எந்த மசாலாவும் அரைக்க வேணாம்... விஜய் சேதுபதிக்கு ரொம்ப பிடித்த இந்தக் குழம்பு ரெடி பண்ணுங்க!

அவசரமாக ஒரு காரசாரமான குழம்பு வைக்க வேண்டுமா? அதற்கு இந்த எண்ணெய் கத்திரிக்காய் குழம்பு தான் சரியான சாய்ஸ்! பிரபல நடிகர் விஜய் சேதுபதிக்கு மிகவும் பிடித்த இந்த குழம்பை, எந்த ஒரு மசாலாவுமே அரைக்காமல், வெறும் 10 நிமிடத்தில் சுலபமாக தயார் செய்துவிடலாம். வெங்காயம் போட்டு வதக்கிய ஒரு ஆம்லெட்டுடன், நெய் ஊற்றி சோறில் பிசைந்து இந்த குழம்பை சாப்பிட்டால் அதன் சுவை அபாரமாக இருக்கும். இதனை எப்படி செய்வது என்று ஹிட்ஜிட் இன்ஸ்டா பக்கத்தில் செய்து காட்டியிருப்பது பற்றி பார்க்கலாம்.

தேவையான பொருட்கள்:

கத்திரிக்காய் 
எண்ணெய்
வெந்தயம்
கடுகு, கருவேப்பிலை
பெரிய வெங்காயம்
மஞ்சள் தூள் 
மிளகாய் தூள்
மல்லி தூள்
தக்காளி
கல்லுப்பு
புளி
தேங்காய் 
காஷ்மீரி மிளகாய் 

செய்முறை:

முதலில் கத்திரிக்காயை நன்கு கழுவி, நான்கு புறமும் கீறி எடுத்துக்கொள்ளுங்கள். கடாயில் தாராளமாக எண்ணெய் விட்டு, கீறிய கத்திரிக்காய்களை சேர்த்து சுமார் இரண்டு நிமிடம் வதக்குங்கள். கத்திரிக்காய் நிறம் மாறியதும் அதனை தனியே எடுத்து வைத்துக்கொள்ளுங்கள். அதே கடாயில் கால் டீஸ்பூன் வெந்தயம், கடுகு மற்றும் கருவேப்பிலை சேர்க்கவும். அதனுடன் இரண்டு பெரிய வெங்காயம் (அல்லது சின்ன வெங்காயம்) சேர்த்து நன்கு வதக்குங்கள்.

வெங்காயம் வதங்கியதும், கால் டீஸ்பூன் மஞ்சள் தூள், ஒரு டேபிள் ஸ்பூன் மிளகாய் தூள், ஒரு டேபிள் ஸ்பூன் மல்லி தூள் சேர்த்து, பச்சை வாசனை போகும் வரை வணக்க வேண்டும். பிறகு, அரைத்து வைத்துள்ள மூன்று தக்காளி பேஸ்ட் மற்றும் கால் டீஸ்பூன் கல்லுப்பையும் சேர்க்கவும். தக்காளி விழுதைச் சேர்த்த பிறகு, அதே ஜாரில் கொஞ்சம் தண்ணீர் ஊற்றி அலசி குழம்பில் சேர்த்து, ஐந்து நிமிடம் மூடிபோட்டு கொதிக்க விடுங்கள். எண்ணெய் பிரிந்து மேலே வரும்.

View this post on Instagram

A post shared by Đ₮.Shคrᴍilค S𝔥สhid (@sharmijaz)

இப்போது சின்ன நெல்லிக்காய் அளவுள்ள புளியை கரைத்து குழம்பில் சேர்க்க வேண்டும். பிறகு, அரைத்த தேங்காய் விழுதையும் (தேவைப்பட்டால் காஷ்மீரி மிளகாயுடன்) சேர்த்து கலக்குங்கள். இந்த சமயத்தில், ஏற்கெனவே வதக்கி எடுத்து வைத்த கத்திரிக்காய்களை குழம்புடன் சேர்த்து, ஒரு 10 நிமிடம் மிதமான தீயில் கொதிக்க விடுங்கள். எண்ணெய் முழுவதும் பிரிந்து மேலே வந்ததும், அடுப்பை அணைத்துவிடுங்கள். இப்போது சூடான, சுவையான எண்ணெய் கத்திரிக்காய் குழம்பு தயார்.