நட்சத்திர ஓட்டல் ஸ்டைல் கிழங்கு வறுவல்... செஞ்சு வச்சா சாப்பிட்டு கிட்டே இருக்கலாம்: செஃப் வெங்கடேஷ் பட் டிப்ஸ்

நம் வீட்டில் தயிர் சாதம், சாம்பார் சாதம் போன்ற வெரைட்டி ரைஸ் செய்தால் நமக்கு முதலி நினைவில் வருவது உருளைக் கிழங்கு ப்ரையாக தான் இருக்கும். ஆனால், உருளைக் கிழங்கு ப்ரையை விட டேஸ் அதிகமாக இருக்கும் சேப்பங் கிழங்கு வறுவல் நாம் செய்து சாப்பிட்டு இருப்போமா என்று கேட்டால் இல்லை என்று தான் சொல்வோம்.

சேப்பங் கிழங்கில் நார்ச்சத்து அதிகமாக உள்ளது. இது செரிமான மண்டலத்தை ஆரோக்கியமாக வைத்து, மலச்சிக்கலைத் தடுக்க உதவுகிறது. மேலும், குடலில் உள்ள புண்களை ஆற்றும் தன்மை கொண்டது. சேப்பங் கிழங்கில் நார்ச்சத்து மற்றும் எதிர்ப்பு மாவுச்சத்து இருப்பதால், இது இரத்தத்தில் சர்க்கரை அளவை படிப்படியாக வெளியிட உதவுகிறது. இதனால் நீரிழிவு நோயாளிகளுக்கு இது ஒரு நல்ல உணவாகப் பார்க்கப்படுகிறது. இப்படி பல நன்மைகளை கொண்ட சேப்பங் கிழங்கை வைத்து எப்படி நட்சத்திர ஓட்டல் லெவலில் வறுவல் செய்யலாம் என்று பார்க்கலாம்.

தேவையான பொருட்கள்

சேப்பங் கிழங்கு

கடலை எண்ணேய் - 2 டேபிள் ஸ்பூன்

காய்ந்த மிளகாய் - 3

கடுகு - ஒரு டீஸ்பூன்

உளுந்து - ஒரு டீஸ்பூன்

கறிவேப்பிலை - தேவையான அளவு

மஞ்சள் தூள் - 1/2 ஸ்பூன்

மிளகாய் தூள் - 1/2 ஸ்பூன்

பெருங்காயம் - 1/2 ஸ்பூன்

அரிசி மாவு - 1/2 ஸ்பூன்

நெய் - தேவையான அளவு

செய்முறை

சேப்பங் கிழங்கை வேக வைத்து ரவுண்டாக வெட்டி எடுத்துக் கொள்ளவும். ஒரு கடாயில் கடலை எண்ணெய் ஊற்றி காய்ந்த மிளகாய் போட்டு வதக்கவும். இதனுடன் கடுகு, உளுந்து, கறிவேப்பிலை சேர்த்து வதக்கவும். சிறிது நேரத்திற்கு பிறகு வெட்டி வைத்த சேப்பங் கிழங்கை இதில் சேர்க்கவும். எண்ணெய் படும் பொழுது சேப்பங் கிழங்கிற்கு பாத்திரத்தில் ஒட்டும் தன்மை போய்விடும். 

View this post on Instagram

A post shared by Cook and Look✨ (@cook_and_look_54)

இதனுடன் மஞ்சள் தூள், மிளகாய் தூள், பெருங்காயம் சேர்த்து நன்கு வதக்கவும். இதனுடன் அரிசி மாவு, நெய் மற்று உப்பு சேர்த்து மிதனாமன் தீயில் நன்கு வதக்கவும். சிறிது நேரத்திற்கு பிறகு எடுத்து பார்த்தால் சுவையான சேப்பங் கிழங்கு வறுவல் ரெடியாகிவிடும். இந்த வறுவலை தயிர் சாதம், ரசம், சாம்பார் என எல்லாவற்றுக்கும் காம்பினேஷனாக வைத்து சாப்பிடலாம். இதை உங்கள் வீட்டில் செய்து பார்த்து நீங்களும் ருசித்து சாப்பிடுங்கள்.