குக்கர் தீஞ்சு போச்சா? செலவே இல்லாமல் பளீச்; இந்த 3 பொருள் ரெடியா வையுங்க!

நம் சமையல் அறையில் அதிகம் ஆதிக்கம் செலுத்தும் ஒரு பொருள் என்றால் அது குக்கர் தான். சட்டென வேலையை முடிக்க வேண்டும் என்றால் நாம் குக்கரை தான் பயன்படுத்துவோம். உதாரணமாக காய்கறிகளை சாதாரண பாத்திரத்தில் வேக வைத்தால் பல மணி நேரம் ஆகும். ஆனால், இதே குக்கரி போட்டு இரண்டு விசில் வைத்தால் பத்தே நிமிடத்தில் காய்கறி வெந்துவிடும்.

அதுமட்டுமல்லாமல், சிக்கன், மட்டன் என சைவ உணவுகளை வேக வைப்பதற்கும் குக்கர் பெரும் உதவியாக இருக்கிறது. இப்பொழுது உங்கள் வீட்டிற்கு சொல்லாமல் கொள்ளாமல் யாரேனும் உறவினர்கள் வந்துவிட்டால் சமையலை விரைவில் முடிக்க நாம் தேடுவது குக்கராக தான் இருக்கும். இப்படி சமையலில் பெரும் அங்கமாக இருக்கும் குக்கர் திடீரென மக்கர் செய்தால் அந்த நாள் அவ்வளவு தான், முடிஞ்சு போய்விடும்.

சில நேரங்களில் குக்கரில் உணவு பொருட்களை சமைக்கும் பொழுது தண்ணீர் இல்லாமலோ அல்லது நமது கவன சிதறல் நாளோ குக்கர் அடிப்பிடித்துவிடும். இப்படி அடிப்பிடிக்கும் குக்கரை சுத்தம் செய்வது பெரும் சவாலான ஒரு விஷயம். அடிப்பிடித்த குக்கரை சுத்தம் செய்து எடுப்பதற்குள் இடுப்பு எலும்பு முறிந்துவிடும். இப்படி தலைவலியை கொடுக்கும் அடிப்பிடித்த குக்கரை எப்படி ஈஸியான முறையில் சுத்தம் செய்யலாம் என்று இந்த தொகுப்பில் பார்க்கலாம்.

சிம்பிள் டிப்ஸ்

அடிப்பிடித்த குக்கரை அடுப்பில் மிதமான சூட்டில் வைக்கவும். பின்னர் அதில் சிறிது தண்ணீர் ஊற்றி நன்கு கொதிக்கவிடவும். தண்ணீர் நன்கு கொதித்ததும் அதில் இரண்டு ஸ்பூன் உப்பு, இரண்டு ஸ்பூன் பேக்கிங் சோடா, ஒரு ஸ்பூன் துணி துவைக்கும் சலவை பொடி, ஒரு பாக்கெட் ஈனோ ஆகியவற்றை சேர்த்து நன்கு கொதிக்கவிடவும்.

View this post on Instagram

A post shared by Artkala Angan (@artkalaangan)

தண்ணீர் நன்கு கொதித்ததும் அந்த தண்ணீரை கீழே கொட்டிவிட்டு நாம் பயன்படுத்தும் பாத்திரம் கழுவும் லிக்யூடை வைத்து நன்றாக தேய்த்து எடுத்தால் உங்கள் குக்கர் புதிது போல மாறிவிடும். இனிமேல் குக்கர் அடிப்பிடித்தால் கை வலிக்க தேய்க்காமல் இந்த டிப்ஸை பயன்படுத்தி ஈஸியா குக்கரை சுத்தம் செய்யுங்கள்.