scorecardresearch

நிம்மதியா தூங்க ஒரு இடம் வேணும் நினைச்சவங்களுக்கு? மனதை உருகவைத்த விஜே தீபிகா

தன் அப்பா, அம்மாவுக்கு தன் சொந்த செலவில் சின்னதாக ஓட்டு வீடு கட்டிய புகைப்படங்களை, தீபிகா இன்ஸ்டாகிராமில் பகிர்ந்துள்ளார்.

நிம்மதியா தூங்க ஒரு இடம் வேணும் நினைச்சவங்களுக்கு? மனதை உருகவைத்த விஜே தீபிகா
VJ DEEPIKA LAKSHMANAPANDI

பாண்டியன் ஸ்டோர்ஸ் சீரியல் மூலம், தமிழகமெங்கும் பிரபலமானவர் விஜே தீபிகா. இதில் கண்ணனுக்கு ஜோடியாக ஐஸ்வர்யாவாக, சீரியலில் குறுகிய காலமே நடித்தாலும், ரசிகர்களிடம் நல்ல வரவேற்பை பெற்றார். பிறகு முகப்பரு சிகிச்சைக்காக தீபிகா, சீரியலில் இருந்து பாதியிலேயே விலகினார்.

இந்நிலையில் தீபிகா ஒருமுறை ஐபிசி மங்கை யூடியூப் சேனலுக்கு பேட்டியளித்தார். அப்போது ஆங்கரிங் பயணம், சீரியல், வெற்றி தோல்வி, குடும்பம், முகப்பரு, அதிலிருந்து மீண்டு வந்தது என அனைத்தையும் அந்த பேட்டியின் போது தீபிகா பகிர்ந்து கொண்டார்.

அதில் தீபிகா பேசுகையில், ”நான் வீட்டுல மூனாவது பொண்ணு.  நான் மீடியாவுக்கு வரதுக்கு அம்மா, அப்பா ரெண்டு பேருமே ரொம்ப பயந்தாங்க. சொந்தகாரங்க திட்டும்போது ரொம்ப வருத்தப்படுவாங்க. எந்தவொரு ஃபங்ஷனுக்கு போனாலும், அம்மாவ அழ வச்சுடுவாங்க. அம்மா அழுதுட்டே வந்து புலம்பிட்டே இருப்பாங்க.

இப்போமே நிறைய பேரு ’நீ படிச்சிருக்க. உனக்கு வீடு, குடும்பம் பாக்கணும்னா, படிச்ச வேலைக்கு போலாமே. ஏன் இதை பண்றனு’ கேட்பாங்க. ஆனா, இது என்னோட ஆசை என பல விஷயங்களை அந்த பேட்டியின் போது, தீபிகா மனம்திறந்து பேசினார்.

இதனிடையே, தீபிகா முன்னதாக தன் அப்பா, அம்மாவுக்கு, தன் சொந்த செலவில் சின்னதாக ஒரு அறையுடன் கூடிய ஓட்டு வீடு கட்டிய புகைப்படங்களை இன்ஸ்டாகிராமில் பகிர்ந்திருந்தார்.

அதில், “சின்ன வயசுல டீச்சர் பெரிய பசங்களா ஆனதும் அப்பா, அம்மாவுக்கு என்ன செய்வீங்கனு கேட்டா, நிறைய பேரு வீடு கட்டி கொடுப்போம்னு சொல்லுவோம்.

ஆமா எல்லா பசங்களுக்கும், அப்பா அம்மாவுக்கு சொந்தமா ஒரு வீடு கட்டி தரனும்னு கண்டிப்பா ஆசை இருக்கும்.

வீடு ஒரு சின்ன விஷயம் இல்ல, அதுல ஆயிரகணக்கான எமோஷன் இருக்கு.

இன்னைக்கு எங்க அம்மா அப்பாவுக்கு என்னால முடிஞ்ச ஒரு கிஃப்ட் கொடுத்துருக்கேன். ஒருவேளை பாக்குற உங்களுக்கு இது சின்னதா தெரியலாம் ஆனா அதுல வாழ போற எங்களுக்கு இது கனவு. நிம்மதியா தூங்க ஒரு இடம் வேணும் நினைச்சவங்களுக்கு இந்த குட்டி வீடு கண்டிப்பா சந்தோஷம் தரும்னு நம்புறேன்” என்று அதில் பதிவிட்டிருந்தார்.

விஜே தீபிகா பகிர்ந்த இந்த படங்கள் இப்போது பார்ப்பவர்கள் மனதை உருக வைத்துள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: Vj deepika gifts little cute home to her parents