ஸ்டார் ஓட்டலில் டாப் ரெசிபி... ஸ்கூல் விட்டு வரும் பசங்களுக்கு ஈவினிங் ஸ்நாக்ஸா இது குடுங்க!

கிரிஸ்பி மசாலா கார்ன் ஸ்டார்ட்டர் என்பது ரெஸ்டாரன்ட்களில் மிகவும் பிரபலமான ஒன்றாகும். இதன் மொறுமொறுப்பான சுவை சிறுவர்களை மட்டுமல்லாது பெரியவர்களையும் ஈர்க்கும். பள்ளி முடிந்து சோர்வாக வீடு திரும்பும் உங்கள் குழந்தைகளுக்கு இந்த ஆரோக்கியமான மற்றும் சுவையான கிரிஸ்பி மசாலா கார்ன் ஸ்நாக்ஸை செய்து கொடுத்தால், நிச்சயம் அவர்கள் விரும்பிச் சாப்பிடுவார்கள். இது செய்வதற்கு மிகவும் எளிமையானது. விரைவாகவும் அதேசமயம் ஓட்டலில் சாப்பிடும் அதே சுவையிலும் வீட்டிலேயே தயாரிப்பது எப்படி செய்வது கேச்வித்ராஜேஷ்மகேஷ் இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

ஸ்வீட் கார்ன் (அ) மக்காச்சோளம்
கார்ன்ஃப்ளவர் மாவு
மிளகு தூள்
உப்பு
மிளகாய் தூள்
தனியா தூள்
மஞ்சள் தூள்
சாட் மசாலா
எலுமிச்சை சாறு
எண்ணெய்

செய்முறை:

முதலில் ஸ்வீட் கார்ன் உதிர்த்து எடுத்து, அதை இரண்டு முதல் மூன்று நிமிடங்கள் வரை நன்றாக வேகவைத்து கொள்ள வேண்டும். பின்னர், தண்ணீர் அனைத்தும் வடிக்கும்படி வடிகட்டி எடுத்து வைத்துக் கொள்ளவும். அடுத்து, வடிகட்டிய ஸ்வீட் கார்னை ஒரு தட்டில் மாற்றிக் கொள்ள வேண்டும். அதனுடன் கார்ன்ஃப்ளவர் மாவு மற்றும் ஹாப் ஸ்பூன் அளவுக்கு மிளகு தூள் சேர்த்து, அனைத்து கார்ன் முத்துகளிலும் மாவு நன்றாக ஒட்டிக் கொள்ளும் வரை மெதுவாக பரப்பி கலக்க வேண்டும்.

கார்னை மாவுடன் கலக்கிய பின், சுமார் 10 நிமிடங்கள் வரை அதனை அப்படியே ரெஸ்ட் விட வேண்டும். அதன் பிறகு, ஒரு கடாயில் எண்ணெய் ஊற்றி சூடானதும், மாவு கலந்த ஸ்வீட் கார்னை சிறிது சிறிதாக எடுத்து எண்ணெயில் சேர்த்து பொரித்து எடுக்க வேண்டும். அனைத்து கார்ன் முத்துகளையும் பொரித்த பின்னர், அதை ஒரு பாத்திரத்தில் தனியாக எடுத்து வைக்கவும்.

View this post on Instagram

A post shared by Raji venkatesh (@catchwithrajimagesh)

பொரித்து எடுத்த கார்ன் சூடாக இருக்கும்போதே அதனுடன் மசாலா பொருட்களை சேர்க்க வேண்டும். தேவையான அளவு உப்புடன், ரெட் சில்லி பவுடர், தனியா தூள், மஞ்சள் தூள் மற்றும் சாட் மசாலா ஆகியவற்றைச் சேர்க்கவும். இறுதியாக, ஹாப் லெமன் சாறை பிழிந்து, மசாலா கார்னுடன் நன்றாக பரவும்படி கலக்கவும். இந்த ரெசிபி சுடச்சுட சாப்பிடுவதற்கு மிகவும் மொறுமொறுப்பாகவும் சுவையாகவும் இருக்கும். இனி ஸ்வீட் கார்ன் வாங்கினால், இந்த ஸ்டார் ஓட்டல் ஸ்டார்ட்டர் ரெசிபியை உங்கள் குழந்தைகளுக்கு மறக்காமல் செய்து கொடுங்கள்.