நாக்கு செத்துப் போச்சா? இந்த டிஷ் ட்ரை பண்ணுங்க; தட்டு சோறும் காலி!

உணவில் அதிகம் பயன்படுத்தும் காய்கறிகளில் ஒன்று கத்தரிக்காய். சில இடங்களில் கத்தரிக்காயை வேக வைத்து பயன்படுத்துவார்கள், சிலர் எண்ணெய் விட்டு வதக்கி செய்வார்கள். ஆனால், மிகவும் பாரம்பரியமான மற்றும் மணமான கத்தரிக்காய் தயிர் பச்சடி செய்து சாப்பிட்ட அனுபவம் இருக்கா?

தேவையான பொருட்கள்:

கத்தரிக்காய் - 1 பெரியது (அல்லது 2 சிறியது)

தயிர் - 1 கப்

மஞ்சள் தூள்- 1 டீஸ்பூன்

மிளகாய் தூள் – 2 டீஸ்பூன்

உப்பு - தேவையான அளவு

வெங்காயம் - 2

கொத்தமல்லி இலைகள் ஒரு கைப்பிடி

எண்ணெய்/தேங்காய் எண்ணெய் - 1 டீஸ்பூன்

கடுகு - 1/2 டீஸ்பூன்

உளுத்தம்பருப்பு - 1/2 டீஸ்பூன்

கறிவேப்பிலை - சிறிதளவு

செய்முறை:

கத்தரிக்காயை பொடியாக நறுக்கி, அதில் மஞ்சள் தூள், மிளகாய் தூள் உப்பு சேர்த்து கலந்து வைத்துக்கொள்ளவும். அதன்பிறகு ஒரு பாணில் என்னை ஊற்றி அதில், கத்தரிக்காய் சேர்த்து நன்றாக பொறித்து எடுத்துக்கொள்ளவும்.

அதே பானில் சிறியதளவு எண்ணெய் விட்டு, அதில், நறுக்கிய வெங்காயம், கடுகு உளுத்தம்பருப்பு, கறிவேப்பிலை சேர்த்து தாளித்து, கத்தரிக்காய் சேர்த்து நன்றாக வதக்கவும். கத்தரிக்காயுடன் கெட்டியான தயிர், சேர்த்து நன்றாக கலந்துவிட்டு, கொத்தமல்லி சேர்த்து இறக்கினால் கத்தரிக்காய் தயிர் பச்சடி ரெடி

View this post on Instagram

A post shared by Prema Kanagaraj (@newfangled_with_prem)

இது சாதம், சப்பாத்தி, அல்லது இட்லி/தோசை போன்றவற்றுடன் தொட்டுக் கொள்ள ஒரு அற்புதமான பக்க உணவாகும். கோடைகாலத்தில் தயிருடன் சேரும் கத்தரிக்காய் உடலுக்கு குளிர்ச்சியை அளிக்கும்.