15 கிலோ வரை குறையும்... இந்த தோசை ஒண்ணு சாப்பிட்டு பாருங்க; செம்ம ரிசல்ட்!

உடல் எடை அதிகரிப்பு என்பது பெரும் பிரச்சனையாக உள்ளது. இந்த உடல் எடை அதிகரிப்பு பல்வேறு பிரச்சனைகளால் ஏற்படுகிறது. இதனை குறைக்க மக்கள் படாதபாடு படுகின்றனர். உடற்பயிற்சி, டயட் என உடல் எடையை குறைக்க பல வழிமுறைகளை மேற்கொண்டு வருகின்றனர். இருந்தாலும், என்ன செய்தாலும் உடல் எடை மட்டும் குறையவே இல்லை என்று வருத்தப்படுகிறீர்களா? உங்களுக்காகவே ஒரு சூப்பர் கோதுமை ரவை தோசை ரெசிபி உள்ளது. அதை எப்படி செய்யலாம் என்று இந்த தொகுப்பில் விரிவாக பார்க்கலாம்.

தேவையான பொருட்கள்

கோதுமை ரவை - ஒரு கப்

பொட்டு கடலை - அரை கப்

கறிவேப்பிலை - தேவையான அளவு

சோம்பு - தேவையான அளவு

சீரகம் - தேவையான அளவு

காய்ந்த மிளகாய் - தேவையான அளவு

அவல் - கால் கப்

செய்முறை

கோதுமை ரவை, அவல், பொட்டு கடலை ஆகியவற்றை பத்து நிமிடம் ஊற வைக்க வேண்டும். என்ன அவல் வேண்டுமானாலும் எடுத்துக் கொள்ளலாம். சம்பா அவல் எடுத்துக் கொண்டால் இன்னும் ஆரோக்கியமானதாக இருக்கும். ஊற வைத்த கோதுமை, அவள், பொட்டுக் கடலையை ஒரு மிக்சர் ஜாரில் போட்டு தேவையான அளவு தண்ணீர் ஊற்றவும். இதனுடன் கறிவேப்பிலை, சோம்பு, சீரகம் ஆகியவற்றை சேர்த்து நன்கு அரைத்து எடுத்துக் கொள்ளவும். 

இதனுடன் உப்பு சேர்த்து நன்கு தோசை மாவு பதத்திற்கு எடுத்துக் கொள்ளவும். இந்த மாவை புளிக்க வைக்க வேண்டும் என்ற அவசியம் இல்லை. நீங்கள் அரைத்த உடனே தோசை சுட்டு சாப்பிடலாம். பொதுவாக அரிசி பயன்படுத்தி அரைக்கும் தோசை மாவை ஒரு நாள் முழுவதும் புளிக்க வைக்க வேண்டும். ஆனால், இந்த மாவில் அந்த தொல்லை இல்லை. நீங்கள் அரைத்த உடனே சூடாக மொறு மொறுவென்று சுட்டு சாப்பிடலாம்.  உங்களுக்கு பசிக்கிறது உடனே ஏதாவது சாப்பிட வேண்டும் என்றால் இந்த தோசையை செய்து சாப்பிடுங்கள்.

View this post on Instagram

A post shared by Delhi Tamizhachi (@delhitamizhachiofficial)

அதுமட்டுமல்லாமல், கோதுமை ரவை, அவல் போன்ற பொருட்கள் உடலுக்கு மிகவும் நன்மை விளைவிக்கும் உணவு பொருட்களாகும். இதனை நாம் தினமும் சாப்பிடுவதன் மூலம் நம் உடல் எடை குறையும் வாய்ப்புள்ளதாம். இந்த கோதுமை ரவை தோசையை நீங்கள் தினமும் சாப்பிடும் பொழுது 15 கிலோ வரை உடல் எடை குறைய வாய்ப்புள்ளதாக கூறப்படுகிறது. உடல் பருமனாக இருக்கிறோம் என்று கவலைப்படுபவர்கள் இந்த தோசையை நீங்களுக்கு உங்கள் வீட்டில் ட்ரை பண்ணி பாருங்கள்.