சிங்காரச் சென்னை : வட இந்தியர்களின் சொர்க்க பூமி சௌகார்பேட்டையின் புகைப்படத் தொகுப்பு!

History of Chennai Sowkarpet Mint Street Photo Gallery : வட சென்னையின் கலாச்சார மையமாக, பன்முகத் தன்மை கொண்ட பகுதியாக இருக்கிறது மிண்ட் தெரு. வால்டாக்ஸ் ரோட்டில் இருந்து சென்னை மத்திய ரயில் நிலையம் வரையிலான 4 கி.மீ தெருவில் என்ன தான் இருக்கிறது என்பதை புகைப்படங்களின் வாயிலாக அறிந்து கொள்ளுங்கள்!

சிங்காரச் சென்னை வரலாறு 1 : இது தங்கசாலை தெரு உருவான கதை…

குறுகலான தெருக்களைக் கொண்டிருக்கும் இந்த பகுதியில் சில வீடுகள் அப்படியே பயன்படுத்தாமல் கைவிடப்பட்டிருக்கிறது.

பல்வேறு தொழில்களை செய்யும் மக்கள்

சௌகார்பேட்டையில் குஜராத்திகள், ராஜஸ்தானிகள், தெலுங்கு மக்கள், தமிழ் மக்கள் என பல மொழி பேசும் இந்திய மக்கள் வசித்து வருகின்றனர். ஒவ்வொருவரும் ஒவ்வொரு தொழிலை செய்கின்றனர்.

சௌக்கார்பேட்டை என்றாலே ஜொலிக்கும் உடைகளும், நகைகளும் தான் முதலில் ஞாபகத்திற்கு வரும். அதில் சந்தேகங்களுக்கு இடமே இல்லை. சென்னை சௌக்கார்பேட்டை தங்கசாலை தெருவில் அமைந்திருக்கும் துணிக்கடைகள்.

மதங்களும் கோவில்களும்

இந்த பகுதியில் தமிழ் இந்துக்கள், மார்வாரி இந்துக்கள், குஜராத் சமணர்கள் என பலதரப்பட்ட மக்கள் வசிக்கின்றனர். எனவே நீங்கள் இங்கு நிறைய கோவில்கள் இருப்பது ஆச்சரியம் அளிக்கும் ஒன்றில்லை.

530 வருடங்களுக்கு முன்பு கட்டப்பட்ட பைராகி மடம் பிரசன்ன வெங்கடாசலபதி கோவில் வெளிக்கோபுரம் மற்றும் உட்கோபுரம்.

சமணர் கோவில்கள்

இந்த பகுதியில் நிறைய குஜராத்தி ஜெய்ன்களின் வழிப்பாட்டுத் தலங்கள் அமைந்திருக்கிறது. இந்த கோவிலில் பூஜை செய்வதற்காக விதிமுறைகள் பலவும் பின்பற்றப்பட்டு வருகிறது.

ராஜஸ்தான் இந்து கோவில்கள்

தமிழ் இந்து கோவில்கள் போல் இல்லாமல் மற்றொரு வகையான கட்டமைப்பைக் கொண்டுள்ளது மார்வாரி இந்து கோவில்கள். மார்பிள் கற்களால் ஆன இந்த கோவில்களைக் கட்ட ராஜஸ்தான் மாநிலத்தில் இருந்து சொம்புரா பிராமணர்கள் வரவழைக்கப்படுகின்றனர்.

கோவில்கள் மட்டுமின்றி மடங்களாலும், பஜனைக்கூடங்களாலும் நிரம்பி வழிந்த தங்கசாலை தெரு ஒரு காலத்தில் கர்னாடிக் சங்கீதம் மலர காரணமாக அமைந்திருந்தது. இன்று பஜனைக் கூடங்கள் ஏதும் இல்லை. இது ஒன்று மட்டும் தான் கண்ணில்பட்டது.

நாணயங்கள் தயாரிப்பு மட்டுமின்றி அச்சக தொழில்களும் இங்கு வளம் பெற துவங்கியது. தி இந்து, விகடன் போன்ற பத்திரிக்கைகள் தங்களின் பயணத்தை இங்கு தான் துவங்கியது.

சென்னை வரலாற்றினை எடுத்துப்பார்த்தால் கறுப்பர்கள் நகரம் என்று அழைக்கப்பட்ட ஜார்ஜ் டவுன் இன்றி வரலாறு முழுமை அடையாது. அதன் ஒரு பகுதியாக இருக்கும் சௌக்கார்பேட்டையின் சாலைகள் எல்லாம் நாம் கடந்து வந்த 300 ஆண்டு கால சென்னையின் வரலாற்றினை தன்னுள் கொண்டிருக்கிறது. சௌகார்பேட்டை குறித்த முழுமையான வரலாற்றினைப் படிக்க