ரசம், தயிர் சோறுக்கு அட்டகாசமான காம்பினேஷன்... இந்த கிழங்கு வறுவலுக்கு இதுதான் சீக்ரெட் மசாலா!

நாம் வீட்டில் தயிர் சாதம், ரசம் சாதம் வைத்தால் காம்பினேஷனுக்கு உருளைக் கிழக்கு வைப்போம். அதை தவிர்த்து என்ன பொறியல் வைத்தாலும் அது அந்த உணவுடன் வைத்து சாப்பிட நன்றாக இருக்காது. ஆனால், தயிர் சாதம், ரசம் சாத்திற்கு உருளை கிழக்கு பொறியலுக்கு பதிலாக சேப்பங் கிழங்கு வறுவல் உள்ளது. சேப்பங் கிழங்கு சுவையானதாக மட்டுமல்லாமல் பல ஆரோக்கிய நன்மைகளையும் தன்னுடன் கொண்டுள்ளது.

சேப்பங்கிழங்கில்  நார்ச்சத்து அதிகமாக இருப்பதால் செரிமான மண்டலத்தை ஆரோக்கியமாக வைத்து மலச்சிக்கல் போன்ற செரிமானக் கோளாறுகளைத் தடுக்க உதவுகிறது. நார்ச்சத்து பெரிதாக பசியை தூண்டாததால் உடல் எடையைக் குறைப்பதற்கும் இது உதவும். சேப்பங்கிழங்கில் பொட்டாசியம் சத்து நிறைந்துள்ளது. இது இரத்த அழுத்தத்தைக் கட்டுப்படுத்தவும், இதய ஆரோக்கியத்தைப் பேணவும் உதவுகிறது.

இதில் உள்ள நார்ச்சத்து மற்றும் எதிர்ப்புத் திறன் கொண்ட மாவுச்சத்து ஆகியவை சர்க்கரையின் உறிஞ்சுதலை தாமதப்படுத்துவதால், இரத்த சர்க்கரை அளவு உயர்வதைத் தடுக்க உதவுகிறது. நீரிழிவு நோயாளிகளுக்கு இது ஒரு நல்ல உணவுத் தேர்வாக அமைகிறது என்று கூறப்படுகிறது. இதில் உள்ள கால்சியம் மற்றும் பாஸ்பரஸ் சத்துக்கள் எலும்பை வலுப்படுத்த உதவுகிறது. இப்படி பல நன்மைகளை கொண்ட சேப்பங் கிழங்கு வறுவலை ஒரு சீக்ரெட் மசாலா வைத்து எப்படி சுவையாக செய்யலாம் என்று இந்த தொகுப்பில் பார்க்கலாம்.

தேவையான பொருட்கள்

சேப்பங் கிழங்கு

மஞ்சள் தூள்

மிளகாய் தூள்

சீரக தூள்

தனியா தூள்

கடலை மாவு 

அரிசி மாவு

எண்ணெய்

கறிவேப்பிலை

செய்முறை

சேப்பங் கிழங்கை நன்கு சுத்தம் செய்துவிட்டு மஞ்சள் தூள், உப்பு சேர்த்து நன்கு வேக வைக்கவும். அதன் பிறகு தோல் நீக்கிய சேப்பங் கிழங்கை தனியா எடுத்து வைத்துக் கொள்ளவும். ஒரு பவுலில் மிளகாய் தூள், சீரகத் தூள், தனியா தூள், மஞ்சள் தூள், அரிசி மாவு, கடலை மாவு, உப்பு சேர்த்து நன்றாக கலக்கவும். இதில் வேக வைத்த சேப்பங் கிழங்கை போட்டு மிக்ஸ் செய்து ஒரு ஐந்து நிமிடம் ஊற வைக்கவும்.

View this post on Instagram

A post shared by MURALIKRISHNAN M (@foodofnest)

பின்னர் ஒரு கடாயில் சிறிதளவு எண்ணெய் ஊற்றி கறிவேப்பிலை போட்டு நன்கு வதக்கவும். இதில் ஊற வைத்த சேப்பங்கிழங்கை போட்டு ஒரு ஐந்து நிமிடத்திற்கு நன்கு வதக்கவும். ஐந்து நிமிடத்திற்கு பிறகு எடுத்தால் சேப்பங்கிழங்கு வறுவல் ரெடியாகிவிடும். இந்த வறுவலை நீங்கள் தயிர் சாதம், ரசம் சாதம் என எல்லாவற்றிற்கும் காம்பினேஷனாக வைத்து சாப்பிடலாம். சுவை சும்மா சூப்பராக இருக்கும்.