பூண்டு சமைக்கும் போது 10 நிமிடங்களுக்கு அப்படியே: அதிக ஆரோக்கிய நன்மைகளை பெற மருத்துவர் சொல்லும் வழி

பெரும்பாலான இந்திய உணவுகளுக்கு பூண்டு ஒரு தனித்துவமான சுவையை சேர்க்கிறது.  இது உணவுக்கு சுவையூட்டுவது மட்டுமின்றி, உடலின் நோய் எதிர்ப்பு சக்தியை வலுப்படுத்தவும், பல நோய்களைத் தடுக்கவும் உதவுகிறது. 

பூண்டில் அல்லிசின் என்ற கலவை உள்ளது, உண்மையில் இது ஒரு மருந்து. இது புற்றுநோய், இருதய நோய் மற்றும் நீரிழிவுக்கு எதிராக போராடும் சிறந்த நோய்-தடுப்பு விளைவுகளைக் கொண்டுள்ளது.

நிபுணர்களின் கூற்றுப்படி, இது பூஞ்சை எதிர்ப்பு மற்றும் ஆண்டிசெப்டிக் தன்மை கொண்டது, மேலும் டிமென்ஷியா மற்றும் அல்சைமர் போன்ற சில அறிவாற்றல் நோய்களைத் தடுக்க உதவும்.

சிலர் வறுத்த பூண்டை வெறும் வயிற்றில் சாப்பிடுவார்கள். எவ்வாறாயினும், பூண்டை 2 நிமிடம் வறுப்பது கூட அதன் அனைத்து ஆரோக்கிய நன்மைகளையும் அழிக்கிறது என்று நிபுணர்கள் எச்சரிக்கின்றனர்.

சமைத்தவுடன், பூண்டில் உள்ள அல்லிசின் கலவையானது பி மற்றும் சி போன்ற நீரில் கரையக்கூடிய வைட்டமின்களுடன் சேர்ந்து இழக்கப்படுகிறது, ஏனெனில் அவை அனைத்தும் வெப்பத்துக்கு உணர்திறன் கொண்டவை.

எனவே பூண்டின் ஆரோக்கிய நன்மைகளைத் தக்கவைக்க, மருத்துவர் மூமல் ஆசிஃப் இன்ஸ்டாகிராமில் ஒரு சிறிய மாற்றத்தை பரிந்துரைத்தார்.

பூண்டை நசுக்கி அல்லது நறுக்கி, 10 நிமிடங்களுக்கு அப்படியே வைக்கவும். இந்த நேரத்தில் அதிகபட்ச அல்லிசின் உருவாக்கப்பட்டு, சமைக்கும் போது அப்படியே இருக்கும்.

10 நிமிடங்களுக்குப் பிறகு உங்கள் விருப்பத்திற்கு ஏற்ப அதை வதக்கலாம் அல்லது வறுக்கலாம். இது உங்கள் உணவுகளில் சேர்ந்துவிடும்.

இந்த சூப்பர் விதி மூலம் பூண்டின் எண்ணற்ற நன்மைகளை அனுபவிக்கவும்!

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“