வதக்க, அரைக்க வேணாம்... சோம்பேறி சிக்கன் ரெசிபி: பேச்சுலர்ஸ் சண்டே சமைச்சு பாருங்க!

சமைக்க அதிக நேரம் எடுத்துக்கொள்ளாமல், சுவையான சிக்கன் செய்ய விரும்புபவர்களா இந்த ஐடியாவை ஃபாலோ பண்ணுங்க. இது மிகவும் எளிதான மற்றும் விரைவான சமையல் முறை. எப்படி செய்வது என்று பார்ப்போமா? 

தேவையான பொருட்கள் 

சிக்கன் - 1/2 கிலோ 

வெங்காயம் - 2

கறிவேப்பிலை

கொத்தமல்லி

புதினா இலைகள்

இஞ்சி பூண்டு விழுது - 2 தேக்கரண்டி 

உப்பு - 1 தேக்கரண்டி 

மஞ்சள் தூள் - 1/4 தேக்கரண்டி 

சிவப்பு மிளகாய் தூள் - 1 தேக்கரண்டி 

சிக்கன் மசாலா - 1 தேக்கரண்டி 

எலுமிச்சை - 1/4

தண்ணீர் - 50 மில்லி 

எண்ணெய் - 3 கரண்டி 

செய்முறை: 

முதலில் சிக்கனை நன்றாக கழுவி சுத்தம் செய்து கொள்ளவும். நறுக்கிய  வெங்காயத்தை ஒரு கனமான பாத்திரம் அல்லது குக்கரில் சேர்க்கவும். அதனுடன் கறிவேப்பிலை, கொத்தமல்லி, மற்றும் புதினா இலைகளையும் சேர்க்கவும்.

இப்போது சுத்தம் செய்த சிக்கனைப் பாத்திரத்தில் போட்டு, தேக்கரண்டி இஞ்சி பூண்டு விழுது, உப்பு, மஞ்சள் தூள், சிவப்பு மிளகாய் தூள், மற்றும் சிக்கன் மசாலா ஆகியவற்றைச் சேர்க்கவும். இந்தக் கலவையை, அனைத்து மசாலாக்களும் சிக்கனில் நன்கு கலக்கும்படி கைகளால் நன்றாகப் பிசையவும். பின், தண்ணீர் மற்றும் எண்ணெய் சேர்த்து, மீண்டும் ஒரு முறை லேசாகக் கலக்கவும்.

View this post on Instagram

A post shared by Kaathuvaakula_samayal (@kaathuvaakulasamayal)

பாத்திரத்தை மூடி வைத்து, மிதமான தீயில் அல்லது குக்கரில் (விசில் வைக்காமல்/குறைவான விசில்) 20 முதல் 25 நிமிடங்கள் வரை வேக வைக்கவும். இடையில் ஒரு முறை திறந்து அடிபிடிக்காமல் இருக்க கிளறி விடலாம். சிக்கன் நன்கு வெந்து, எண்ணெய் பிரிந்து வரும்போது, அடுப்பை அணைத்து, எலுமிச்சை சாற்றைப் பிழிந்து பரிமாறவும்.