கொத்தமல்லி கம்மி; புதினா ஜாஸ்தி... ருசி நாக்குலேயே இருக்கும்; டேஸ்டி சால்னா!

தமிழ்நாட்டில் பல உணவுகள் பிரபலமாக இருந்து வருகின்றன. இதில், பரோட்டாவும் சால்னாவும் அனைவருக்கும் மிகவும் பிடித்த உணவாகும். எவ்வளவு சாப்பிட்டாலும் சலித்தே போகாத உணவாக பரோட்டா இருக்கிறது. பரோட்டா மைதாவில் செய்வதால் உடலுக்கு தீங்கு விளைவிக்கும் உணவாக கருதப்படுகிறது. இருந்தாலும் இதன் மீதான விரும்பம் குறைந்தபாடில்லை.

சால்னாவை பரோட்டாவிற்கு மட்டுமல்லாமல் தற்போது சப்பாத்தி, பூரி போன்ற உணவுகளுடனும் சேர்த்து உண்ண மக்கள் பழகிவிட்டனர். இப்படி மோஸ்ட் வாண்டடாக இருக்கும் சால்னாவை கொத்தமல்லி கொஞ்சம் கம்மியாக புதினா கொஞ்சம் தூக்கலாக போட்டு எப்படி டேஸ்ட்டாக செய்யலாம் என்று இந்த தொகுப்பில் பார்க்கலாம்.

தேவையான பொருட்கள்

தேங்காய்

வேர்க்கடலை

பொட்டுக்கடலை

கசகசா

சோம்பு

பட்டை 

லவங்கம்

கல்பாசி

பிரியாணி இலை

வெங்காயம்

பச்சை மிளகாய்

கறிவேப்பைலை

இஞ்சி பூண்டு விழுது

தக்காளி

சிக்கன்

மஞ்சள் பொடி

சீரக தூள்

புதினா 

கொத்தமல்லி இலை

மிளகு தூள்

தயிர்

கரம் மசாலா

செய்முறை

ஒரு மிக்ஸி ஜாரில் சிறிதளவு தேங்காய், வேர்க்கடலை, பொட்டுக்கடலை, கசகசா, கொஞ்சம் சோம்பு இவற்றை சேர்த்து நன்கு விழுதாக அரைத்து எடுத்துக் கொள்ளவும். ஒரு குக்கரில் சிறிதளவு எண்ணெய் ஊற்றி பட்டை, லவங்கம், கல்பாசி, பிரியாணி இலை, சோம்பு ஆகியவற்றை சேர்த்து நன்கு வதக்கவும். இதனுடன் கொஞ்சம் வெங்காயம், பச்சை மிளகாய், கறிவேப்பிலை, இஞ்சி பூண்டு விழுது ஆகியவற்றை சேர்த்து நல்ல பொன்னிறமாக வதக்கவும்.

View this post on Instagram

A post shared by Ushafood Spot (@ushafoodspot)

இதில் தக்காளி சேர்த்து நன்கு வதக்கிய பின்னர் சிக்கன், தயிர் மற்றும் மஞ்சள் பொடி சேர்த்து நன்றாக கிளற வேண்டும். இதில், சீரக தூள், புதினா, கொத்தமல்லி இலை கொஞ்சம் அதிகமாக போட வேண்டும். பின்னர் மிளகு தூள், கரம் மசாலா சேர்த்து நன்கு கிளறிய பின்னர் குக்கர் விசில் போட்டு வேக வைக்கவும். சிக்கன் வெந்த பிறகு நாம் அரைத்து வைத்த தேங்காய் விழுதை சேர்த்து கொதிக்கவிட்டு இறக்கினால் சுவையான சால்னா ரெடி. இந்த சால்னாவை பரோட்டா, சப்பாத்தி, பூரி என அனைத்து உணவுகளுடனும் உண்ணலாம்.