scorecardresearch

நீரிழிவு பாதித்த பெண்கள் கர்ப்பத்தைத் திட்டமிடுவதற்கு முன்பு இதை செய்யுங்கள்?

ஒருவருக்கு நீரிழிவு நோய் இருந்தால், அவர்கள் கருத்தரிப்பதற்கான முயற்சியைத் தொடங்குவதற்கு குறைந்தபட்சம் ஆறு மாதங்கள் முன்பு கூடிய விரைவில் மருத்துவரை அணுக வேண்டும் என்று டாக்டர் க்ஷிடிஸ் முர்டியா கூறினார்

நீரிழிவு பாதித்த பெண்கள் கர்ப்பத்தைத் திட்டமிடுவதற்கு முன்பு இதை செய்யுங்கள்?
நீரிழிவு பெண்களின் பாலுணர்விற்கு தீங்கு விளைவிக்கும்.

மனித உடல் அதன் அனைத்து பாகங்களுக்கிடையில் சிக்கலான உறவுகளுடன் பிணைக்கப்பட்டுள்ளது. ஒரு உறுப்பு சரியாகச் செயல்படத் தவறினால் மற்றொன்றின் செயலிழப்பும் ஏற்படலாம். இதேபோல், நீரிழிவு நோய், ஆண் மற்றும் பெண் இருவரிலும் கருவுறுதலில் தாக்கத்தை ஏற்படுத்தும் என்று டாக்டர் க்ஷிடிஸ் முர்டியா கூறினார்.

நீரிழிவு என்பது நாளமில்லா சுரப்பிக் கோளாறு ஆகும், அங்கு உடல் இரத்த சர்க்கரை அளவை சாதாரண வரம்பில் வைத்திருக்க போராடுகிறது. நீரிழிவு நோயாளிகள் தங்கள் இரத்த சர்க்கரை அளவை உன்னிப்பாக கண்காணிக்க அடிக்கடி கேட்கப்படுகிறார்கள்.

நீரிழிவு நோய் அவர்களின் இரத்த நாளங்கள், நரம்புகள் மற்றும் சிறுநீரகங்களில் ஏற்படுத்தக்கூடிய எதிர்மறையான விளைவுகளை அவர்கள் முழுமையாக அறிந்திருக்கிறார்கள் என்று டாக்டர் முர்டியா இடம் கூறினார்.

ஆனால் இந்த நிலை கர்ப்பத்தை எவ்வாறு பாதிக்கிறது?

திட்டமிடப்பட்ட மற்றும் திட்டமிடப்படாத கர்ப்பம்

ஒரு பெண்ணுக்கு நீரிழிவு நோய் இருந்தால், முடிந்தவரை சீக்கிரம் மருத்துவரை அணுக வேண்டும். அவர்கள் கருத்தரிப்பதற்கான முயற்சியைத் தொடங்குவதற்கு குறைந்தபட்சம் ஆறு மாதங்கள் இருக்க வேண்டும். இதன்மூலம் ஒருவர் தனது இரத்த சர்க்கரை அளவை எவ்வாறு கட்டுப்படுத்துவது என்பது குறித்த ஆலோசனைகளையும் வழிகாட்டுதலையும் பெறுவார்.

அவர்கள் தங்கள் உணவில் தேவையான சில ஊட்டச்சத்துக்கள் மற்றும் ஃபோலேட் போன்ற சப்ளிமெண்ட்ஸையும் சேர்க்க வேண்டும். டாக்டர்கள் தங்களின் மருந்துச் சீட்டில் மாற்றங்களையும் பரிந்துரைக்கலாம், என்று டாக்டர் முர்டியா கூறினார்.

கர்ப்பத்தை எப்போதும் திட்டமிட முடியாது. திட்டமிடப்படாத கர்ப்பம் போன்ற சந்தர்ப்பங்களில், நோயாளி நீரிழிவு நோயால் பாதிக்கப்பட்டிருந்தால், சரியான வழிகாட்டுதல் பெற உடனடியாக மருத்துவரை அணுக வேண்டும். தாயின் மற்றும் பிறக்காத குழந்தையின் ஆரோக்கியத்திற்காக இரத்த சர்க்கரை அளவை சீராக வைத்திருக்க வேண்டும், என்று டாக்டர் முர்டியா கூறினார்.

கருவுறுதல் மற்றும் நீரிழிவு நோய்க்கு இடையிலான இணைப்பு

கட்டுப்பாடற்ற நீரிழிவு நோயால் கருவுறுதல் பாதிக்கப்படலாம், இது கர்ப்பம் தரிப்பதற்கான வாய்ப்பை பாதிக்கிறது. அனைத்து கர்ப்பங்களிலும் சில ஆபத்துகள் உள்ளன, ஆனால் டைப் 1 அல்லது டைப் 2 நீரிழிவு நோயின் போது தாய் மற்றும் குழந்தைக்கு ஆபத்து அதிகரிக்கிறது.

கருவுறுதல் பல காரணிகளால் பாதிக்கப்படலாம்

நீரிழிவு நோய், பெண்களுக்கு ஒழுங்கற்ற அல்லது இல்லாத மாதவிடாய் சுழற்சியை தூண்டலாம். இது பிரசவத்திற்கு முன் அல்லது பிரசவத்தின் போது குழந்தை இறப்பது, கருச்சிதைவு, சிசேரியன் மற்றும் புதிதாகப் பிறந்த குழந்தைக்கான முக்கியமான கவனிப்பு ஆகியவற்றின் சாத்தியத்தையும் அதிகரிக்கலாம்.

ஆண்களில், இது டெஸ்டோஸ்டிரோன் அளவை பாதிக்கலாம் மற்றும் விறைப்புத்தன்மையில் தலையிடலாம், என்று டாக்டர் முர்டியா குறிப்பிட்டார், சில சிக்கல்களை முற்றிலுமாக அகற்ற முடியாது என்றாலும், அவற்றைக் குறைக்க பல விஷயங்கள் உள்ளன.

கர்ப்பத்தைத் திட்டமிடுவதற்கான உதவிக்குறிப்புகள்

நோயாளி அவர்களின் HbA1C பரிந்துரைக்கப்பட்ட நிலைக்கு பெற முயற்சிக்க வேண்டும். ஹீமோகுளோபின் A1c (HbA1c) சோதனையானது ஹீமோகுளோபினுடன் எவ்வளவு குளுக்கோஸ் (இரத்த சர்க்கரை) பிணைக்கப்பட்டுள்ளது என்பதைக் கணக்கிடுகிறது. நீரிழிவு நோய் எவ்வளவு திறம்பட நிர்வகிக்கப்படுகிறது என்பதை மதிப்பிடும் முக்கியமான இரத்தப் பரிசோதனை இதுவாகும், என்று டாக்டர் முர்டியா கூறினார்.

இரண்டாவதாக, கர்ப்பத்தின் முதல் எட்டு வாரங்கள் மிகவும் முக்கியமானவை. எனவே, கர்ப்பம் தரிப்பதற்கு முன் அவர்களின் இரத்த சர்க்கரையை கட்டுக்குள் வைத்திருப்பது மிகவும் முக்கியம்.

உணவுக்கு முன்னும் பின்னும் அவற்றின் அளவைச் சோதிப்பது இதன் ஒரு பகுதியாகும். ஒருவரின் இரத்த குளுக்கோஸ் மற்றும் கர்ப்பமாக இருக்கும்போது அவற்றை எவ்வாறு பராமரிப்பது என்பது குறித்து ஒருவரின் மருத்துவர் ஆலோசனை கூறலாம், என்று நிபுணர் கூறினார்.

ஃபோலிக் ஆசிட் நுகர்வு மற்றொரு முக்கியமான விஷயம். ஃபோலிக் ஆசிட் கர்ப்பத்திற்கு முன்னும் பின்னும் உட்கொண்டால், நரம்பு குழாய் குறைபாடுகள் (NTDs) எனப்படும் குறிப்பிடத்தக்க மூளை மற்றும் முதுகெலும்பு பிறப்பு அசாதாரணங்களில் 70 சதவீதம் வரை தடுக்கலாம்.

ஒருவருக்கு நீரிழிவு நோய் இருந்தால் இந்த நோய்களால் குழந்தைகள் பிறக்கும் அபாயம் அதிகமாக உள்ளது, எனவே அவர்களின் மருத்துவர்களின் ஆலோசனையின்படி வழக்கமான இடைவெளியில் ஃபோலிக் அமிலத்தை உட்கொள்ள வேண்டும்.

இவை தவிர, சரியான ஊட்டச்சத்தை உறுதி செய்தல், சுறுசுறுப்பாக இருத்தல், ஆரோக்கியமான எடை, மது மற்றும் புகைபிடித்தல் போன்ற பழக்கங்களை கைவிடுதல் போன்ற வாழ்க்கை முறை மாற்றங்கள் ஆரோக்கியமான கர்ப்பத்தை உறுதி செய்கின்றன.

இந்த ஆரோக்கியமான நீரிழிவு மேலாண்மை உத்திகளை புகுத்த முயற்சிக்கும்போது, ​​நோயாளி அவற்றுடன் பழகுவதற்கு சிறிது காலம் ஆகலாம். சில சமயங்களில் அனைத்து நடவடிக்கைகளையும் பின்பற்றிய பின்னரும் கூட, ஒரு தம்பதியினர் இன்னும் கருவுறாமை பிரச்சினைகளை கையாளும் சூழ்நிலைகள் இருக்கலாம். இயற்கையான நடவடிக்கை தோல்வியுற்றால், கருவுறுதல் சிகிச்சைகள் முக்கியமானவை.

அட்வான்ஸ் டெக்னாலஜியின் உதவியுடன், உதவி இனப்பெருக்க தொழில்நுட்பத்தில், IVF போன்ற சிகிச்சை முறைகள் உள்ளன, இது பல தம்பதிகளுக்கு பெற்றோரின் கனவை வெற்றிகரமாக்குகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: Pregnancy and diabetes how to plan pregnancy when you have diabetes