சமூக ஊடகம் என்பது ஒரு பரந்த அறிவுக் களஞ்சியம் ஆகும். உடல்நலம் மற்றும் வாழ்க்கை என்று வரும்போது, சமூக ஊடகங்களில் பரிந்துரைக்கப்படுவதை பலர் பின்பற்ற முனைவதால், அது இன்னும் அதிக முக்கியத்துவம் பெறுகிறது.
எனவே, "கண்ணாடியை அகற்ற" உதவும் சில எளிய வழிமுறைகளைப் பரிந்துரைக்கும் ஒரு இடுகையை நாங்கள் கண்டபோது, அதை நிபுணர்களிடம் சரிபார்க்க முடிவு செய்தோம்.
Blinking, Focus shifting, Eye massage, Eye stretch, Up-Down eye movement, Side-to-side eye movement, Zooming இந்த 7 படிகளை வழக்கமாக செய்யும் போது உங்கள் கண்பார்வை மேம்படும், மேலும் நீங்கள் கண்ணாடி அணிவதிலிருந்து நிவாரணம் பெறலாம் என்று யோகா நிபுணர் ரூபிகா ராணா இன்ஸ்டாகிராமில் பகிர்ந்து கொண்டார்.
வல்லுநர்கள் எங்களிடம் கூறியது இங்கே
ஹைதராபாத்தில் உள்ள மேக்சிவிசன் ஐ சூப்பர் ஸ்பெஷாலிட்டி மருத்துவமனையின் டாக்டர் நரஹரி யம்ஜாலா கூறுகையில், கண்களை எதிர் கடிகார திசையில் சுழற்றுவது ஒரு பிரபலமான ஆனால் நிரூபிக்கப்படாத முறையாகும்..
இது கண் தசைகளை பலப்படுத்துகிறது ஆனால் அறிவியல் ஆதாரங்கள் இல்லை, பார்வை மேம்பாடு என்பது முறையான கண் பராமரிப்பு, ஊட்டச்சத்து மற்றும் நிபுணர்களின் தொழில்முறை வழிகாட்டுதலின்படி உள்ளது.
எனவே பாதுகாப்பான மற்றும் பயனுள்ள தீர்வுகளுக்கு கண் நிபுணரை அணுகவும், என்று டாக்டர் யம்ஜாலா கூறினார்.
சில வாழ்க்கைமுறை மாற்றங்கள் உங்கள் ஒட்டுமொத்த கண் ஆரோக்கியத்தில் நேர்மறையான தாக்கத்தை ஏற்படுத்தினாலும், கண்ணாடிகளின் தேவையை நீங்கள் முற்றிலும் நீக்கிவிட முடியாது, என்று டாக்டர் ஒய் ஜெயபால் ரெட்டி கூறினார்.
இயற்கையாகவே கண்ணாடிகளின் தேவையை நீக்கும் கருத்து, பெரும்பாலும் அறிவியல் சான்றுகளை விட, தவறான தகவல்களை அடிப்படையாகக் கொண்டது, என்று டாக்டர் ரெட்டி வலியுறுத்தினார்.
கிட்டப்பார்வை (myopia), தூரப்பார்வை (hyperopia) மற்றும் ஆஸ்டிஜிமாடிசம் போன்ற பார்வை பிரச்சனைகள் முதன்மையாக கண்ணின் லென்ஸ் மற்றும் கார்னியாவின் வடிவத்தால் ஏற்படுகின்றன. வாழ்க்கை முறை மாற்றங்கள் சில சந்தர்ப்பங்களில், குறிப்பாக குழந்தைகளில், கிட்டப்பார்வையின் வளர்ச்சியை மெதுவாக்க உதவும், ஆனால் அவர்கள் அதை முற்றிலுமாக மாற்றியமைக்க வாய்ப்பில்லை, என்று டாக்டர் ரெட்டி கூறினார்.
டாக்டர் ரெட்டி பின்வரும் நடவடிக்கைகளை பரிந்துரைத்தார்.
வழக்கமான கண் பரிசோதனை
நல்ல கண் ஆரோக்கியத்தை பராமரிப்பதற்கான முதல் படி, ஒரு கண் மருத்துவரிடம் வழக்கமான கண் பரிசோதனைகளை திட்டமிடுவதாகும். ஒரு விரிவான கண் பரிசோதனையானது உங்கள் பார்வையைத் துல்லியமாக மதிப்பிடலாம் மற்றும் சாத்தியமான சிக்கல்களைக் கண்டறியலாம்.
லென்ஸ்
ஆரோக்கியமான வாழ்க்கை முறை ஒட்டுமொத்த நல்வாழ்வுக்கு பங்களிக்கும் அதே வேளையில், குறிப்பிட்ட மாற்றங்கள் உங்கள் கண்ணாடியின் தேவையை நேரடியாக பாதிக்காது என்பதை கவனத்தில் கொள்ள வேண்டும். இருப்பினும், ஆன்டிஆக்ஸிடன்ட்கள் நிறைந்த ஒரு சீரான உணவைப் பராமரிப்பது, நீரேற்றத்துடன் இருப்பது மற்றும் வழக்கமான உடற்பயிற்சியைப் பெறுவது கண் ஆரோக்கியத்தை ஆதரிக்கும், என்று டாக்டர் ரெட்டி கூறினார்.
ஸ்கிரீன் டைம்
நீட்டிக்கப்பட்ட திரை நேரம், குறிப்பாக டிஜிட்டல் சாதனங்களில், கண் சிரமத்திற்கு பங்களிக்கும். 20-20-20 விதியைப் பின்பற்றவும்: ஒவ்வொரு 20 நிமிடங்களுக்கும், 20 அடி தூரத்தில் உள்ள ஒன்றை குறைந்தது 20 வினாடிகளுக்குப் பாருங்கள், கண் அழுத்தத்தைக் குறைக்கவும்" என்று டாக்டர் ரெட்டி கூறினார்.
வெளிப்புற நேரம்
டாக்டர் ரெட்டியின் கூற்றுப்படி, வெளியில் நேரத்தை செலவிடுவது, குறிப்பாக குழந்தை பருவத்தில், கிட்டப்பார்வை சாத்தியமாக குறைவதுடன் இணைக்கப்பட்டுள்ளது. நல்ல வாழ்க்கை முறையின் ஒரு பகுதியாக வெளிப்புற செயல்பாடுகளை ஊக்குவிக்கவும், என்று டாக்டர் ரெட்டி கூறினார்.
வாழ்க்கை முறை சரிசெய்தல் உங்கள் ஒட்டுமொத்த கண் ஆரோக்கியத்திற்கு பங்களிக்கும் அதே வேளையில், இந்த மாற்றங்களின் மூலம் கண்ணாடிகளின் தேவையை நீங்கள் முற்றிலுமாக அகற்றலாம் என்ற எண்ணம் நிறுவப்படவில்லை.
உங்கள் குறிப்பிட்ட தேவைகளுக்கு ஏற்ப தனிப்பயனாக்கப்பட்ட மதிப்பீடு மற்றும் வழிகாட்டுதலுக்கு ஒரு கண் மருத்துவரை அணுகுவது அவசியம்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.