9-ஆம் வகுப்பு முதல் முதுகலை வரை: மாணவர்களுக்கு எஸ்.பி.ஐ. வழங்கும் 20 லட்சம் வரையிலான கல்வி உதவித்தொகை ! இப்போவே அப்ளை பண்ணுங்க

எஸ்பிஐ அறக்கட்டளையின் பிளாட்டினம் ஜூபிலி பரிசு!

இந்தியாவின் மிகப்பெரிய வங்கியான பாரத ஸ்டேட் வங்கியின் (SBI) சமூகப் பொறுப்புணர்வுப் பிரிவான எஸ்பிஐ அறக்கட்டளை (SBI Foundation), இந்த ஆண்டு ஒரு மகத்தான அறிவிப்பை வெளியிட்டுள்ளது. வங்கியின் பிளாட்டினம் ஜூபிலியைக் கொண்டாடும் விதமாக, 'எஸ்பிஐ பிளாட்டினம் ஜூபிலி ஆஷா கல்வி உதவித்தொகை 2025' திட்டத்தைத் தொடங்கியுள்ளது. இந்தத் திட்டத்திற்காக, 2026 நிதியாண்டிற்குள் ₹90 கோடி நிதியை ஒதுக்குவதாக எஸ்பிஐ உறுதியளித்துள்ளது. இதன் மூலம், ஏழை மற்றும் பின்தங்கிய குடும்பங்களைச் சேர்ந்த 23,230 திறமைவாய்ந்த மாணவர்களின் உயர்கல்வி கனவு நனவாகப் போகிறது!

₹15,000 முதல் ₹20,00,000 வரை நிதி உதவி!

வங்கி வெளியிட்டுள்ள அறிக்கையின்படி, 2022-ல் தொடங்கப்பட்ட இந்த 'ஆஷா கல்வி உதவித்தொகை' இந்த ஆண்டு பிரம்மாண்டமாக விரிவுபடுத்தப்பட்டுள்ளது. 9-ஆம் வகுப்பு பயிலும் மாணவர்கள் முதல் முதுகலைப் பட்டப் படிப்புகள் வரை செல்லும் மாணவர்கள் இந்தத் திட்டத்தில் உதவி பெறலாம்.

நிதியுதவி

மாணவரின் படிப்பு முடியும் காலம் வரை, ஆண்டுதோறும் ₹15,000 முதல் ₹20,00,000 வரையிலான நிதியுதவி வழங்கப்படும் என எஸ்பிஐ தெரிவித்துள்ளது. இது, மாணவர்களின் கல்விச் செலவு பற்றிய கவலையை முழுவதுமாக நீக்கி, அவர்கள் படிப்பதில் மட்டுமே கவனம் செலுத்த வழிவகுக்கும்.

விண்ணப்பக் காலம்

இத்திட்டத்திற்கான விண்ணப்பப் பதிவு, செப்டம்பர் 18, 2025 அன்று தொடங்கி, நவம்பர் 15, 2025 வரை (www.sbiashascholarship.co.in) என்ற இணையதளத்தில் செயல்படும்.

பாரத ஸ்டேட் வங்கியின் தலைவரான சல்லா ஸ்ரீநிவாசலு செட்டி அவர்கள் இதுகுறித்து பேசும்போது, "எங்கள் பிளாட்டினம் ஜூபிலி கொண்டாட்டங்களின் ஒரு பகுதியாக இந்த 'ஆஷா' உதவித்தொகையை அறிவிப்பதில் பெருமிதம் கொள்கிறோம். பின்தங்கிய குடும்பங்களைச் சேர்ந்த இந்தியாவின் பிரகாசமான 23,230 இளம் திறமைகளுக்கு ஆதரவளிப்பதன் மூலம், அவர்களின் லட்சியங்களை வளர்க்கவும், முழுத் திறனை அடையவும் நாங்கள் உதவுகிறோம். இந்த மாணவர்கள் இந்தியாவின் முன்னேற்றத்திற்கு வித்திடும் தீபங்களைத் தாங்குபவர்களாக மாறி, 2047-க்குள் விக்சித் பாரதம் (வளர்ந்த இந்தியா) என்ற தொலைநோக்கு இலக்கிற்குப் பங்களிக்க வேண்டும் என்பதே எஸ்பிஐ-யின் நோக்கம் என்று தெரிவித்தார்.