பழைய டூத் பிரஷை இனி தூக்கி வீசாதீங்க... பாத்ரூம் முதல் பைக் டயர் வரை; இப்படி க்ளீன் பண்ணுங்க!

நாம் பயன்படுத்தும் டூத் பிரஷ்களை நாம் தேவையில்லை என்று தூக்கி எறிவதுண்டு. ஆனால், இந்த பயன்படுத்திய டூத் பிரஷ்களை வைத்து நாம் பல வேலைகளை சுலபமாக செய்யலாம் அது என்ன என்பதை இந்த தொகுப்பில் பார்க்கலாம். பொதுவாக கண்ணாடி கிளாஸுகள்,  சில்வர் கிளாஸுகளின் அடிப்பக்கத்தை கழுவ நமக்கு சிரமமாக இருக்கும்.

பாத்திரம் கழும் பிரஷ்ஸை கொண்டு கிளாஸின் அடிப்பகுதிகளை முடிந்த வரை தேய்த்துவிட்டு விட்டுவிடுவோம். ஆனால், இந்த வேலையை டூத் பிரஷ் வைத்து சுலபமாக முடித்துவிடலாம். ஒரு பயன்படுத்திய டூத் பிரஷின் முன் பகுதியை தீயில் காட்டவும். பின்னர் அந்த பகுதியை பின்னோக்கி வளைக்கவும். இதை கொண்டு நீங்கள் உங்கள் கிளாஸ்களின் அடிப்பகுதியை சுலபமாக சுத்தம் செய்துவிடலாம்.

இதேபோன்று, கழிவறையில் இடுக்குகளில் உள்ள அழுக்குகள் நாம் என்ன தான் செய்தாலும் சுத்தமாகுவதில்லை. இதை நொடியில் சுத்தம் செய்ய நாம் பயன்படுத்திய டூத் பிரஷின் முன் பகுதியை தீயில் வாட்டி முன்பக்கமாக வளைக்கவும். இதன் மூலம் கழிவறையின் இடுக்குகளில் உள்ள அழுக்கை சுலபமாக நீக்கலாம். ஊசியில் நூல் கோர்க்கும் வேலை என்பது மிகவும் கடினமான வேலையாகும். வீட்டில் பெரியவர்கள் இருந்தால் சிறியவர்களை அழைத்து நூலை கோர்க்கச் சொல்வார்கள். 

இனிமேல் நூல் கோர்ப்பது குறித்து கவலைப்பட வேண்டாம். டூத் பிரஷில் ஊசியை நன்றாக அழுத்தி வைக்கவும். இதன் மீது நூலை போட்டு இழுத்து பிடித்தால் நூலை சுலபமாக கோர்த்துவிடலாம். பூட்டில்,  சாவி உடைந்து மாட்டிவிட்டதா? கவலைய விடுங்க டூத் பிரஷின் தலையை வெட்டுங்கள். அதன் பின்னர் பிரஷின் கைப்பிடியை தீயில் காண்பித்து அப்படியே பூட்டில் மாட்டிக் கொண்ட சாவியின் மீது வையுங்கள். சூடு ஆறிய பின்னர் எடுத்து பாருங்கள் பிரஷுடன் பூட்டில் மாட்டிக் கொண்ட சாவியும் வந்துவிடும்.  இரண்டு டூத் பிரஷ்களை ஒன்றாக சேர்த்து கட்டிவிட்டு குழாயை சுத்தம் செய்தால் குழாய் பளிச்சென்று மாறிவிடும்.

View this post on Instagram

A post shared by Nonstop Viral (@nonstop._viral_)

டூத் பிரஷின் தலையை வெட்டி எடுத்துக் கொள்ளுங்கள். அதில் ஒரு ஆணியை நுழைத்துக் கொள்ளுங்கள். இப்போது டூத் பிரஷின் தலையை ஒரு ட்ரில்லில் மாடிக் கொள்ளவும் இப்போது உங்களிடம் ஒரு பவர் டூத் பிரஷ் இருக்கிறது. இது டயர்களை சுத்தம் செய்ய சூப்பரா உபயோகப்படும். இரண்டு டூத் பிரஷை எடுத்துக்கொள்ளவும் அதன் தலைகள வெட்டி எடுத்துக் கொண்டு ரப்பர் போட்டு சுற்றவும். இதன் மூலம் சூரிய காந்தி விதைகளை நீக்கலாம். இப்படி நாம் பயன்படுத்திய டூத் பிரஸ் மூலம் பல உபயோகமான வேலைகளை செய்யலாம்.