கிட்னி கல் பிரச்சினை? தடம் தெரியாமல் கரையும்... இத மட்டும் தொடாதீங்க: டாக்டர் கார்த்திகேயன்

சிறுநீரகக் கற்கள் இன்று பலரைத் தாக்கும் ஒரு பொதுவான உடல்நலப் பிரச்சனையாகும். இதற்கு உடனடி அறுவை சிகிச்சை இன்றி, நமது அன்றாட உணவுப் பழக்கவழக்கங்களில் சில எளிய மாற்றங்களைச் செய்வதன் மூலமே தீர்வு காணலாம் என்று டாக்டர் கார்த்திகேயன் தனது யூடியூப் பக்கத்தில் கூறியிருக்கிறார். போதுமான நீர் மற்றும் சரியான உணவு முறைகள் மூலம் கிட்னி கற்களைத் தடம் தெரியாமல் கரைத்து, மீண்டும் வராமல் தடுக்க முடியும். சிறுநீரகக் கற்கள் உள்ளவர்கள் அல்லது அவை உருவாகாமல் தடுக்க விரும்புபவர்கள் பின்வரும் உணவுப் பொருட்களை தங்கள் அன்றாடப் பழக்கத்தில் சேர்த்துக் கொள்வது நன்மை பயக்கும் என்று அவர் கூறுகிறார்.

தினமும் குறைந்தது 2 முதல் 2.5 லிட்டர் சிறுநீர் வெளியேறும் அளவுக்கு நிறைய தண்ணீர் குடிப்பது மிக அவசியம். இது சிறுநீரை நீர்த்துப் போகச் செய்து, கல் உருவாகுவதைத் தடுக்க உதவுகிறது. எலுமிச்சை, ஆரஞ்சு போன்ற சிட்ரஸ் பழங்கள் மற்றும் அவற்றின் சாறுகளில் சிட்ரேட் உள்ளது. இந்த சிட்ரேட் கால்சியம் கற்கள் உருவாவதைத் தடுத்து, அவற்றை உடைக்கவும் உதவுகிறது.

முள்ளங்கி: முள்ளங்கியை வாரத்திற்கு இரண்டு நாட்களுக்கு உணவில் சேர்த்துக் கொள்வது கல்லின் அடர்த்தியை உடைத்து சிறுநீர் வழியாக வெளியேற்ற உதவும்.

மூக்கிரட்டை கீரை: சிறுநீரகக் கற்களைக் கரைப்பதற்கும், சிறுநீரக நச்சுத்தன்மையை நீக்குவதற்கும் மூக்கிரட்டை கீரை சிறப்பான பலன்களை அளிக்கிறது.

நார்ச்சத்து மற்றும் மெக்னீசியம்: முழு தானியங்கள், பழங்கள், காய்கறிகள் போன்ற நார்ச்சத்து நிறைந்த உணவுகள் மற்றும் நட்ஸ், விதைகள் போன்ற மெக்னீசியம் நிறைந்த உணவுகளையும் எடுத்துக் கொள்ளலாம்.

கிட்னி கல் பிரச்சினை உள்ளவர்கள் அல்லது வராமல் தடுக்க விரும்புபவர்கள் கண்டிப்பாகத் தவிர்க்க வேண்டிய சில முக்கியப் பழக்கவழக்கங்கள்:

உப்பு மற்றும் பதப்படுத்தப்பட்ட உணவுகள்: சிப்ஸ், ஊறுகாய் மற்றும் அதிக உப்புச் சேர்க்கப்பட்ட பதப்படுத்தப்பட்ட உணவுகளை முற்றிலும் தவிர்க்க வேண்டும். அதிக உப்பு சிறுநீரில் கால்சியம் வெளியேற்றத்தை அதிகரித்து, கல் உருவாக முக்கியக் காரணமாக அமைகிறது.

அதிக கால்சியம் உணவுகள்: கால்சியம் கற்கள் உள்ளவர்கள், பால், தயிர், சீஸ் போன்ற பால் பொருட்கள் மற்றும் கீரை, ப்ரோக்கோலி போன்ற சில அதிக கால்சியம் நிறைந்த உணவுகளை மருத்துவர் ஆலோசனையின் பேரில் தவிர்ப்பது நல்லது.

மாமிச உணவுகள்/கீரை/தக்காளி: சிறுநீர்க் கழிவில் சிரமம் உள்ளவர்கள், மாமிச உணவுகள், கீரை, தக்காளி போன்றவற்றை அதிகமாகச் சாப்பிடுவதைத் தவிர்க்க வேண்டும், ஏனெனில் இவை சிறுநீரகங்களில் கால்சியம் படிய காரணமாகலாம். இந்த எளிய உணவுப் பழக்கவழக்கங்களைப் பின்பற்றுவது, சிறுநீரகக் கற்கள் வராமல் தடுக்கவும், இருக்கும் கற்களைக் கரைக்கவும் உதவும் ஒரு சிறந்த இயற்கையான வழியாகும் என்று டாக்டர் கார்த்திகேயன் கூறுகிறார்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.