இரும்புச் சத்தின் நண்பன்... இந்தக் கீரை வச்சு ஒருமுறை சாம்பார் சாப்பிட்டு பாருங்க!

முருங்கைக்கீரை உடலுக்கு மிகவும் ஆரோக்கியமானது. இந்தக் கீரையை வைத்து சுவையான கடையல் செய்யலாம். முருங்கைக்கீரை கூட்டு செய்யலாம். ஆனால் இந்த கீரையில் சாம்பார் செய்யலாம் என்பது உங்களுக்கு தெரியுமா? செய்யும் முறைக்கான தேவையான பொருட்கள கீழே கொடுக்கப்பட்டுள்ளன.

தேவையான பொருட்கள்:

முருங்கைக்கீரை - 1 கப்

துவரம் பருப்பு - 100 கிராம்

சீரகம்  - 1 தேக்கரண்டி

மஞ்சள் தூள் - 1 தேக்கரண்டி

பூண்டு - 4 பற்கள்

எண்ணெய் - 50 மில்லி

கடுகு – அரை தேக்கரண்டி

உளுத்தம் பருப்பு அரை தேக்கரண்டி

கறிவேப்பிலை - சிறிதளவு

காய்ந்த மிளகாய் - 4

வெங்காயம் - 100 கிராம்

தக்காளி - 2

உப்பு - சுவைக்கேற்ப

வீட்டில் அரைத்த மசாலா தூள் - 2 தேக்கரண்டி

செய்முறை: 

முதலில் ஒரு குக்கரை எடுத்து அதில் துவரம்பருப்பு, பூண்டு, சீரகம் சேர்த்து தண்ணீர் ஊற்றி, வேக வைத்து எடுத்துக்கொள்ளவும். அடுத்து மண் சட்டி அல்லது பாத்திரத்தை எடுத்து அடுப்பில் வைத்து எண்ணெய் ஊற்றி அதில், கடுகு, உளுத்தம்பருப்பு, சீரகம் கறிவேப்பிலை சேர்த்து தாளிக்கவும். 

அடுத்து சின்ன வெங்காயம், தக்காளி, சேர்த்து வதக்கவும். அடுத்து தேவையான அளவு உப்பு சேர்த்து, மசாலா பொடியும் சேர்த்து வேக வைத்து தனியாக எடுத்து வைத்துள்ள பருப்பை சேர்க்கவும். 

View this post on Instagram

A post shared by Sister's Samayal (@sistersamayal)

அடுத்து தண்ணீர் சேர்த்து கொதிக்க வைத்து, கீரையை அதனுடன் சேர்த்து வேக வைக்கவும். கீரை நன்றாக வெந்தவுடன், கடுகு, உளுத்தம்பருப்பு, காய்ந்த மிளகாய், எண்ணெய் சேர்த்து தாளித்து கொட்டி இறக்கினால் சுவையாக முருங்கை கீரை சாம்பார் ரெடி.