மழை நேரத்துக்கு ஏற்ற சூடான ரச சாதம்... 5 நிமிசத்துல ரெடி; இப்படி செய்து அசத்துங்க!

மழை காலத்தில் ஆரோக்கியமான ரசம் செய்து சாப்பி வேண்டுமா? இந்த ஸ்டைலில் ரசம் சாதமாகவே செய்யலாம். அவ்வளவு டேஸ்டாக இருக்கும். எப்படி செய்வது என்பதை பார்ப்போமா?

தேவையான பொருட்கள் 

கொத்தமல்லி, சீரகம், மிளகு, தலா 1 டீஸ்பூன்

காய்ந்த மிளகாய் – 4

கறிவேப்பிலை ஒரு கொத்து

எண்ணெய் - 1 ஸ்பூன்

கடுகு - 1 ஸ்பூன்

காய்ந்த மிளகாய் - 2

பழுத்த தக்காளி - 3

கல் உப்பு - 1 ஸ்பூன்

மஞ்சள் தூள் - 1.5 ஸ்பூன்

பெருங்காயம் - 1.5 ஸ்பூன்

வெல்லம் - சிறிது

அரிசி - (தேவையான அளவு)

நெய் - 1 ஸ்பூன்

கறிவேப்பிலை, கொத்தமல்லி – சிறிதளவு

பூண்டு – 10 பல்

செய்முறை:

முதலில் ஒரு பானில், கொத்தமல்லி, சீரகம், மிளகு, காய்ந்த மிளகாய் கறிவேப்பிலை சேர்ந்து வருத்து கொறகொறப்பாக அரைத்து தனியாக எடுத்து வைத்துக்கொள்ளவும். அடுத்து ஒரு பாத்திரத்தில் எண்ணெய், கடுகு, மற்றும் காய்ந்த மிளகாய் சேர்த்து தாளிக்கவும். 

அதோடு, நறுக்கிய 3 பழுத்த தக்காளியை சேர்த்து நன்றாக வதக்கிக்கலாம். இத்துடன் 1 ஸ்பூன் கல் உப்பு, 1.5 ஸ்பூன் மஞ்சள் தூள், மற்றும் 1.5 ஸ்பூன் பெருங்காயம் சேர்த்து நன்கு கலந்து விடுங்கள். இதனுடன் இடித்த பூண்டை சேர்த்துக்கொள்ளவும்.

View this post on Instagram

A post shared by Kuralarasi/swetha (@myselftime_87)

மசாலா கலந்ததும், கொஞ்சமாக வெல்லம் சேர்த்துவிட்டு, பிறகு நீங்கள் எடுத்து வைத்துள்ள அரிசியை சேர்த்துக்கொள்ளலாம். இப்போது நன்றாகக் கொதி வரும்போது குக்கரை மூடிவிடுங்கள். ஒரு ஐந்து விசில் வரட்டும். விசில் அடங்கியதும் குக்கரைத் திறந்து, சாதத்தை சூடுடனே நல்ல மசித்து வைத்துக்கொள்ளுங்கள். கடைசியாக, இத்துடன் ஒரு ஸ்பூன் நெய், கறிவேப்பிலை, மற்றும் கொத்தமல்லி சேர்த்து இறக்கினால், சுட சுட ரசம் சாதம் ரெடி!