அயோத்தி மருத்துவமனை திட்டம் ஒத்திவைப்பு: வஃக்ப் வாரியம் தகவல்

2019 ஆம் ஆண்டு ராமர் கோவில் வழக்கில், உச்ச நீதிமன்றத்தின் தீர்ப்பிற்குப் பிறகு வக்பு வாரியத்திற்கு நிலம் வழங்கப்பட்டது.

அயோத்தியின் தன்னிப்பூரில் இந்த நிலம் உள்ளது. இங்கு மருத்துவமனை, மசூதி மற்றும் கம்யூனிட்டி கிச்சன் கட்ட நிர்வாகம் திட்டமிட்டுள்ளது. ஆனால் நிதிப்பற்றாக்குறை காரணமாக இந்தத் திட்டங்களில் தொய்வு ஏற்பட்டுள்ளது.

அதன் உறுப்பினர்களின் கூற்றுப்படி, அறக்கட்டளை முதலில் மருத்துவமனையையும் பின்னர் ஒரு மசூதியையும் கட்டத் திட்டமிட்டது. ஆனால் பணமின்மையால் அது நிறுத்தப்பட்டது.

அறக்கட்டளையின் செயலாளரும் செய்தித் தொடர்பாளருமான அதர் ஹுசைன், இந்த திட்டம் இப்போது பல சிறிய கட்டங்களில் மேற்கொள்ளப்படும் என்றார்.

மேலும், “நிதிப் பற்றாக்குறை காரணமாகத் திட்டத்தை நிறுத்தி வைத்துள்ளோம். சிரமம் இருந்தபோதிலும், நாங்கள் திட்டத்தை கைவிட மாட்டோம், ஆனால் மூலோபாயத்தை மாற்றுவோம். நாங்கள் திட்டத்தை பல சிறிய திட்டங்களாகப் பிரிப்போம்,” என்றார்.

தொடர்ந்து, “மசூதியின் புதிய வரைபடத்தை அயோத்தி மேம்பாட்டு ஆணையத்திடம் சமர்ப்பிப்போம். மசூதி கட்ட குறைந்த பணம் எடுக்கும். அதை ஏற்பாடு செய்வது மிகவும் எளிதாக இருக்கும்,'' என்றார்.

நவம்பர் 9, 2019 அன்று, ராம ஜென்மபூமி-பாபர் மசூதி வழக்கில் உச்ச நீதிமன்றம் வழங்கிய தீர்ப்பில், சர்ச்சைக்குரிய இடத்தை கோவில் கட்டவும், அயோத்தியில் ஐந்து ஏக்கர் நிலத்தை முஸ்லிம்களுக்கு மசூதி கட்டவும் வழங்கவும் உத்தரவிட்டது.

தொடர்ந்து, உத்தரப்பிரதேச சன்னி மத்திய வக்பு வாரியத்திற்கு ராமர் கோயில் பகுதியில் இருந்து 25 கிலோமீட்டர் தொலைவில் உள்ள தன்னிபூர் கிராமத்தில் உள்ள நிலத்தை மாவட்ட நிர்வாகம் வழங்கியது.

இதையடுத்து, இந்தோ-இஸ்லாமிக் கலாச்சார அறக்கட்டளை அறக்கட்டளை வக்ஃப் வாரியத்தால் ஜூலை 2020 இல் மசூதியின் கட்டுமானத்தை மேற்பார்வையிட உருவாக்கப்பட்டது.

அறக்கட்டளை பின்னர் அந்த நிலத்தை மசூதிக்கு கூடுதலாக ஒரு தொண்டு மருத்துவமனை, ஒரு சமூக சமையலறை, ஒரு நூலகம் மற்றும் ஒரு ஆராய்ச்சி நிறுவனம் ஆகியவற்றைக் கட்ட முடிவு செய்தது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“