60 பாலியல் வன்கொடுமை, கொலை வழக்குகள், 5,260 தீ வைப்பு சம்பவங்கள், 107  மரணங்கள்- மே மாதத்தில் அதிக வன்முறை கண்ட மணிப்பூர்

இன மோதல்கள் தொடர்பாக மாநிலத்தில் பதிவு செய்யப்பட்ட வழக்குகள் தொடர்பாக மணிப்பூர் அரசு திங்கள்கிழமை உச்ச நீதிமன்றத்தில் அறிக்கையை சமர்ப்பித்தது.

அதன்படி, இந்த ஆண்டு மே மாதத்தில் மாநிலத்தில் இன மோதல்கள் உச்சத்தை எட்டியது. அதிலிருந்து நிலைமை தற்போது ஓரளவு சீரடைந்துள்ளது.

மே 3 முதல் ஜூலை 30 வரையிலான 6,523 வழக்குகளை குற்றத்தின் தன்மைக்கு ஏற்ப பிரிக்க நீதிமன்ற உத்தரவுக்கு பதிலளிக்கும் வகையில் சமர்ப்பிக்கப்பட்ட அறிக்கையின் படி, மே மாதத்தில் 2,167 எஃப்.ஐ.ஆர். பதிவு செய்யப்பட்டுள்ளன; ஜூன் மாதம் 2,079; மற்றும் ஜூலையில் 2,277.

6,117 வழக்குகள் மே மாதத்தில் நடந்த சம்பவங்கள் தொடர்பானவை; 363- ஜூன் சம்பவங்களுடன் தொடர்புடையது; மற்றும் இந்த ஆண்டு ஜூலை 44 வழக்குகள் பதிவாகியுள்ளன.

அறிக்கையின் படி, மே மாதத்தில் நடந்த 6,117 சம்பவங்களில் 5,260 சம்பவங்கள் தீ வைப்பு, வீடுகளை சூறையாடுதல் மற்றும் அழித்தல்; 71- படுகாயம்; 60 சம்பவங்கள் பாலியல் பலாத்காரம், கொலை மற்றும் நாகரீகத்தை மீறுதல்- 37  வழக்குகள் மத வழிபாட்டுத் தலங்களை அழிப்பது தொடர்பானது.

மே மாதத்தில் 107 இறப்புகள் பதிவாகியுள்ளன - அதைத் தொடர்ந்து ஜூன் மாதத்தில் 27 இறப்புகள் மற்றும் ஜூலையில் 18 இறப்புகள், இந்த ஆண்டு ஜூலை 30 வரை மொத்தம் 152 இறப்புகள் பதிவாகியுள்ளன.

காயங்களின் எண்ணிக்கையும் மே மாதத்தில் அதிகபட்சமாக இருந்தது- இந்த மாதத்தில் இது தொடர்பாக 435 வழக்குகள் பதிவாகின. ஜூன் மாதத்தில் 145 மற்றும் ஜூலையில் 118 ஆக மொத்தம் 698 ஆக இருந்தது.

இந்தக் காலகட்டத்தில் மணிப்பூர் பாலியல் வன்முறை சம்பந்தப்பட்ட 10 குற்றங்களைக் கண்டதாக அறிக்கை காட்டுகிறது.

இதில் மூன்று கற்பழிப்பு மற்றும் கூட்டுப் பலாத்கார வழக்குகள், ஒரு பெண் பலாத்காரம் செய்யப்பட்டு கொல்லப்பட்ட ஒரு வழக்கு, மற்றும் பெண்ணின் அடக்கத்தை சீர்குலைக்கும் நோக்கத்தில் அவளைத் தாக்கும் ஆறு நிகழ்வுகள் அடங்கும்.

அந்தக் அறிக்கையில், 72 கொலைகள் நடந்துள்ளதாகவும், மத வழிபாட்டுத் தலங்களை அழித்ததற்காக இந்தக் காலகட்டத்தில் 42 வழக்குகள் பதிவு செய்யப்பட்டுள்ளதாகவும் தெரிவிக்கப்பட்டுள்ளது.

பல எஃப்.ஐ.ஆர்.களில், 4,454 தீவைப்பு, 4,148 சூறையாடுதல், 4,694 வீட்டுச் சொத்துகளை அழித்தது, 584 பொதுச் சொத்துகளை சேதப்படுத்தியது உட்பட குற்றங்கள் ஒன்றுடன் ஒன்று தொடர்புடையவை.

இந்த காலகட்டத்தில் மொத்தம் 292 பேர் கைது செய்யப்பட்டனர், பள்ளத்தாக்கு மாவட்டங்களில் இம்பால் மேற்கு (144) மற்றும் இம்பால் கிழக்கு (89) அதிகபட்சமாக கைது பதிவு செய்யப்பட்டுள்ளது, அதைத் தொடர்ந்து தௌபால் (18).

சுராசந்த்பூர் போன்ற மலை மாவட்டங்களில் ஒன்பது கைதுகள் பதிவு செய்யப்பட்டன; சேனாபதி மற்றும் சண்டேலில் தலா இரண்டு கைதுகள் பதிவு செய்யப்பட்டன.

தடுப்புக் காவலில் வைக்கப்பட்டவர்களின் எண்ணிக்கையிலும் இம்பால் மேற்கு முன்னிலையில் உள்ளது (10,739), அதைத் தொடர்ந்து இம்பால் கிழக்கு (4,239), தௌபால் (1,652), பிஷ்ணுபூர் (968).

சுராசந்த்பூர் 146 தடுப்புக் காவல்களைக் கண்டது.

பலாத்காரம் மற்றும் நாகரீகத்தை மீறிய வழக்குகளில் இதுவரை 16 பேர் கைது செய்யப்பட்டுள்ளதாகவும், 164வது பிரிவின் கீழ் மாஜிஸ்திரேட் முன் 3 வாக்குமூலங்கள் பதிவு செய்யப்பட்டுள்ளதாகவும் அந்த அறிக்கையில் தெரிவிக்கப்பட்டுள்ளது.

தீ வைத்தல், கொள்ளையடித்தல் மற்றும் சொத்துக்களுக்கு சேதம் விளைவித்த வழக்குகளில் 14 பேர் கைது செய்யப்பட்டுள்ளனர், மேலும் 12 பேர் கடுமையாக காயப்படுத்திய வழக்குகளில் கைது செய்யப்பட்டுள்ளனர். மத வழிபாட்டுத் தலங்களை சேதப்படுத்திய வழக்குகளில் இதுவரை யாரும் கைது செய்யப்படவில்லை.

இதனிடையே, மணிப்பூர் கலவரம் குறித்த வழக்கு விசாரணை, இழப்பீடு, நிவாரணம் ஆகியவற்றை கண்காணிக்க ஓய்வு பெற்ற உயர்நீதிமன்ற நீதிபதிகள் 3 பேர் அடங்கிய குழு அமைத்து உச்ச நீதிமன்றம் உத்தரவிட்டது.

இதில் நீதிபதி கீதா மிட்டல், நீதிபதி ஷாலினி ஜோஷி மற்றும் நீதிபதி ஆஷா மேனன் ஆகியோர் அடங்குவர். நீதிபதி கீதா மிட்டல் குழுவின் தலைவராக இருப்பார். இந்த குழு விசாரணை, நிவாரணம், இழப்பீடு, மறுவாழ்வு போன்றவற்றை விசாரிக்கும். இதுபோன்ற முயற்சிகள் மேற்கொண்டு, மக்களுக்கு நம்பிக்கையை ஏற்படுத்த வேண்டும்.

மேலும், மகாராஷ்டிராவின் முன்னாள் டிஜிபியும், என்ஐஏ அதிகாரியுமான தத்தாத்ரே பட்சல்கிகரை விசாரணை அமைப்புகளின் விசாரணையை கண்காணிக்க உச்ச நீதிமன்றம் நியமித்துள்ளது.

நீதித்துறை குழு மற்றும் தத்தாத்ரே பட்சல்கிகர் இருவரும் தனித்தனியான அறிக்கைகளை உச்ச நீதிமன்றத்தில் சமர்ப்பிக்க அறிவுறுத்தப்பட்டுள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“