கோடைகால சங்கிராந்தி 2023: ஜூன் 21 ஏன் ஆண்டின் மிக நீண்ட நாள்?

ஒவ்வொரு ஆண்டும், ஜூன் 21, உலகின் வடக்கு பகுதியில் (northern hemisphere) கோடைகால சங்கிராந்தி நாளாகக் குறிக்கப்படுகி றது. அங்கு கோடை ஆண்டின் நடுப்பகுதியில் உள்ளது, இது டிசம்பரில் கோடைகாலம் இருக்கும் தெற்கு அரைக்கோளத்திற்கு மாறாக உள்ளது.

ஆர்க்டிக் குளிர்காலத்தின் அரை வருடத்திற்குப் பிறகு, பூமியின் துருவங்களில் ஒன்று சூரியனை நோக்கி அதிகபட்சமாக சாய்ந்திருக்கும் போது, கோடையின் ஆரம்பம் அல்லது கோடையின் நடுப்பகுதியில் கோடைகால சங்கிராந்தி கொண்டாடப்படுகிறது.

ஜூன் 21, ஆண்டின் மிக நீண்ட நாள் மற்றும் குறுகிய இரவு ஆகும், இந்த நாளுக்குப் பிறகு, நாட்கள் குறுகியதாகவும், மெதுவாகவும், சீராகவும் தொடங்கும்.

ஆனால் ஜூன் 21 ஏன் ஆண்டின் மிக நீண்ட நாள்? அன்று பூமியின் துருவமானது அதன் வழக்கமான சாய்வை விட 23.5 டிகிரிக்கு அதிகமாக சாய்கிறது. இந்த சாய்வு பூமியை அதன் மேற்பரப்பில் நேரடியாக சூரிய ஒளியைப் பெறச் செய்கிறது.

சங்கிராந்தி நாளில், சூரியன் கடகரேகையில், அதன் வடக்கு நிலையை அடைகிறது, அதன் பிறகு அது தனது திசையைத் திருப்பி மீண்டும் தெற்கு நோக்கி நகரும் முன் அசையாமல் நிற்கிறது.

இந்த ஆண்டு, இது ஜூன் 21 அன்று, இங்கிலாந்தில் பிற்பகல் 3:58 BST, அமெரிக்காவில் காலை 10:58 ET / காலை 7:58 PT, மற்றும் இந்தியாவில் இரவு 8:27 மணிக்கும் இது நடைபெறும்.

இந்த நிகழ்வை உலகின் பல கலாச்சாரங்கள் செழிப்பாக கொண்டாடுகின்றன. 7 நாடுகள் கோடைகால சங்கிராந்தியை எவ்வாறு கொண்டாடுகின்றன என்பது இங்கே.

இங்கிலாந்து

வரலாற்றுக்கு முந்தைய நினைவுச் சின்னமான ஸ்டோன்ஹெஞ்சில் சூரிய உதயத்தைக் காண மக்கள் கூடுகிறார்கள், அந்த நேரத்தில், வான்வெளியுடன் கற்களின் அமைப்பு பார்ப்பதற்கு அழகான காட்சியை உருவாக்குகிறது.

ஸ்வீடன்

ஸ்வீடனில், கோடைகால சங்கிராந்தி மிட்சோமர் என்று அழைக்கப்படுகிறது. கோடைகாலத்தை கொண்டாடவும் தழுவவும் மக்கள் மலர்களால் அலங்கரிக்கப்பட்ட மேபோல்களைச் (maypoles) சுற்றி கூடுகிறார்கள்.

ஐஸ்லாந்து

இது ஐஸ்லாந்தில் மிட்நைட் சன் திருவிழா என்று அழைக்கப்படுகிறது, ஏனெனில் அன்று நாடு பகலில் 24 மணி நேரமும் ஒளியைப் பெறுகிறது, பல இடங்களில் நெருப்பு மூட்டுவது மற்றும் கண்காட்சிகள் இரவு முழுவதும் நீடிக்கும்.

ரஷ்யா

ரஷ்யாவில் வெள்ளை இரவு (White Night) என்று அழைக்கப்படும் இந்த திருவிழா ஆடம்பரமாகவும் சிறப்பாகவும் கொண்டாடப்படுகிறது, இசை நிகழ்ச்சிகள், வான வேடிக்கை, ஸ்கார்லெட் செயில்ஸ் நிகழ்வுடன், பிரகாசமான சிவப்பு பாய்மரங்களுடன் நெவா ஆற்றின் குறுக்கே பெரிய கப்பல்கள் பயணிக்கின்றன.

நார்வே

நார்வேயில், ஜான் பாப்டிஸ்ட் பிறந்ததைக் கொண்டாடும் வகையில், இந்த திருவிழா ஸ்லின்னிங்ஸ்பேலட் (Slinningsbålet) என்று கொண்டாடப்படுகிறது. இந்த நெருப்பு, தீய ஆவிகளின் காற்றை சுத்தப்படுத்துவதாக கூறப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“