உதிரி உதிரியாக மட்டன் பிரியாணி... 1 கிலோவுக்கு இந்த அளவு பொருள்கள் போதும்; டேஸ்ட் வேற மாறி!

பிரியாணி என்றாலே எல்லோருக்கும் பிடிக்கும். பிரியாணி வேண்டாம் என்று சொல்லும் நபர்களே கிடையாது. பிரியாணி என்றால் நடு இரவு எழுந்து சாப்பிடும் உணவு பிரியர்கள் கூட உண்டு. பிரியாணி எல்லோருடனும் எமோஷனலாக கனெக்டாகி உள்ளதாகவும் கூறப்படுகிறது. அதுவும் மட்டன் பிரியாணி என்றால் கேட்கவே வேண்டாம் . எல்லோரும் நீ, நான் என்று போட்டி போட்டு சாப்பிடுவார்கள். அப்படிபட்ட மட்டம் பிரியாணியை எப்படி டேஸ்டா செய்யலாம் என்று இந்த தொகுப்பில் விரிவாக பார்க்கலாம்.

தேவையான பொருட்கள்

மட்டன் - 1 கிலோ

இஞ்சி பூண்டு பேஸ்ட் - 200 கிராம்

கடலை எண்ணெய் - 200 எம்.எல்

தேங்காய் எண்ணெய் - 200 எம்.எல்

பட்டை

கிராம்பு

ஏலக்காய்

வெங்காயம் - 400 கிராம்

மிளகாய் பொடி - 20 கிராம்

தக்காளி - 300 கிராம்

பச்சை மிளகாய் - 3

நெய் - 30 எம்.எல்

மல்லி இலை

புதினா

பிரியாணி மசாலா - 20 கிராம்

கரம் மசாலா - 10 கிராம்

தயிர் - 100 எம்.எல்

எலுமிச்சை சாறு

செய்முறை

ஒரு கிலோ சீரக சம்பா அரிசியை நன்றாக சுத்தம் செய்து எடுத்துக் கொள்ளவும். ஒரு குக்கரில் மட்டன் மற்றும் ஒரு ஸ்பூன் இஞ்சி பூண்டு விழுது மற்றும் உப்பு சேர்த்துக் கொள்ளவும்.  மட்டன் மூழ்கும் அளவு தண்ணீர் ஊற்றி ஆறு விசில் வரும் வரை வேக வைத்து எடுத்துக் கொள்ளலாம். ஒரு பாத்திரத்தில் கடலை எண்ணெய், தேங்காய் எண்ணெய் சேர்த்து பட்டை, கிராம்பு, ஏலக்காய் சேர்க்கவும். இதனுடன் வெங்காயம் சேர்த்து நன்கு வதக்கவும். வெங்காயம் பொன்னிறம் வந்த உடன் தக்காளி, மிளகாய் பொடி, பச்சை மிளகாய் சேர்த்து நன்கு வதக்கவும். இதனுடன் மல்லி இலை, புதினா, இஞ்சி பூண்டு பேஸ்ட் போட்டு பச்சை வாசனை போகும் வரை வதக்கவும்.

இதனுடன் பிரியாணி மசாலா, கரம் மசாலா சேர்த்து நன்கு வதக்கவும். இதனுடன் மட்டன் சேர்த்து தயிர் மற்றும் எலுமிச்சை சாறு சேர்த்து நன்கு வதக்கவும். இதனுடன் தேவையான தண்ணீர் மற்றும் உப்பு சேர்த்து நன்கு கொதிக்கவிடவும். மசாலா கொதித்ததும் அரிசி சேர்த்து நன்றாக வேக வைத்து எடுத்துக் கொள்ளவும். பின்னர் 20 நிமிடம் தம் போட்டு எடுத்துக் கொள்ளவும். அதன் பின்னர் பிரியாணி மீது நெய் சேர்த்து 10 நிமிடம் தம் போட்டு எடுத்தால் சுவையான பிரியாணி ரெடி.