/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/10/19/chandrayaan-2-coronal-mass-ejection-2025-10-19-15-59-48.jpg)
For the first time, Chandrayaan-2 observes Sun’s Coronal Mass Ejection impact on Moon
இந்திய விண்வெளி ஆய்வு வரலாற்றில் மற்றொரு மைல்கல்லாக, சந்திரயான்-2 விண்கலம் நிலவின் மீது சூரியனின் 'கொரோனல் மாஸ் எஜெக்ஷன்' (Coronal Mass Ejection) எனப்படும் பெரும் வெடிப்பின் தாக்கத்தை முதன்முறையாக நேரடியாகக் கண்காணித்து உறுதி செய்துள்ளது. இது, நிலவின் மெல்லிய வளிமண்டலம் (Exosphere) மற்றும் விண்வெளி வானிலை (Space Weather) குறித்த நமது புரிதலைப் புரட்டிப் போடும் ஒரு முக்கிய நிகழ்வாகும்.
சந்திரயான்-2-ல் உள்ள அறிவியல் கருவிகளில் ஒன்றான 'சந்திராஸ் அட்மாஸ்பெரிக் காம்போசிஷன் எக்ஸ்ப்ளோரர்-2 (CHACE-2)' தான் இந்த அபூர்வ நிகழ்வைப் பதிவு செய்துள்ளது.
என்ன நடந்தது?
கடந்த சனிக்கிழமை (அக்டோபர் 19, 2025) அன்று, சூரியனில் இருந்து வெளியேறிய 'கொரோனல் மாஸ் எஜெக்ஷன்' நிலவின் மீது மோதியபோது, நிலவின் பகல்நேர புறக்கோளத்தின் (Exosphere) மொத்த அழுத்தத்தில் (Total Pressure) கணிசமான அதிகரிப்பு காணப்பட்டது.
இந்த அழுத்த அதிகரிப்பிலிருந்து பெறப்பட்ட நடுநிலை அணுக்கள் அல்லது மூலக்கூறுகளின் மொத்த எண்ணிக்கை அடர்த்தி (Total Number Density), வழக்கத்தைவிடப் பத்து மடங்குக்கு மேல் அதிகரித்திருந்தது தெரியவந்தது.
இதுவரை, சூரியப் புயல் நிலவின் வளிமண்டலத்தில் இப்படி ஒரு தாக்கத்தை ஏற்படுத்தும் என்று கோட்பாடுகள் மட்டுமே கணித்து வந்தன. ஆனால், இப்போது சந்திரயான்-2 தான் இதை முதல் நேரடி ஆய்வு மூலம் உறுதி செய்து, அக்கோட்பாடுகளை நிரூபித்துள்ளது!
மெல்லிய நிலவின் போர்வை - புறக்கோளம் (Exosphere)
பூமியைப் போல் அடர்த்தியான வளிமண்டலம் நிலவுக்கு இல்லை. நிலவின் மீது இருப்பது 'புறக்கோளம்' (Exosphere) என்று அழைக்கப்படும் மிகவும் மெல்லிய, நொறுங்கிவிடக்கூடிய (Fragile) ஒரு வாயுப் படலம் ஆகும்.
இந்தப் புறக்கோளத்தில் உள்ள வாயு அணுக்களும், மூலக்கூறுகளும் அரிதாகவே ஒன்றோடொன்று இடைவினை புரிகின்றன. நிலவின் மேற்பரப்பே இதன் எல்லையாகச் செயல்படுகிறது.
சூரியக் கதிர்வீச்சு, சூரியக் காற்று (Solar Wind - ஹைட்ரஜன், ஹீலியம் அயனிகள்) மற்றும் விண்கல் மோதல்கள் ஆகியவை நிலவின் மேற்பரப்பில் இருந்து அணுக்களைத் தட்டி எழுப்பி இந்தப் புறக்கோளத்தை உருவாக்குகின்றன.
இத்தகைய சூழலில், சூரியனில் இருந்து வெளிப்படும் 'கொரோனல் மாஸ் எஜெக்ஷன்' போன்ற சிறிய மாற்றங்கள் கூட, நிலவின் மெல்லிய வளிமண்டலத்தில் மிகப்பெரிய மாற்றத்தை ஏற்படுத்தும் வல்லமை கொண்டவை.
காந்தப் பாதுகாப்பு இல்லை: விளைவுகள் அதிகம்
'கொரோனல் மாஸ் எஜெக்ஷன்' என்பது சூரியன் தன் கட்டுமானப் பொருட்களான ஹீலியம் மற்றும் ஹைட்ரஜன் அயனிகளைப் பெருமளவில் வெளியேற்றும் நிகழ்வாகும். இந்த வெடிப்பின் தாக்கம் நிலவின் மீது அதிகமாக இருப்பதற்குக் காரணம்:
பூமிக்கு உள்ளது போல் நிலவுக்குச் சுழலும் உலகளாவிய காந்தப்புலம் (Global Magnetic Field) இல்லை.
நிலவு முற்றிலும் காற்று அற்ற கோளமாக (Airless Body) உள்ளது.
இந்த காரணங்களால், 'கொரோனல் மாஸ் எஜெக்ஷன்' நேரடியாக நிலவின் மீது மோதும்போது, அது மேற்பரப்பில் இருந்து அணுக்களை அதிக அளவில் தட்டி வெளியேற்றி, புறக்கோளத்தின் அழுத்தத்தை உடனடியாக உயர்த்துகிறது.
நிலவில் எதிர்கால தளங்களுக்கான எச்சரிக்கை!
இந்த அரிய கண்காணிப்பு நிகழ்வு, கடந்த மே 10, 2024 அன்று சூரியனில் இருந்து பல 'கொரோனல் மாஸ் எஜெக்ஷன்' ஒரே சமயத்தில் வெளிப்பட்டபோது சாத்தியமானது.
இந்த முதல் நேரடி ஆய்வு, நிலவின் புறக்கோளத்தைப் பற்றிய அறிவியலைப் புதுப்பிப்பதுடன், நிலவில் மனிதர்கள் வாழ்வதற்கான விஞ்ஞான தளங்களை அமைக்கும் எதிர்காலத் திட்டங்களுக்கு ஒரு முக்கியக் கருத்தாக உள்ளது.
விண்வெளி கட்டிடக் கலைஞர்கள் (Lunar Base Architects), இத்தகைய தீவிர சூரிய நிகழ்வுகளைக் கணக்கில் கொள்ள வேண்டும். ஏனெனில் இந்த 'கொரோனல் மாஸ் எஜெக்ஷன்' தாக்கம், குறுகிய காலத்திற்கு நிலவின் சுற்றுப்புறச் சூழலைத் தற்காலிகமாக மாற்றியமைக்கும் ஆற்றல் கொண்டது. நிலவில் நிலையான குடியிருப்புகளை அமைக்கும் சவால்களை இந்த ஆய்வு அடிக்கோடிட்டுக் காட்டுகிறது.
இந்த செய்தியை ஆங்கிலத்தில் வாசிக்க இங்கே கிளிக் செய்யுங்கள்!
Stay updated with the latest news headlines and all the latest Lifestyle news. Download Indian Express Tamil App - Android or iOS.