அரைக்க, வறுக்க, பொரிக்க வேணாம்... டேஸ்டி ஸ்நாக்ஸ்; இப்படி செய்யுங்க!

கொண்டைக்கடலை சத்து நிறைந்த ஒரு உணவு. இதை வேகவைத்து, தாளித்து அல்லது மசாலா சேர்த்துச் சாப்பிடுவதுண்டு. ஆனால், இதில் ஆரோக்கியமான, அதே சமயம் மொறுமொறுப்பான டெஸ்டான ஸ்னாக்ஸ் செய்வது எப்படி என்று பார்ப்போம். இதைச் செய்து ஒரு காற்றுப்புகாத டப்பாவில் சேமித்து வைத்தால், மாலை நேர ஸ்நாக்ஸாகப் பயன்படுத்தலாம்.

தேவையான பொருட்கள் 

காய்ந்த கொண்டைக்கடலை  - 1/2 கப்

உப்பு - தேவையான அளவு

கரம் மசாலா தூள் - 1 தேக்கரண்டி

ஆலிவ் எண்ணெய் - 1 மேசைக்கரண்டி

சாட் மசாலா - தேவையான அளவு

காஷ்மீரி மிளகாய் தூள் - தேவையான அளவு

சீரகத் தூள் - தேவையான அளவு

பூண்டுத் தூள் - தேவையான அளவு

செய்முறை 

கொண்டைக்கடலையை இரவில் அதிக தண்ணீர் ஊற்றி முழுவதும் ஊற வைக்கவும். ஊறிய கடலையை வடிகட்டி, தேவையான அளவு உப்பு மற்றும் கரம் மசாலா சேர்த்து பிரஷர் குக்கரில் வைக்கவும். கடலை குழையாமல், ஆனால் மென்மையாக இருக்கும் வரை 6 விசில் வரும் வரை வேக வைக்கவும். வெந்த கொண்டைக் கடலையை வடிகட்டியில் போட்டு தண்ணீர் முழுமையாக வடிய விடவும்.

பின்னர் அதை ஒரு துண்டின் மீது பரப்பி, மற்றொரு துண்டால் முழுமையாக ஒற்றி உலர்த்தவும். மொறுமொறுப்பாக வருவதற்கு இந்த படி மிகவும் முக்கியம். அடுப்பை (Oven) 400°F (200°C) வெப்பநிலையில் முன்கூட்டியே சூடாக்கவும். பேக்கிங் ட்ரேயில் சமையல் தாளை விரிக்கவும். உலர்ந்த கொண்டைக்கடலையுடன் ஆலிவ் எண்ணெய் சேர்த்து நன்கு கலக்கவும்.

View this post on Instagram

A post shared by Vidya Srinivasan (@traditionallymodernfood)

எண்ணெய் கலந்த கடலையை ட்ரேயில் சமமாகப் பரப்பி வைக்கவும். முதலில் 15 நிமிடங்கள் சுடவும், பின்னர் வெளியே எடுத்து ஒரு முறை கிளறிவிட்டு, மேலும் 15 நிமிடங்கள் சுடவும். உங்கள் அடுப்பு மற்றும் கடலையின் தன்மையைப் பொறுத்து நேரத்தை நீங்கள் சரிசெய்யலாம்.
கடலை சூடாக இருக்கும்போதே, உங்களுக்குப் பிடித்தமான சாட் மசாலா, காஷ்மீரி மிளகாய் தூள், சீரகத் தூள், பூண்டுத் தூள் போன்றவற்றைச் சேர்த்து, நன்கு கலக்கவும். அடுப்பை அணைத்துவிட்டு, 5 நிமிடங்கள் கடலையை உள்ளேயே இருக்க விடவும்.

வெளியே எடுத்து, முழுமையாக ஆறவிட்டு, பின்னர் காற்றுப் புகாத ஒரு டப்பாவில் சேமித்து வைக்கவும். சூப்பரான மற்றும் ஆரோக்கியமான மசாலா கொண்டக்கடலை ரெடி. ட்ரை பண்ணி பாருங்க.