scorecardresearch

மூக்கடைப்பு, தும்மல், வைரஸ் தொற்று பறந்து போகும்.. ஆயுர்வேத வைத்தியம் இங்கே

உங்களுக்கு மூக்கடைப்பு மற்றும் தும்மல் இருந்தால், உணவுமுறை நிபுணர் அகன்க்ஷா ஜே ஷர்தாவிடமிருந்து ஒரு சிறந்த மருந்து இங்கே உள்ளது.

மூக்கடைப்பு, தும்மல், வைரஸ் தொற்று பறந்து போகும்.. ஆயுர்வேத வைத்தியம் இங்கே
viral infection home remedy

சீசன் மாறும்போது பலர் காய்ச்சல், சளி, இருமல், கண்களில் எரிச்சல் மற்றும் உடல்வலி போன்றவற்றை அனுபவிக்கிறார்கள். இது பருவகால மாற்றங்களின் போது ஏற்படும் வெப்பநிலை மற்றும் ஈரப்பதத்தில் கடுமையான ஏற்ற இறக்கம் காரணமாகும். இந்த மாற்றங்கள் உடலின் நோய் எதிர்ப்பு சக்தியைக் குறைத்து, பாக்டீரியா மற்றும் வைரஸ் தாக்குதலுக்கு ஆளாகின்றன, என்று ஊட்டச்சத்து நிபுணர் ரச்சனா அகர்வால் கூறுகிறார்.

தீவிர நிகழ்வுகளுக்கு அவசர மருத்துவ சிகிச்சை தேவைப்படும் போது, ​​வீட்டிலேயே சிகிச்சையளிக்கக் கூடிய சந்தர்ப்பங்களில் மிகவும் எளிமையான வீட்டு வைத்தியங்கள் உள்ளன. எனவே, உங்களுக்கு மூக்கடைப்பு மற்றும் தும்மல் இருந்தால், உணவுமுறை நிபுணர் அகன்க்ஷா ஜே ஷர்தாவிடமிருந்து ஒரு சிறந்த மருந்து இங்கே உள்ளது.

“சமீபத்தில் எனக்கு வைரஸ் காய்ச்சல் வந்தது. ஆனால் நான் எப்படி விரைவில் குணமடைந்தேன்? நான் பாட்டியின் ரகசியத்தைப் பயன்படுத்தினேன்: இஞ்சி மற்றும் துளசி”, என்று அவர் தனது இன்ஸ்டாகிராம் வீடியோவில் கூறினார்.

எப்படி தயாரிப்பது?

* சில துளசி இலைகளை தண்ணீரில் போட்டு, துருவிய இஞ்சி சேர்க்கவும். தண்ணீரை நன்கு கொதிக்கவும்.

* இதை வடிகட்டி அதில் ஒரு துளி தேன் கலந்து அந்த தண்ணீரைக் குடிக்கவும்

ஏன் நல்லது?

* துளசி பருவகால நோய்த்தொற்றுகளை எதிர்த்துப் போராடுவதில் மிகவும் பிரபலமானது.

*இருமல், சளி, லேசான காய்ச்சலைக் குணப்படுத்த இது பயனுள்ளதாக இருக்கும்.

*உங்கள் ஆற்றலை அதிகரிக்கவும் இந்த பானம் உதவுகிறது.

*உங்கள் செரிமான அமைப்பை ஆரோக்கியமாக்குகிறது.

ஊட்டச்சத்து நிபுணர் லோவ்னீத் பாத்ராவும், இந்த இரண்டு இந்திய மூலிகைகளின் பண்புகளை பகிர்ந்து கொண்டார்.

இஞ்சியில் ஜிஞ்சரோல்ஸ், பாரடோல்ஸ், செஸ்கிடெர்பென்ஸ், ஷோகோல்ஸ் மற்றும் ஜிங்கரோன் ஆகியவை நிரம்பியுள்ளன, இவை அனைத்தும் சக்திவாய்ந்த அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்டுள்ளன. இஞ்சி “உடலின் திசுக்களுக்கு ஊட்டச்சத்துக்களை ஒருங்கிணைப்பதையும் கொண்டு செல்வதையும் மேம்படுத்துகிறது” இது காய்ச்சல் மற்றும் குளிர்ச்சியைத் தடுக்க உதவுகிறது.

துளசி ஒரு புனித மூலிகையாக கருதப்படுகிறது, இது மன அழுத்தத்தை போக்க உதவுகிறது மற்றும் ஆற்றல் அளவை அதிகரிக்க உதவுகிறது. அதன் “ஆன்டிஆக்ஸிடன்ட், அழற்சி எதிர்ப்பு மற்றும் ஆன்டி ஏஜிங் பண்புகள் மூலம், இது நம் உடலுக்கு அதிசயங்களைச் செய்யும்.

இருப்பினும், குர்கானின் ஃபோர்டிஸ் மெமோரியல் ரிசர்ச் இன்ஸ்டிடியூட் தலைமை மருத்துவ ஊட்டச்சத்து நிபுணர் தீப்தி கதுஜா, இஞ்சி போன்ற பொருட்களை அதிகமாக பயன்படுத்துவதற்கு எதிராக எச்சரித்தார்.

இதில் ஆன்டி-ஆக்ஸிடன்ட்கள் இருந்தாலும், செரிமான பிரச்சனைகளை உண்டாக்கும். பருவகால நோய்த்தொற்றுகளிலிருந்து நீங்கள் விலகி இருப்பதை உறுதிசெய்ய, சீரான உணவு மற்றும் உடல் செயல்பாடுகளுடன் இணைந்து, ஒரு நாளைக்கு ஒரு முறை கஷாயத்தை உட்கொள்வது நல்லது, என்று அவர் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: Viral infection home remedy ginger tulsi