வழக்கமான எக்ஸர்சைஸ் போர் அடிக்குதா? பி.வி.சிந்து சொல்லும் ஸ்ட்ரெச்சிங் டிப்ஸ் இங்கே

உடற்பயிற்சி ஆர்வலர்கள் அனைவருக்கும், வழக்கமான ஸ்ட்ரெச்சிங் தான் முதன்மையானதாக இருக்கும்.

இருப்பினும், அடிக்கடி ஸ்ட்ரெச்சிங் செய்வது உங்களுக்கு சாதாரணமானதாகவும் ஆர்வமில்லாததாகவும் இருந்தால், பேட்மிண்டன் வீராங்கனை பி.வி.சிந்து சொல்லும், சில உற்சாகமான ஸ்ட்ரெச்சிங் பயிற்சிகளை உங்களுக்காக நாங்கள் கொண்டு வந்துள்ளோம்.

பாருங்கள்

View this post on Instagram

A post shared by The Olympic Games (@olympics)

இடுப்புப் பகுதி, கைகள் மற்றும் கால்கள் உள்ளிட்ட சில நிலையான மற்றும் ஆற்றல்மிக்க ஸ்ட்ரெச்சிங்கை பி.வி.சிந்து செய்து காட்டுகிறார்.

பி.வி.சிந்துவின் ஸ்ட்ரெச்சிங் டிப்ஸ் மூலம் உங்கள் ஆட்டத்தை அடுத்த கட்டத்திற்கு கொண்டு செல்லுங்கள்! உங்கள் நெகிழ்வுத்தன்மையை மேம்படுத்துங்கள், மேலும் ஒரு சாம்பியன் போல காயங்களைத் தடுக்கவும்!

ஏன் ஸ்ட்ரெட்சிங் செய்ய வேண்டும்?

பெரும்பாலான மக்களுக்கு, உடற்பயிற்சியின் பின் நிலையான ஸ்ட்ரெச்சிங் இணைத்துக்கொள்வது நெகிழ்வுத்தன்மையை மேம்படுத்துவதிலும் மீட்புக்கு உதவுவதிலும் பயனுள்ளதாக இருக்கும் என்று தி பாடி சயின்ஸ் அகாடமியின் இணை நிறுவனர் வருண் ரத்தன் கூறினார்.

நிலையான ஸ்ட்ரெச்சிங் சில எடுத்துக்காட்டுகள் இங்கே

சிட் அண்ட் ரீச் ஸ்ட்ரெச் (Sit and reach stretch): இது நெகிழ்வுத்தன்மை சோதனையில் உன்னதமானது, இந்த ஸ்ட்ரெச்சிங் முதன்மையாக உங்கள் தொடை எலும்புகள் மற்றும் கீழ் முதுகில் குறிவைக்கிறது.

பட்டர்ஃபிளை ஸ்ட்ரெச் (Butterfly stretch): பட்டாம்பூச்சியின் இறக்கைகளை ஒத்த கால்களின் நிலைக்கு பெயரிடப்பட்டது, இது உங்கள் உள் தொடைகள், இடுப்பு மற்றும் கீழ் முதுகை ஸ்ட்ரெச் செய்கிறது.

ப்ரீட்ஸல் ஸ்ட்ரெச் (Pretzel stretch): இது உங்கள் குளூட்ஸ் மற்றும் கீழ் முதுகில் குறிவைக்கிறது. இது ஒரு ஆழமான நீட்டிப்பு, இது தொடங்குவதற்கு சில நெகிழ்வுத்தன்மை தேவைப்படுகிறது.

பாசிவ் ஸ்ட்ரெயிட் லெக் ஸ்ட்ரெச் (Passive straight leg stretch): இது உங்கள் தொடையின் நெகிழ்வுத்தன்மையை அதிகரிக்க உதவுகிறது மற்றும் இறுக்கத்தை குறைக்க உதவும்.

Knees to chest stretch: இது உங்கள் கீழ் முதுகு மற்றும் இடுப்பை குறிவைக்கிறது. இது கீழ் முதுகில் அழுத்தத்தை போக்க உதவும், உங்கள் உறக்க நேர வழக்கத்தில் இணைத்துக்கொள்ள இது ஒரு நல்ல ஸ்ட்ரெச்.

வஜ்ராசனம்

இது உங்கள் தொடைகள், கணுக்கால் மற்றும் முழங்கால்களில் வேலை செய்யும் ஒரு யோகா ஸ்ட்ரெச் ஆகும்.

நிலையான ஸ்ட்ரெச்சிங் பல தசாப்தங்களாக வார்ம் அப் நடைமுறைகளின் முக்கிய பகுதியாகும். இருப்பினும், உடற்பயிற்சிக்கு முன் இது சிறந்த தேர்வாக இருக்காது என்று சமீபத்திய ஆராய்ச்சி கூறுகிறது. நிலையான ஸ்ட்ரெச்சிங் என்பது பொதுவாக 30 முதல் 60 வினாடிகள் வரை ஸ்ட்ரெச்சிங் செய்வதை உள்ளடக்குகிறது.

இது உங்கள் இயக்கத்தின் வரம்பை அதிகரிக்கும் அதே வேளையில், தசை சக்தியில் அதன் தாக்கம் ஒரு விவாதப் பொருளாகும், என்று ரத்தன் குறிப்பிட்டார்.

மறுபுறம், டைனமிக் ஸ்ட்ரெச்சிங் - சுறுசுறுப்பான இயக்கத்தை உள்ளடக்கியது - ஒரு ட்விஸ்ட், பேக்பெடல் ஜாக் போன்றவை பயிற்சிக்கு முன் மிகவும் பயனுள்ளதாக இருக்கும், ஏனெனில் இது தசை வெப்பநிலை மற்றும் இரத்த ஓட்டத்தை மேம்படுத்துகிறது, இதனால் செயல்திறனை மேம்படுத்துகிறது.

ஸ்ட்ரெச்சிங் குறித்த உறுதியான வழிகாட்டுதல்களை நிறுவ இன்னும் விரிவான ஆராய்ச்சி தேவை, என்று ரத்தன் பகிர்ந்து கொண்டார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”