உலகளாவிய பசி குறியீடு 2022; இந்தியா 107-வது இடத்திற்கு சரிவு

2022 ஆம் ஆண்டில் உலகளாவிய பசி குறியீட்டில் (GHI) இந்தியா 107 வது இடத்திற்கு சரிந்துள்ளது, 2021 இல் 101 வது இடத்திலிருந்து கீழே இறங்கியுள்ளது.

GHI குறியீட்டை கன்சர்ன் வேர்ல்டுவைட் மற்றும் வெல்துங்கர்ஹில்ஃப் இணைந்து வெளியிடுகிறது, இது உலகளாவிய, பிராந்திய மற்றும் நாடுகளின் பசி நிலைகளை விரிவாக அளவிடுகிறது மற்றும் கண்காணிக்கிறது.

GHI இல் உள்ள 121 நாடுகளில், இந்தியா அதன் அண்டை நாடுகளான நேபாளம் (81), பாகிஸ்தான் (99), இலங்கை (64), மற்றும் பங்களாதேஷ் (84) ஆகியவற்றுக்குப் பின்னால் உள்ளது.

நாடுகளை ‘தீவிரத்தன்மை’ மூலம் பட்டியலிடும் GHI, இந்தியாவுக்கு 29.1 மதிப்பெண் வழங்கியுள்ளது, இது பசி நிலையின் ‘தீவிர’ பிரிவில் வரும். பட்டியலில் ஏமன் நாடு மிகக் குறைந்த நிலையில் 121 ஆவது இடத்தில் உள்ளது.

அதேநேரம் பட்டியலில் 17 கூட்டு முதல் தரவரிசை நாடுகளும் உள்ளன. அந்த நாடுகளின் தீவிர மதிப்பெண்ணில் வேறுபாடுகள் மிகக் குறைவு. குரோஷியா, எஸ்டோனியா மற்றும் மாண்டினீக்ரோ உள்ளிட்ட ஐரோப்பிய நாடுகள் ஆதிக்கம் செலுத்தும் முதல் வரிசை பட்டியலில் சீனா மற்றும் குவைத் ஆகியவை ஆசிய நாடுகள் பட்டியலில் முதலிடத்தில் உள்ளன.

GHI மதிப்பெண் நான்கு குறிகாட்டிகளில் கணக்கிடப்படுகிறது - ஊட்டச்சத்து குறைபாடு; குழந்தைகள் எடை இழப்பு (கடுமையான ஊட்டச்சத்து குறைபாட்டை பிரதிபலிக்கும் வகையில் உயரத்திற்கு குறைந்த எடை கொண்ட ஐந்து வயதுக்குட்பட்ட குழந்தைகளின் பங்கு); குழந்தை வளர்ச்சி குறைவு (அவர்களின் வயதுக்கு ஏற்ற உயரம் குறைந்த ஐந்து வயதுக்குட்பட்ட குழந்தைகள், நாள்பட்ட ஊட்டச்சத்து குறைபாட்டை பிரதிபலிக்கிறது); மற்றும் குழந்தை இறப்பு (ஐந்து வயதுக்குட்பட்ட குழந்தைகளின் இறப்பு விகிதம்).

முறையின்படி, 9.9க்குக் குறைவான மதிப்பெண் ‘குறைவானது’ என்றும், 10-19.9 ‘மிதமானது’ என்றும், 20-34.9 ‘தீவிரமானது’ என்றும், 35-49.9 ‘ஆபத்தானது’ என்றும், 50க்கு மேல் ‘மிகவும் ஆபத்தானது’ என்றும் கருதப்படுகிறது. இந்தியா பல ஆண்டுகளாக GHI மதிப்பெண்களை குறைத்து பதிவு செய்து வருகிறது.

2000 ஆம் ஆண்டில், இது 38.8 என்ற ‘அபாயகரமான’ மதிப்பெண்ணைப் பதிவு செய்தது, இது 2014 இல் 28.2 ஆகக் குறைந்தது. அதன் பின்னர் நாடு அதிக மதிப்பெண்களைப் பதிவு செய்யத் தொடங்கியது. நான்கு குறிகாட்டிகளுக்கு இந்தியா தொடர்ந்து குறைந்த மதிப்பை பதிவு செய்து வரும் நிலையில், 2014 இல் ஊட்டச்சத்து குறைபாடு மற்றும் குழந்தைகளின் எடை இழப்பு பாதிப்பு ஆகியவற்றால் அதிகரிக்கத் தொடங்கியது.

மக்கள்தொகையில் ஊட்டச்சத்து குறைபாட்டின் விகிதம் 2014 இல் 14.8 இல் இருந்து 2022 இல் 16.3 ஆக இருந்தது, மேலும் ஐந்து வயதுக்குட்பட்ட குழந்தைகளின் எடை இழப்பு பாதிப்பு 2014 இல் 15.1 இல் இருந்து 2022 இல் 19.3 ஆக உயர்ந்துள்ளது. அறிக்கையின்படி, இந்தியாவில் குழந்தைகள் எடை இழப்பு விகிதம் உலகிலேயே அதிகம்.

"இந்தியாவின் குழந்தைகள் எடை இழப்பு விகிதம், 19.3 சதவிகிதம், உலகின் எந்த நாட்டிலும் இல்லாத அளவுக்கு அதிகமாக உள்ளது மற்றும் இந்தியாவின் அதிக மக்கள்தொகை காரணமாக பிராந்தியத்தின் சராசரியை அதிகரிக்கிறது" என்று அறிக்கை கூறியது.

மற்ற இரண்டு குறிகாட்டிகளிலும் இந்தியா முன்னேற்றம் கண்டுள்ளது. ஐந்து வயதுக்குட்பட்ட குழந்தைகளின் வளர்ச்சி குன்றிய நிலை 2014 இல் 38.7 ஆக இருந்து 2022 இல் 35.5 ஆகவும், ஐந்து வயதுக்குட்பட்ட குழந்தைகளின் இறப்பு 2014 இல் 4.6 ஆக இருந்து 2022 இல் 3.3 ஆகவும் குறைந்துள்ளது.

குறிப்பாக இந்தியாவில் மாவட்டங்களுக்கிடையேயான ஏற்றத்தாழ்வுகள் அதிகமாக இருப்பதாக அறிக்கை கூறுகிறது. “இந்தியாவின் உதாரணம், குழந்தை வளர்ச்சி குன்றியதை இலக்காகக் கொண்டு திட்டங்கள் மற்றும் கொள்கைகளை வடிவமைக்கும் போது, துணை தேசிய சூழலை கருத்தில் கொள்ள வேண்டியதன் முக்கியத்துவத்தை காட்டுகிறது.

2006 மற்றும் 2016 க்கு இடையில் சத்தீஸ்கர், குஜராத், ஒடிசா மற்றும் தமிழ்நாடு ஆகிய நான்கு இந்திய மாநிலங்களில் வளர்ச்சி குன்றியதற்கான காரணிகளை ஆராய்ச்சியாளர்கள் ஆய்வு செய்தனர். சுகாதாரம் மற்றும் ஊட்டச்சத்து தலையீடுகள், வீட்டு நிலைமைகள் (சமூக பொருளாதார நிலை மற்றும் உணவுப் பாதுகாப்பு போன்றவை) மற்றும் தாய்வழி காரணிகள் (தாய்மார்களின் உடல்நலம் மற்றும் கல்வி போன்றவை) ஆகியவற்றின் சம்பந்தப்பட்ட பகுதிகளில் மேம்பாடுகளின் பிரதிபலிப்பாக முக்கியமாக வளர்ச்சி குன்றியதாக ஆராய்ச்சியாளர்கள் கண்டறிந்துள்ளனர்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil