மனித உடலைப் பற்றி நாம் அறிந்த பல சுவாரஸ்யமான பகுதிகளுக்கு மத்தியில், அது செரிமான செயல்முறைக்கு உதவ அமிலத்தை உற்பத்தி செய்கிறது. ஆனால் இந்த அமிலம், உலோகங்களை உருக்கும் அளவுக்கு வலிமையானது என்று யாராவது உங்களிடம் சொன்னீர்களா?
எனவே, அதன் பின்னணியில் உள்ள உண்மையைக் கண்டறிய, மனித உடலில் உற்பத்தி செய்யப்படும் அமிலம், அதன் செயல்பாடு, அதிகமாக உற்பத்தி செய்யப்பட்டால் என்ன நடக்கும், சில உலோகங்களை உண்மையில் உருக முடியுமா என்பது உள்ளிட்ட அனைத்தையும் டிகோட் செய்த நிபுணர்களிடம் பேசினோம்.
மனித உடலில் உற்பத்தி செய்யப்படும் அமிலம் எது?
நமது வயிற்றில் இருப்பது ஹைட்ரோகுளோரிக் அமிலம் (HCL), இது செரிமானத்திற்கு அத்தியாவசியமான அமிலமாகும். இது வயிற்றின் ஆக்ஸிஜன் செல்கள் மூலம் சுரக்கப்படுகிறது, என்று டாக்டர் என் ரவிசங்கர் ரெட்டி, இந்தியன் எக்ஸ்பிரஸிடம் கூறினார்.
இது "PH 1.5- 2.0" கொண்ட மிகவும் வலுவான அமிலம். இது நாம் உண்ணும் ஒவ்வொரு உணவையும் ஜீரணிக்கக்கூடியது மற்றும் தோலுடன் தொடர்பு கொள்ளும்போது காயங்களை ஏற்படுத்தும் என்றும் அவர் கூறினார்.
ஆனால் இந்த அமிலம் உலோகங்களையும் உருக்க முடியுமா?
அப்படி பரவலான கூற்றுக்கள் இருந்தபோதிலும், அது உண்மை இல்லை. வயிற்றில் உள்ள HCL அமிலம் உலோகங்களை உருக்க முடியாது, ஆனால் துருப்பிடிக்க வைக்கும், என்று டாக்டர் ரெட்டி கூறினார்.
தனது சொந்த அனுபவத்தில் இருந்து சில உதாரணங்களையும் அவர் பகிர்ந்து கொண்டார். நீங்கள் எதை உட்கொண்டாலும் அது வயிற்றில் நீண்ட நேரம் இருக்கும். 52 நாட்களுக்குப் பிறகு ஒரு நாணயத்தையும் அகற்றியுள்ளோம்.
இதை ஒப்புக்கொண்ட டாக்டர் வினய் திர், நம் வயிறு ஹைட்ரோகுளோரிக் அமிலத்தை உற்பத்தி செய்கிறது, ஆனால் ஆச்சரியப்படும் விதமாக அது நம் வயிற்றை சேதப்படுத்தாது என்று பகிர்ந்து கொண்டார். ஹைட்ரோகுளோரிக் அமிலத்தின் செறிவு குறைவாக இருப்பதால், அது பலவீனமான அமிலமாகும். இந்த செறிவுகளில் இது உலோகங்களைக் கரைக்காது.
நம் வயிற்றில் உள்ள அமிலத்தின் செயல்பாடு என்ன?
வயிற்றில் உள்ள அமிலம் நாம் சாப்பிடும் அல்லது குடிக்கும் தேவையற்ற உயிரினங்களிலிருந்து நம்மைப் பாதுகாக்கிறது. இது நாம் உண்ணும் உணவை உடைத்து மேலும் செரிமான செயல்முறைக்கு தயார் செய்கிறது. வயிற்றில் உள்ள அமிலம் உணவை உடைத்து, செரிமானத்தை எளிதாக்குகிறது, மேலும் பாக்டீரியாவையும் அழிக்கிறது, என்று டாக்டர் ரெட்டி கூறினார்.
வயிற்றில் அதிகப்படியான அமிலம் உற்பத்தியானால் என்ன ஆகும்?
வயிற்று அமிலம் செரிமானத்திற்கு அவசியம், ஆனால் அதிகப்படியான அமில உற்பத்தி சிக்கல்களை ஏற்படுத்தும். சில அரிதான நிலைகளில் அதிக அளவு அமிலம் சுரக்கப்படலாம். சில வயிற்று நோய்த்தொற்றுகள் அமில சுரப்புகளை அதிகரிக்கலாம், என்று டாக்டர் திர் கூறினார்.
அதிகப்படியான அமில உற்பத்தியானது மேல் வயிற்றில் எரிச்சல், ரிஃப்ளக்ஸ் அறிகுறிகள் மற்றும் புண்களை ஏற்படுத்தலாம்.
அசிடிட்டி வராமல் தடுக்க டாக்டர் ரெட்டி பகிர்ந்துள்ள குறிப்புகள்
சரியான நேரத்தில் உணவு எடுத்துக் கொள்ளுங்கள்
தொடர்ந்து உடற்பயிற்சி செய்யுங்கள்
சரியான தூக்கம்
வேலை மற்றும் வாழ்க்கையில் மன அழுத்தத்தை நிர்வகித்தல்
அசிடிட்டி ஏற்படும் போது ஆன்டாக்சிட்களை எடுத்துக் கொள்ளலாம்.
நம் உணவில் எளிய மாற்றங்கள் அசிடிட்டியின் அறிகுறிகளைக் குறைக்கும். நாம் அதிக பருமனாக இருந்தால், பாதுகாப்பு செயல்முறை தோல்வியடைகிறது, மேலும் நமக்கு அடிக்கடி அசிடிட்டி இருக்கும்.
உடல் செயல்பாடு மற்றும் எடை இழப்பு இந்த பிரச்சனைகளை கட்டுப்படுத்த உதவுகிறது. இந்த பிரச்சனைகள் நீண்ட காலத்திற்கு தொடர்ந்தாலோ அல்லது அடிக்கடி ஏற்பட்டாலோ, நீங்கள் இரைப்பை குடல் நிபுணரை அணுக வேண்டும், என்று டாக்டர் திர் முடித்தார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.