்ளோஸ்) மூடவும். சிக்கனில் இருந்து வரும் தண்ணீர் முழுவதுமாக வற்றி 'ட்ரைன்' ஆகும் வரை, மிதமான தீயில் வைத்து, அடிக்கடி கிளறி, நல்லா வதக்கி எடுக்கவும். அவ்வளவுதான்! காரசாரமான நல்லம்பட்டி சிக்கன் வறுவல் தயார்.