வீட்டு கண்ணாடி ஜன்னல் பளீச்... கை வலிக்காமல் துடைக்க இந்த லிக்யூடு; 2 நிமிசத்துல ரெடி!

ஜன்னல் கண்ணாடிகள் உங்கள் வீட்டிற்கு ஒளியையும், அழகிய வெளிப்புறக் காட்சியையும் வழங்குகின்றன. ஆனால், மழை நீர், தூசு, கடின நீர் கறைகள் (Hard Water Stains), பறவை எச்சங்கள் மற்றும் புகை போன்ற பல காரணங்களால் இவை எளிதில் அழுக்கடைந்து, உங்கள் வீட்டின் தோற்றத்தையே மங்கச் செய்துவிடும். சிலர் இதை கவனித்து பார்க்கும் போதெல்லாம் துடைப்பார்கள். சிலர் இருக்கும் வேலைகளில் இந்த கண்ணாடியில் உள்ள அழுக்குகளை கண்டு கொள்ளமாட்டார்கள்.

அப்படி கண்டுகொள்ளாமல் விடும் பட்சத்தில் வீட்டு ஜன்னல் கண்ணாடிகளில் அழுக்குகள் படிந்து நாள்பட்ட கறைகளாக மாறிவிடும். இதை நீக்குவதற்கு நாம் விலை உயர்வான லிக்யூடுகளை வாங்கி பயன்படுத்துவோம் இருந்தாலும் ஜன்னல் கண்ணாடியில் உள்ள அழுக்குகள் முழுமையாக போவதில்லை. இப்படி வீட்டு ஜன்னல்களில் போகவே மாட்டேன் என்று பிடிவாதமாக இருக்கும் அழுக்குகளை வீட்டில் இருக்கும் சில பொருட்கள் மூலம் எப்படி எளிதில் போக்கலாம் என்று இந்த தொகுப்பில் பார்க்கலாம்.

சிம்பிள் டிப்ஸ்

ஒரு பாத்திரத்தில் ஒரு பாக்கெட் ஈனோவை எடுத்துக் கொள்ளவும். இதனுடன் நீங்கள் பயன்படுத்தும் ஷாம்பு அல்லது காலாவதியான ஷாம்புவை ஊற்றவும். இதனுடம் கொஞ்சம் எலுமிச்சை சாறு சேர்த்து தண்ணீர் ஊற்றி நன்றாக கலக்கவும். இந்த கலவையை ஒரு ஸ்ப்ரே பாட்டில் ஊற்றி உங்கள் வீட்டு ஜன்னல்களில் எங்கு அழுக்குகள் இருக்கிறதோ அங்கு ஸ்ப்ரே செய்யவும்.

சிறிது நேரத்திற்கு பிறகு ஒரு துணியை வைத்து ஸ்ப்ரே செய்த இடத்தில் துடைத்து எடுத்தால் நீங்களே அசந்து போவிங்க. போகவே மாட்டேன் என்று அடம்பிடித்து ஒட்டிக் கொண்டிருந்த கறை காணாமல் போய்விடும். அதுமட்டுமல்லாமல், உங்கள் வீட்டு கண்ணாடி ஜன்னலும் பளிச்சிடும். இந்த லிக்யூடை ஜன்னல் கண்ணாடிகளுக்கு மட்டுதான் பயன்படுத்த வேண்டும் என்று இல்லை.

View this post on Instagram

A post shared by Pratima Shaw (@hackwithpratima02)

உங்கள் அறையில் இருக்கும் பீரோ கண்ணாடிகளில் கூட பயன்படுத்தலாம். அதுமட்டுமல்லாமல், உங்கள் சமையல் அறையில் நீங்கள் சமையல் செய்யும் பொழுது சிதறிய எண்ணெய் கறை, மசாலா பொடிகளின் அழுக்கு என பல கறைகள் ஒட்டி இருக்கும். இவற்றை போக்கவும் இந்த லிக்யூடை பயன்படுத்தலாம். டைல்ஸ்களில் கறை இருக்கும் இடங்களில் இந்த லிக்யூடை ஸ்ப்ரே செய்துவிட்டு ஒரு துணியை வைத்து துடைத்து எடுத்தால் உங்கள் வீட்டு டைல்ஸ் பளபளவென மாறிவிடும். இனிமேல், கறைகளை நீக்க பணத்தை செலவழிக்காமல் இந்த ஒரு எளிய டிப்ஸை செய்து பாருங்கள்.